在長洲的第一天

2009年2月28日 星期六

我需要relax~我們決定入長洲relax一下先!!!!好期待好期等~

一入到去食返串魚肉豆卜, 好味道!!!仲食左細細粒蛋tart!!!!!

今次仲試左食<師妹甜品>, 好多人食wor~食心太軟, wow~好味道呀!!!
個蛋糕好軟呀!!!d漿好濃朱古力味呀!!!勁好味呀~

仲叫左個火焰雪山, 每次有人叫呢個都會熄燈整到個環境好黒, 之後點火
睇得好清楚呀!!!!好靚, 今次食呢個火焰雪山好味道, 但我覺得甜左d wor~

返去睇<保持通話>, 嘩, 原來咁好睇架~一睇就已經係9點啦!!!出去行下
買左冰鎮鮮果同薯片食下, 我地要等11點先黎我地既正餐~hehe~

終於等到11點啦!!!勁好開心~又出去狂買野食~買左好多好多野食呀!!!!
食到好滿足咁返入房訓覺lu!!點解咁快就過左1日架~開心既時間真係特別快~

buffet!

2009年2月17日 星期二

為慶祝男朋友的爸爸媽媽生日, 他們請佢地去食buffet, 因為要就嫲嫲近近地去麗豪吃吧!!!!

估唔到入面d野又幾好食, 又新鮮...有我吃的凍蝦長腳蟹!!!!
吃完凍盤就吃了件朱古力蛋糕, 幸好吃了, 後來不見它再出現!!!!

食到咁上下, 就走左出去影下相!!!!佢d decoration都幾好, 以海底為主題!!!!

仲有仲有男朋友至愛的,卡巴.....但味道都係差好遠好遠!!!!( donald duck只係攝鏡)

 

Freshness Burger

2009年2月15日 星期日

今天只係2個輕輕鬆鬆2個人行下街, 男朋友終於買左佢想好耐既鞋!!!!!

主要想記低我吃了想吃很久的freshness burger, 估唔到, 真係好味wor~
個burger好味, d沙律都唔係差架wor~good wor

仲抵讚既係佢d意粉$39, 唔貴仲要ok好食....仲有飲品一杯餐湯一杯good!!!!

4th-情人節快樂

2009年2月14日 星期六

祝大家有個開心的情人節(我知道依家先update有d耐, 但我沉迷左去台劇)
因為情人節的關係, 雖說到不送任何的禮物, 但我想收到一點心意還是會開心吧!!!!
一早起來弄來了朱古力鬆餅, 和弄了在無印買的心型朱古力蛋
鬆餅比上次成了好多, 口感好了好多!!!!而朱古力蛋糕裂左既:[

好彩經過包裝還算不錯吧!!!!仲有蕎蕎媽送比我地既禮物同大利是一封, 多謝

 

不喜歡情人節吃大餐, 吃了想吃很久的星座冰室, 吃了好濃好濃的蕃茄通粉

還吃了薯條, 簡簡單單就過了一天, 開心耶!!!

重要人物約會

2009年2月13日 星期五

今日約左重要人物, 一放工走去apm會合kaming,
點解情人節既deco成日都同你影架!!!!

重要人物出現啦~就係蕎媽媽, 蕎蕎同埋霖霖啦!!!!開頭蕎蕎同埋霖霖都有d怕羞!!!
因為係需要warmup, 但同蕎媽就係咁傾, 乜都講~

好快就warmup左, 肯同我影相, 肯同我同kmaing玩!!!!太開心啦~
我諗蕎蕎同霖霖比阿媽訓練有素, 一見得意既野就係甘影係咁影!!!!!

當然唔少得例牌既合照啦!!!!!真係好開心, 蕎蕎真係極度活潑!!!
係咁"yes"yes....其實食野果陣都見到好多人望住蕎蕎, 証明佢幾咁可愛

係商場中間難離難捨, 一個措手不及比霖霖蕎蕎捉住左, 但張相影到我好肥!!!!!

蕎媽媽, 你未免太客氣!!!

玫瑰玫瑰我愛你

2009年2月7日 星期六

今日放工相約了kaming, 出發去食個lunch~終於食到想食好耐既佐敦米線
食完就去行圓方, 嘩, 不得了啦!!!!!!!!

有好多我愛既玫瑰花呀!!!!!

玫瑰花真的好美麗呀~仲要全部都係真架!!!竟然可以靚到咁.....玫瑰玫瑰我愛你!!!

真係靚到....睇到我目的口呆!!!!!

仲用微距影左我至愛既玫瑰花!!!而右手邊朵花本身唔靚架!!!但影左出黎又幾靚wor~

呢張相超級靚!!!!一大朵玫瑰先係主角呀!!!!

一睇就知係用黎情人節架啦, 但幾時玫瑰花就代表左情人節wor?

終於做到去圓方想做既野, 不錯不錯!!!!!仲去左尖沙咀試相機!!!
再去尖沙咀行街, 終於買了牛仔褲
再去旺角食糖水, 我地真係去左好多地方呀~勁野!!!