2011年4月24日 星期日
期待已久的印席婚禮
大家勁興奮地走上去Mabel屋企換衫
搞左勁耐! 不過都唔知搞左d咩出黎
一班人出發啦!其實我覺得幾擾攘下囉!
到左印度會, 都無咩好做, 呆坐only! 不過個場地係露天既
有席前小食, 開頭都好開心咁食!雖然唔好味
但係肚餓無辨法啦~
終於見到新娘子! 超級閃, 好靚呀佢~
仲見到蕎寶寶, 佢個人好nice呀!
好特別, 要排隊上去同新人影相, 之後人情放係佢地腳上
終於都正餐啦~唔係咁好食
今日相當之難忘, 可能我唯一一次異族婚禮!
2011年4月17日 星期日
Thailand Trip (Bangkok) - Day 4
黎到最後一日啦!
一起身去左做個泰式按摩!
好舒服, 感覺好好~
做完就可以去返第一日食唔到既泰國小館開餐啦!
餐牌上無生蝦, 好彩上網學左泰文點講
咁都比我地點到黎食, 真係好彩!
好好味
食完就要走人啦!
其實都幾急下, 坐16:xx機
已經14:00出發, 都趕趕地
因為第一次坐air asia 唔識預行李!
買左30kg, 點知得大約22kg左右
真係太少時間shopping啦
仲係機場買左2盒芒果糯米飯, 太鐘意啦~
總括黎講呢個trip食左3盒~big c 買果盒超抵~
50Bath左右! 回味中......
真係其待下次既旅行, 唔知目的地會係邊呢!
The End
2011年4月16日 星期六
Thailand Trip (Bangkok) - Day 3 part 1
起身出發去JJ market啦! 期待!
今次旅行就返星期六日都係想去呢個market
超大, 超多人, 行到好熱! 但都好彩有收穫
行完就出發去Central World
無論日頭定夜晚都塞車
上次黎既時候影過夜晚, 今次影朝日又另一番風味
想揾Boy t-shirt, 但好可惜佢close左
勁失望呀!但好彩見到Mango Tango
即刻走入去食, 超好味!
點解泰國d芒果糯米飯會咁好味
佢d芒果點解會咁甜, 好味到不得了!!!!!!
揾唔到Boy T-shirt, 咁只好去Big C 快行
因為又要趕返去酒店放低D野又要出發!
呢個trip真係好唔夠時間行
好似太多野想做但太少時間啦!
To be continue Day 3 part 2
2011年4月16日 星期六
Thailand Trip (Bangkok) - Day 3 part 2
會合返欣健!
去Red Sky Bar感受一下
上到去感覺好relax
坐低飲杯野就吹吹水
今日大家都勁攰, 坐係到吹水真係最好不過
好靚, 真係好靚呀!
識變色架!超級靚呀~好鐘意紫色
真係要欣健部相機先影到!
仲有, 大家不約而同咁買左對鞋仔比小朋友
超級可愛超級得意!
聽日就係最後一日啦! 唔舒得都要走架!
To be continue Day 4
2011年4月15日 星期五
Thailand Trip (Bangkok) - Day 2 part 3
話咁快又出黎啦!
見到SWENSEN未收即刻走入去食先
個杯超級靚, 好鐘意呢d杯呀~
走圍影下相, 因為我覺得好靚呀!
食左2杯雪糕, 好好味
杯麥提莎雪糕好似tall cake, 一樣咁好味
食完又返酒店lu
今日行程有好多好特式既手信, 好特別好靚!
呢一日比我感覺真係好特別, 好難忘
To be continue Day 3 part 1
2011年4月15日 星期五
Thailand Trip (Bangkok) - Day 2 part 2
去完鐵路巿場MeaKlong, 好快就要轉景點
坐雙條, 一架交通公具, 好特別
開得都幾快, 沿路都有人玩潑水, 玩得好瘋狂
泰國人真係好好心, 見到我地係遊客
會知我地去邊, 提我地落車
話咁快又到左Amphawa水上巿場啦
joined左個lour, 因欣健要睇樹中廟
多得一個懂泰文的中國人提點
因為2個鐘去睇6間廟, 每15分鐘一間
之後集合上船, 如果唔係那位中國人
我地完全唔識上船
行程完晒之後, 係岸邊食野
老闆聽唔明我地d英文
又巧遇另一位懂泰文的中國及台灣情侶
他們幫忙做翻譯, 傾傾下
仲教埋我地點去買車飛出返曼谷
今日真係出門遇貴人啦
食肆就係一架船上面, 好有趣
Amphawa水上巿場越夜越精彩
越夜越多人越繁榮
但可惜要出返去曼谷睇唔晒就要走人啦~
To be continue Day 2 part 3
2011年4月15日 星期五
Thailand Trip (Bangkok) - Day 2 part 1
今日行程好豐富呀!
一早起身, 就出發啦~
around 9點半就開車去鐵路巿場
約個半鐘車程就到啦~係架車到好好訓, 哈哈
到左鐵路巿場周圍hea下, 不過都係街巿黎
無咩岩睇, 我地係咁揾最佳位置
揾到個位就停低啦
呢到都好多遊客, 個個都等睇最激激既一幕
架火準備黎既時候, d檔主勁快手收起晒自己d檔
火車黎啦!超近超震撼
只有一格階磚既距離, 超級難忘既體驗
架火車一行完, d檔主勁快手開返檔
火車總站!
周圍影下相, 見到一棵綠色之中有點紅色點綴的樹
我覺得好靚, 好靚, 坐係下面好舒服
影完又準備走啦~
To be continue Day 2 part 2
2011年4月14日 星期四
Thailand Trip (Bangkok) - Day 1 part 2
梳洗完又出發啦!
去左唐人街, 要一試下d海鮮先得!
好容易咁揾到T&K
即刻入去坐低先, d野食真係平啦!
食左好多好味既野~
個蟹蓋同魚露生蝦超級好味道, 勁鍾意呀!
食完就去林真香唱錢同買野食
林真香兌錢真係好過機場wor!
掃左好多野! 感覺好開心
買完仲食下魚翅同燕窩, 不過都無咩特別可言
到最後仲買左榴槤返去食, 真係好好味呀
話咁快又完左一日, 唔知點解個感覺好唔真實咁!
To be continue Day 2 part 1
2011年4月14日 星期四
Thailand Trip (Bangkok) - Day 1 part 1
一年一度旅行又來臨啦!今次真係崎嶇
搞左好耐, 最後先決定去泰國jar!好彩好彩
同行既仲有好友 - 欣健
因為今次坐AirAsia, 無飛機餐
出發前食個早餐先
好快又上機啦~好準時開
搞掂晒d野, 話咁快又到左泰國
好易揾到間店, 算係咁啦~夠大夠乾淨
本身plan左去食泰國菜, 但好可惜正值新年期間(潑水節)
間野close左, 殺我地一個措手不及
求其揾間野食下先!去左街邊檔食
我叫左碗豬肉粉, 但男友跟友人唔識叫
叫錯左, 唔好食, 其實可以講係難食><
食完出發啦~第一個景點就係感受潑水節既氣氛
一去到車站已經見到超多人
買緊水槍時都已經比人係咁射
瘋狂咁射, 你射我, 我又射你
射到全身都濕晒, 但超好氣氛
有人跳舞, 周圍d bar播出強大既音樂, 自然投入在其中
玩完就趕返酒店梳洗又出發啦
因為今次旅行撞正泰國新年, 令到機票貴左
所以一定要玩返次潑水節先對得住貴左既機票
但試過一次後覺得氣氛超好, 一個很好的體驗
難忘
To be continue Day 1 part 2
2011年4月11日 星期一
我最親愛既好朋友生日
一班朋友出去食大吉!
估唔到呢間野又真係幾好呀!
好好味!
不過最瘋狂既人, 我地8個人
佢地一人一兜大粟米係咁食
我真係睇見都食唔落, 佩服佢地每一個人
餐廳話生日送蛋糕, 可惜原來係壽司蛋糕
真係食唔落, 用黎食下相都ok架!
不過佢支蠟燭真係好靚, 煙花黎架~
真係開開心心又一個晚上啦!
祝你永遠幸福快樂
