生活雜記

2015年4月30日 星期四

我既blog依家好似除左打我個囡既事之外好似無咩好打咁!

我想食軟雪糕好耐好耐

但一直搵唔到(我並唔想食m記果d)

有次係鑽石山有Godiva, 但佢話買晒

終於想食左差唔多一個月終於都食到啦!

個雲厘拿朱古力又幾好味喎

唔會太甜~食完好滿足呀~

木子依家好鐘意沖涼

每次沖涼都踼晒腳fing晒手咁~

佢應該好鐘意玩水

我期待緊夏天帶佢去游水呀!

有日佢坐係bb車到勁頹

哈哈, 笑死我地2個啦~

其實我想講, "小朋友呀, 你眼訓合埋眼就訓到架啦~"

鏡頭一轉又訓醒啦~

醒左神情呆滯喎!

仲最值得留意既係佢實在太豪邁啦~

隻腳成日都伸出黎, 放返入去又伸出黎

問佢係咪覺得好好玩又無表情

阿囡呀, 你係女仔黎架, 比少少儀態啦!

放佢係high chair玩係一定要扣安全帶

如果唔係佢會玩到咁樣

(呢個可以放心, 我睇住佢玩, 包佢唔會跌親架)

佢終於好自在咁食到腳趾仔啦~

之前成日欣賞自己隻手, 依家成日捉住隻腳黎玩啦!

尋日發左件無奈+傷心既事

我小心奕奕咁處理緊木子啲食糧

一個唔小心, 咁樣就跌左個樽蓋落去

望住呢樽野真係除左無奈就係慾哭無淚~

好辛苦先到一餐奶架!咁佢又無左一餐飯仔啦!!!

4個月啦!

2015年4月17日 星期五

4月個啦, 咁快又到左17號

木子4個月, Happy 4 months my happy girl

睇下每月一相, 原來唔經唔覺已經變左勁多

0m果陣戰戰經經~心情好興奮, 平伏唔到

1m果陣覺得好迷恾, 因為陪月老公都走要自己湊

(點解一個月果陣咁黑忟忟既?)

2m好失落, 因為成日喊搞到勁頹

3m開始返工, 見少左佢, 掛住佢!

(果陣塊面眼角係咁紅, 都唔知咩事)

4m已經變左一個開心bb

係床仔玩到攰會自己訓

訓醒會繼續係床仔look黎look去等人黎餵奶

最鐘意人地同佢講早晨, 一講早晨就甜絲絲咁笑

開始識比反應, 同佢玩佢笑到卡卡聲

最搞笑係帶佢去打針

打針前心情勁靚, 係咁撩佢玩係咁笑

但一打完出黎就嬲爆爆

個樣完全地嬲晒成村人, 扁晒咀

點撩佢都唔比反應我地, 笑死我地~

有個好sad既消息

唔知點解木子好唔鐘意婆婆

婆婆既出現even佢無講野淨係望住佢

佢都可以大喊, 所以有婆婆係到, 木子特別扭計~

想正正經經同表妹影張相都大喊!

表妹100啦, 祝你健康快樂 

早2日帶左佢澳門

好成功~全程笑笑口!

但回程攰到訓足全程

其實係咪應該我地攰啲呢?

擺左條公仔係床邊

佢依家識同佢玩(仲要好鐘意同佢玩)

成日捉住佢先訓到覺

又要摸住佢又鍚佢

好搞笑

復活節假期

2015年4月8日 星期三

今年復活節連清明節有5日假期

真係超開心, 放假真係人生一樂也~

復活節第一日就放低個囡同老公去拍拍拖

第一站去按摩, 因為我feel到自己條頸超攰

按完鬆晒, 可以去下一站啦!

我地去左食韓燒, 帶住個女根本無可能食到~

終於都食到啦! 食到邊邊蛋同埋燒豬皮

我地既主菜, 一路都好想試既 - 醬油蟹

一試左, er~~我個人覺得幾得意

可以試一次, 但下次未必會再order, 哈哈

某日去左探朋友個囡囡

半個月人仔, 好細粒

原來木子已經靜悄悄起左革命

佢變得大粒左~生命真係好得意!

復活節好熱好熱

某日同朋友食完飯再去食糖水

但糖水地方係露天

我又幫佢著錯衫, 搞到佢好熱爆喊收場

拿拿臨食完返屋企

幫佢換返短袖加開冷氣即刻笑晒, 心情大靚

呢個囡超怕熱, 夏天都唔知點算~

新買左個car seat, 佢好鐘意

每次坐上去都笑晒

近排佢鐘意玩自己隻腳, 成日都捉到實一實

唔知幾時佢會擺隻腳入口食呢?

木子超百厭

bb床擺係廳, 我同老公做緊自己野

突然聽到佢叫, 一望就見到咁既情境

問佢做咩, 佢又係到笑~

佢匿埋左出唔返黎要嗌救命等我地救返佢出黎

真係笑死我啦~

我地個床圍擺左落洗衣機搞得太耐, 搞到唔廷身

但比呢個囡踩多2踩, 個床圍完全地變左梅菜feel

我諗住5月尾帶埋去旅行就放棄個床圍~

近排佢醒左好多

知道係床仔無野睇

佢成日都掀起個圍望野

就算拗晒腰都要睇

你睇佢, 真係申左個出黎望野

望到悶, 又會申返入去繼續玩~

望住佢娛樂都夠晒多! 哈哈