Hea 遊香港

2014年11月29日 星期六

太遲啦太遲識你~

如果早D識到你, 肯定喪玩, 玩到天昏地暗!

今日天色好差, 但都照出去走走~

走左去西環碼頭, 灘水無左, 但都照影可也

你咁貴買左部相機, 梗係要幫我同木子影下相啦~

又幾好喎, 有你部相機, 搞到我唔想拎自己果出黎呀!

呢張相, 影得幾有feel

噢~天色灰灰地, 真係要襯返d懶有mood既相至得!

無乜野影, 時間仲係好早

咁就去食件cake先~

去左川善茶居, 原本都係抱住一試既心態

因為係香港食親綠茶味既野都好假, 好苦

但......估唔到......

呢間野真係好好味呀!!!!

我杯綠茶朱古力, 個cheese cake仲有個心太軟~

真係好味到顛~令我好回味!!!!!

lunch早食+食得唔多, 食完件cake仲食得落野

咁就提早食dinner啦~哈哈, 好似好大食!

食左北海道牧場餐廳

想試好耐, 一直都無機會~就今日食啦!

其實都係快餐~

但係我最欣賞個蛋上面有pat蘑菇汁, 好味呀!!!
食完諗住去cwb影聖誕波
但點知未開放~搞到有點點失落~

但跟你一起真係好開心!

但你係爛玩, 但為左我遲出發早返歸~

你真係唔話得

歡送Jon仔

2014年9月24日 星期三

Jon仔last day啦~~

老細話要歡送佢, 揀左去銅鑼灣Mr.Steak食lunch buffet

嘩! 超開心呀! 

但同時我亦都sad sad 地, 因為我好多野都食唔到

基本上我介口唔介得清

淨係堅守幾樣野絕對唔食

生野, 沙律, 蟹

其他一律都照食可也!

但望住佢d 三文魚呀, 沙律呀, 真係超想食呀!

咁我唯有攻熟食啦~

但d和牛太生, 我只能叫佢再煮熟d先比我~

但d野食都好好味, 我好快就比質飽左了!

甜品唔介啦~

見到呢個北海道牛奶布丁, 即刻食返個先

超好味呀!!!!!但其他甜品都無意慾去食lu~

Jon仔希望你今年順利畢業~

返黎香港搵份工之後再一齊玩過!

哈~木子bb都受到祝福

多謝你地!!!

個心太軟真係好好味呀!!!

畢業10年

2014年8月16日 星期六

2014年我地畢業10年啦~

好開心識到呢班朋友

好開心識到呢個咁好玩既老師

好開心, 個個都仲有聯系

10年並唔係一個短既時間!

2004年, 我地個個岩岩畢業

每個人都行唔同既路

有諗過會散晒, 失去聯絡

當年有暗暗地失落傷心過

但原來希望真係係明天, 哈哈

10年後我地都係嘻嘻哈哈咁出席飯聚

朋友生日, 順便慶祝埋啦~

中間果位就係教我地PHY既老師

咁多年, 佢都無變過樣

佢同我地好close, 好吹得水架!!!!

最緊要係佢好講得少, 點串佢都得, 哈哈~

嘻嘻哈哈咁完成左一個晚上

好開心~我地仲會有14個大人出席!

我相信不久將來, 我地席上只會越黎越多人

我愛你地!

馬灣一日遊

2014年8月9日 星期六

一直到想入去馬灣試下個buffet~

終於搵到一日入去啦!

入到去晏得滯, 馬灣公園close左

真係掃興, 激死人啦!!!!!

萬無目的咁周圍行周圍hea

最後估唔到我地3條友仔係百佳hea得最耐

因為有冷氣, 因為我地大家都好鐘意食~~

終於hea夠鐘入去食野啦~

我抱住用團購既心態入去, 預左都係一般

可能真係無期望就無失望, 仲出乎之料之外喎!

都算幾多野揀, D野仲要幾好食架喎~

因為掛住食, 真係無乜影相!

但最最欣賞既係海鮮蕃茄濃湯, 超香既蕃茄味, 好鮮甜~

但好可惜, 佢既甜品真係唔多掂

樣樣都係麻麻地~

食完就梗係影下相啦~個view真係靚到不得之了!

是日農曆7月14, 我地一齊嘻嘻哈哈就乜都無有怕~

係沙灘影左勁多相~

笑到出汗影到出汗熱到出汗!

我真係好鐘意夜景, 真係好靚好迷人~

影夠睇夠就走人啦~我地仲有下場, 哈哈

老公過黎接埋我地

我地齊齊上去觀景台~

上到觀景台係覺得好靚

但可能岩岩馬灣出返黎, 會覺得馬灣近d再靚d~

唯一影到汀九橋~但可惜影完呢張相之後佢就熄左燈
我地亦都要走人lu~
好滿足既一天!!!!!

Happy Friday

2014年6月6日 星期五

難得星期五唔洗返學, 梗係即刻gogogogo

整返個happy friday啦~

走左去中環食英國菜

jon仔係英國返到黎都陪我地食返英國菜真係唔話得~

呢個set for 2人, 個牛好有牛味

個雞普通, 我超鐘意食d薯仔, 咸咸地幾好味

個餅係似牛角酥, 淋埋燒汁其實都幾好味~

重點, 我想食好耐架啦~

炸魚薯條!!!好期待好期待~~

黎到, 果然係好味, d魚都幾新鮮

jon仔話好食過英國呀!

但係炸魚得2舊, 我地3個人分唔夠喉!

不過佢一set for一個人食, 無預我地share黎食既, 哈哈

好好味好滿足既一餐

但可惜有人無book位

我地無得坐dinner果邊, 要坐bar果邊

成餐飯傾計要大大聲咁講野, 好似拗交咁

真係激死人

難得過到黎中環, 梗係去埋nightmarket啦~

一入到去好靚~好熱鬧, 滿心期待著的!

但由樓上行返落黎

真係無咩岩我睇, 無咩岩我買

我諗行一次真係夠晒啦!

小肥生日快樂

2014年1月23日 星期四

每個月有朋友生日都齊出黎聚一番

每年第一個生日就係小肥啦~

約出黎食餐飯!
見到廣告,完全地鎖定目標

要買東海堂既蕃薯蛋糕

因為紫色實在太美麗, 真身都好好好靚

但係我覺得入口無咁蕃薯
但其實都幾好味, 唔算太甜

中間夾左D紅豆係到, 唔錯~

 

因為中學誏到依家

同呢班人一齊永遠都咁開心架

但係, 當每個人都開始有自既家庭後

我地未必可以個個見啦~如果約到3個月見一次, 我都滿足架啦~

 

同場加映:

某人有打機 ,見到餐廳主題想影下相

但覺得走埋去影太宅男

佢諗諗計, 哈哈

咁都比佢諗到喎, 佢抱左小肥佪B埋去

扮同佢玩跟手同佢一齊影相

佢自我感覺良好晒, 笑死人~

去阿鉗家探小BB

2014年1月18日
 

 阿鉗生左個月都未去探過佢~
今日齊人啦~個個走入去探小Vages.

著住件巴斯光年衫超可愛呀!
又要借個bb黎扮一家三口啦, 哈哈

超超耐無見阿lum啦~今次見仲帶埋周悅黎~
3歲半真係唔同d!
可以小d warm up就同我地frd 晒
越大越似媽咪真係越靚女!!

 

探完bb, 又咁耐無見朋友

傾得耐左, 即劇飛車出返馬鞍山
因為今日娘家團年
有時真係估唔到, 塞車喎!!
最後搞到8點鐘先返到去, 個個係到等我地!