蜜月之旅法國巴黎 - Day 9

2013年3月25日 星期一

France Pairs Day 9

風和日麗的一天~
諗住周圍行下之後嘆下咖啡
第一站黎到呢個司法大樓~
影下相, 點知有堆衝出黎圍住我老公
叫佢簽名, 但唔知簽咩名
咁我地話唔啦~隔左一陣又圍埋佢到
我地覺得唔對路就走啦~

繼續行, 見到有人坐船, 唔知去邊既呢!
呢個時候老公發現唔見左銀包
我地當時諗會唔會漏左係apartment無拎?
咁就返去再搵搵啦~
當返緊去中途, 又有堆人叫簽名
但佢將隻手放落褲袋到
我地覺得好古怪, 覺得個銀包都9死1生架啦!

返到去再搵真係無左, 即係比人偷左啦~
即刻打電話返香港cut左張信用咭去
好彩無比人用左!
之後就搵警局報案, 好彩d人都明明地我地想點
去到警局, 同佢講比人偷左野
跟住佢問我地邊個國家, 我地答左Hong Kong
之後佢係叠file入面搵份中文form比我地
真係可想而知, 呢到被偷野係幾咁普遍
下面張相, 係同伴話劫後重生而影架~haha

life must go on~重恰心情繼續進行個旅程
我地既目的地係巴黎鐵塔
好靚, 不愧為地標~

我地無黎個巴黎反轉又反轉~
只係好簡單咁影個合照就已經好滿足啦~

行近d影又另一番景觀
但係因為勁多人排隊上去
搞到我地無乜意慾上去睇~覺得上到去咪又係咁!
好多人話我地一場黎到應該上去
但我真係好憎排隊呀!
其實我有個小小遺憾
其實我好想睇佢著左燈架, 因為覺得好靚
但岩岩先發生比人偷野事件
對巴黎信心盡失, 所以唔好夜媽媽再返黎啦~

下一站就係第一日黎唔到既凱旋門
黎到..其實個感覺係'都無咩特別姐~
哈哈~其實我地4個係唔係唔夠浪漫?
黎到巴黎都完全唔覺得浪漫既!

晚餐去左食青口
我恨食左好耐, 聽人講過幾好味架啦~
叫左個小食, 個炸魚好味呀~
但d焗青口好一般!!!
佢d薯條無限咁refill, 但我地無fill過
因為實在好夠啦

終於到左我恨左好耐既主角出場啦~
白酒煮青口
好鮮, 我覺得好好味~
但可惜既係, 我係完全飲唔到酒
但因為呢個都幾勁酒
所以我又有少少醉啦!!
但係超好味呀~

To be continue Day 10

蜜月之旅法國巴黎 - Day 8

2013年3月24日 星期日

France Pairs Day 8

今日又要飛啦~要飛去巴黎
6點幾要起身~好彩我地發現附近有機場巴士
但可惜既人老公條牛仔褲跌左落街
oh my god.......佢得返一條褲炸, 點算~~
因為apartment無lift, 要將d行李搬落樓
真係一早心情被受影響呀!
不過好彩既係機場巴士25分鐘到機場
好彩既係, 坐得超舒服呀!

個零2個鐘機又到巴黎啦~
 打電話比apartment, 唔順利
因為對方電話講法文, 唯有send email
買飛出返巿區唔順利
因為只係收credit card
架火車根本唔for擺行李, 搞到勁論盡, 又阻住人
架車超多人, 仲要全部都係黑人(唔係歧視)
轉車位又黑又舊
老公佢地問左customer service知道點轉車
突然殺出一個黑人話佢地張飛唔岩
叫佢地跟住佢, 行行下個男人出左閘
老公佢地覺得唔對, 返轉頭啦!
因為以上咁多個原因, 黎到巴黎比我地既感覺係
好。反。感

因為未夠鐘拎房
所以我地去左食M記, 同香港一樣, 但係貴d
拎住行李坐係露天地方食
超凍呀, 巴塞明明有十幾度, 但黎到巴黎只有-2度
凍到嘔, 好彩好快又可以去拎房
apartment again~
今次間apartment感覺好光猛
好舒服~唔錯!

著返多d衫, 休息一陣又出發啦~
去左附近個巿集行下
食左Macaron
我覺得比香港的好味~
見到呢d娃娃, 我覺得好靚呀! 好colorful, 好鐘意

睇完就出發去協和廣場
勝利廣場啦~
超級大, 好似望唔到盡頭咁架!
完全係休息既好地方
不過個天灰灰沉沉, 感覺一d都唔舒服

見到有用d花砌出黎既"2013"
如果多d花咁就好啦, 我估一定靚好多
因為個"2"字真係幾靚架!

好搞笑, 無拉拉見到個旋轉木馬
因為今日星期日, 所以好多人玩
一家大細放假的好去處

行左真係好耐, 終於都黎到羅浮宮啦~
好開心呀!
不過我無藝術色彩, 所以無興趣入去!

見到個個都企係呢舊柱到
原來用途係咁, 哈哈!!!!!

再行下香榭麗舍大道
但因為星期日關係
基本上全部都無開門
完全係無咩行, 諗住去凱旋門啦~
行到過去, 原來有示威
有放炮, 又叫囂
為安全計, 唯有走
諗住坐地鐵走人
點知周圍一帶都封晒, 要行返去羅浮宮果頭呀陰功
可知道, 凱旋門同羅浮宮相爭可能有30-40分路程
我地仲要來回咁行
咁行到過黎, 又影下個夜景啦~
好靚呀! 我覺得佢開左燈真係好靚

影完就走啦~真係好攰!
求其係超巿執d野煮左佢食就算啦~

To be continue Day 9

蜜月之旅巴塞隆拿 - Day 7

2013年3月23日 星期六

Spain Barcelona Day 7

今日起身諗住坐下街邊食下早餐
但點知全部都未開, 咁唯有走左入去一間餐廳到食
老公叫左個set, 又有咖啡又有橙汁
牛角包真係好好味~
我叫左個三文魚三文治, 好味~
食完就準備出發啦!
今日目的地係睇水道橋同鬥獸場!

坐左個零鐘火車, 就到啦~
天氣麻麻地~見到地中海
我諗夏天會好多人黎呢到游水都唔定~

真係一望無盡既海呀~
感覺真係好舒服!
行行下, 見到又Churros買
梗係又要食啦~今次係會問你加唔加砂糖
好味呀! 加左砂糖好似食緊沙翁咁~

黎到呢到, 成日都見到一座座雕像
應該話, 其實歐洲真係好興呢d雕像

繼續往前行, 因為要去個巴士站
查實都真係好遠, 行左勁耐~
我發現西班牙好多呢d一條條黃色既物體(我地稱之為草)
完全唔知有咩用
我地估係復活節就到啦~
佢地會買呢d草返屋企織d擺設擺下!!!!

行行下, 見到個紅綠燈好矮
好得意呀, 忍唔住要影相, haha

成日係post card見到呢個野
黎到呢到見到實物
但都唔知係咩黎既, 哈哈!!!!

終於搵到巴士站啦, 有個好心人話比我地聽可以坐邊幾架巴士
因為一睇就知我地係遊客, 根本就知我地去邊
坐坐下, 基乎成架巴士既人都叫我地落車
haha, 超搞笑~
但係一落車, 好迷惘咁呀~
因為我地企在係公路邊, 車唔多
好似好荒涼咁, 又要搵下點走
企左係側邊好耐, d車行過都望下我地~

好彩行行下都搵到想搵既野~
水道穚!!!好長好長架~

我企左上去變得好細小!
仲見到一班日本遊客黎到, 影左一陣相又上返旅遊巴啦~
話時話, 西班牙真係好多日本人架喎!

睇完又坐返巴士返去巿中心
行去搵鬥獸場
其實我覺得無咩特別
因為好細~
跟住又坐火車返去啦~

返到去, 又見到高第建築
但我唔記得呢座叫咩~
好靚, 我真係覺得好靚!!
今日去食All u can eat~我地食左2次all u can eat~

To be continue Day 8

蜜月之旅巴塞隆拿 - Day 6

2013年3月22日 星期五

今日目的只有一個, 睇高第既作品
第一站 - 米拉之家
應該係比人住架~
我地一買到飛, 就入去啦, 好期待呀!
坐lift去到天台先~好得意呀, 好搞笑呀!
好多奇形怪狀既柱
even連佢個邊邊都係曲線形

每一到都超多人, 望住佢地
我諗到ET, 蘑菇同基地, 哈哈~
跟住落去, 間屋超大間
主要show下d房比人睇
有幾層講解下佢d設計!

好似下面個天花
係因為佢依照魚骨黎設計架~
話夠晒堅固云云!
仲有佢連d門柄都fit 晒手形
fit左用咩手形順d黎開門
真係咁都諗到, 超勁!!!!

佢個外形真係好得意好特別~
睇完又去一下站啦!

第二站 - 聖家堂
佢, 真係超級宏偉
一見到都好令我驚嘆
但係佢依家仲起緊架~
聞說係因為高第起起下
將自己閉關左, 停左無起
之後死左, d設計圖係無人睇得明
到近排, 科技進步
終於可以用電腦拆解到高第既設計圖!
先可以繼續起返呢座聖家堂
我知道, 真心真心覺得佢好勁呀~

又係買飛入去既時候啦~
好多人入去, 因為佢中間有個break
所以早左好多開始排
一入到, 好。靚。呀
有我超鐘意既顏色玻璃, 陽光射入黎真係靚到爆呀!
不停影影影, 因為真係好鐘意

因為樓底超高, 所以入到去其實都令我地嘩嘩架!
不過入到黎又真係無出面咁勁咁宏偉既~
好快影完又走人啦~

第三站 - 奎爾公園
一去到門口已經係超多人~
多人到針都唔入呀

呢個係呢個公園既地標
不停有人同佢合照又合照
唔知點解我可以影到張無人既
真係好好彩~

其實呢個公園真係好大
好多人坐係到hea 同吹水
d學生放左學又黎呢到玩
又有賣藝既, 所以呢到好熱鬧好多人

佢仲望到巴塞景觀, 個天好好靚
真係好舒服呀~
不過無位坐, 如果有位坐下係到hea下都好好!
睇完3個高第傑作, 我地都好夠啦~
因為今日non stop咁行
行到真係好攰好攰啦~
睇左3個都已經好滿足架啦, 所以決定走人啦!

To be continue Day 7

蜜月之旅巴塞隆拿 - Day 5

2013年3月21日 星期四

Spain Barcelona - Day 5

今朝一起身就煮個早餐先~
我地好想食湯既野, 因為呢到實在無湯麵之類~
帶左公仔麵同埋五香肉丁黎煮, 哈哈!
食完就出發啦, 首先寄左post card先~

大約要坐2個幾鐘頭既火車
就到左中轉站
因為再要轉車上山腳~上山腳中途景色已令我地好讚嘆
今次既目的地係 - Montserrat

係山腳景色已經好靚, 好靚, 係咁影相
影到咁上下就去坐纜車
超級斜呀, 呢張相只係岩岩開始向上
到後尾真係超斜
望落去真係有d驚~

上到山腰啦~望見地下, 感覺好好
因為係沙石路, 仲要條路好寬~個天好藍
gogogo, 出發啦~
 

一路行風景都好靚
沿路都有零零星星既人一齊行
一路感覺都好舒服架~
 

去到以為係盡頭, 有d人開始回頭啦~
我地見到有條路仔, 又有人行喎!
企左係到睇一陣, 又唔見有人出返黎喎
咁我地諗"唔.....應該係有野行既"
之後我地又再起行啦~

見到條好斜既路, d人上去要拉繩索
我地覺得好得意, 咁又行上去啦~
呢種行山方式, 香港真係未體驗過架!

上完繩索, 又要行斜路
呢段路大家仲有興緻影相
上完呢到, 之後既路就危險啦!!
大家都收返相機, 專心咁行
到後期, 已經唔可以用行黎形容啦~
我地要爬石爬上山
一路諗"咁荒涼係咪有野睇架?"
"係咪要沿路落返黎? 好危險喎"
"但又真係有人上左去無回頭架喎"
本著大無畏精神繼續上
上左唔知幾耐, 終於...終於都到山頂啦~

現場睇真係好震撼
我一生都未見過架~好靚
山連山, 石連石, 仲有d屋仔
大地在我腳下~好彩我地堅持上左黎!

欣賞夠啦 ~落返山, 真係落山都要勁小心
但係落到黎影返張相
大家心情都勁興奮
好難忘的一天

To be continue Day 6