2010年5月30日 星期日
Tokyo Trip Day 7
我們6週年了
今日係最後一天, 亦是我們去旅行的目的
吃過酒店提供的早餐後
便要執野check out了!
第一日男友夾到個hello kitty公仔後便忍手
今天忍不住要夾~比佢夾到3塊鏡, 太開心了
終於等到佢開心!今次旅行重頭戲之一
蟹道樂!食全蟹宴
真係好好味, 好鮮好甜, 我好欣賞
有凍蟹, 蒸蟹蛋, 蟹沙律, 刺身蟹
蟹壽司, 炭燒蟹, 蟹火煱, 蟹飯
芝士焗蟹, 蟹麵豉湯, 甜品
超級豐富, 食左2個鍾勁滿足咁離開
都無咩野想行!去左cafe坐下食件cake
夠鐘就返hotel拎行李出發去機場
因為要第二次路線, 所以預早左好多
終於去到機場, 超級細
佢只係for內陸機, 無啖好食
只好其求入間鋪食壽司, 但係好可惜唔好味
食完就要登機lu!
7日6夜既行程終於都完晒
我們一同走過6年的光境!
甜酸苦辣都嚐過, 日後人生路也有你的陪伴
感謝你的付出
2010年5月29日 星期六
Tokyo Trip Day 6
今日出向代宮山出發!
出發前食左個松屋既牛肉飯!
真係無咩特別~
去到代宮山同新宿澀谷完全2個感覺
呢到感覺好寧靜!
隻狗仔超乖, 企係門口等主人出黎!
去完代宮山就出發去六本木
呢到感覺係金鐘!勁高尚但個公園好靚
去完又走去澀谷, 為左食雪糕
同買返個袋
勁攰, 呢幾日日都行到勁攰!
但點攰都要食返個冬甩~
今日做特價100yen一個
總共買左6個, 好開心
係酒店hea完就出發去食我恨左好耐既 - 北之家族
只可以睇圖點菜, 但好彩都好多圖
must點玉子同沙律, 日本d菜超級新鮮架
仲叫左超級抵既刺身拼盤
真係好好味呀
但係個炸吞拿魚真係唔好味
條魚好好味, 外脆內鮮
勁大條都可以比我地ko左
To be continue Tokyo Trip Day 7
2010年5月28日 星期五
Tokyo Trip Day 5
今日去池袋!
我覺得完全無野行, 無mood行
好快就走人!
食左粒大大粒章魚丸~跟台灣一樣
我覺得係台灣食會開心d, 因為平d=] 
之後過左去原宿! 好多野行!!
買左d野!男友終於買到佢期待己久的head poter
終於飲到濃郁的粟米湯, 好味!
仲食左地道章魚丸, 超級好味!!!
又返到新宿先食dinner, 去左137yen店食迴轉
好味~係咪求其入一間d壽司都咁好味
食到唔停口, 食左21碟
但係埋單只係港幣二百蚊到, 勁抵!
但係白飯魚物體好腥, 納豆超級臭
呢幾日真係行到腳都爛, 不過又超滿足
To be continue Tokyo Trip Day 6
2010年5月27日 星期四
Tokyo Trip Day 4
起身, 好想食拉麵, 走去食神座
我超鍾意呢間拉麵, 真係好好味~
連曾志偉都食過
食完野就出發去雷門啦!
終於都去到, 但並唔係我想像中咁樣
食左燒餅同炸饅頭, 都幾好味
仲求左健康既籤, 吉
食完就去坐船, 一間好科幻既船
佢真係好型!超唔真實
用一個鐘既船程去到台場
行行下風雲變色又落雨
係台場係咁shopping買左好多野!!
租左2個locker放低d戰利品
是但揾d野食!都ok
去左筋肉擂台, 男友玩左踼波
哈哈, 佢都有中到既!
再去台場小香港, 好悶
無野睇, 又悶又攰
入左機鋪, 哈哈
好似個室內遊樂場咁
超多野玩!我地都玩左一個好好玩既game
到左夜晚!台場彩虹穚真係好靚
仲去埋影魔天輪, 超級靚
係咁影, 影左好多張相
返新宿食烏冬, 好好味!
好彈牙, 仲巧遇識講廣東話的待應
帶來的腳架終於發揮作用!
To be continue Tokyo Trip Day 5
2010年5月26日 星期三
Tokyo Trip Day 3
今日一早起身向和牛進發!
去到一間5星級酒店
上到37樓
我們期待已久的和牛已向我們招手
上到去望到好遠好遠!
一坐到比條圍裙比你著, 真細心
師傅係你面前煮!
好多前菜食~好正宗的感覺
我們都怕出洋相, 哈哈!!
慶幸應該沒有, 呵呵=]
食完一輪好味的沙律前菜
和牛正式上碟
一試, 真的不會忘記那種感覺!
終於知道咩叫入口即溶~
師傅的煮功及刀功都相當有水準, 只望住佢煮都是娛樂
食完就出發今天的的目的地 - 澀谷
見到杜如風介紹的朱古力酥
普通, 不太特別
再揾杜如風介紹的牛奶雪糕
叫了牛奶及炭燒咖啡
超級濃郁超級好味
真係好滑好香濃
晚餐當然太飽吃得不多
只吃了蛋包飯!!好好味!
To be continue Tokyo Trip Day 4
2010年5月25日 星期二
Tokyo Trip Day 2
尋日日本時間10點就訓左, 勁早
事關check過上網, 今日迪士尼開8:30am
係最早!!所以要一早起身出發去迪士尼
真係好期待好期待呀!
一入到去見到好多人!都擔心要排好耐
入面好大好靚!好鍾意!
原來都唔洗排好耐!
精心安排行程加善用fastpass都玩到10樣野
迪士尼入面每一樣野都令人好開心
最鍾意我頭帶住頂doanld duck帽
但經過細心考慮下都係無用所以無買~
但我仲心掛掛架
因為佢仲係復活節特別節目
所以日間有2場巡遊!好彩2場都無miss到
勁靚!好colorful呀!超掂
去到商店見到d公仔真係愛不釋手
有勁大隻既donald同daisy!
但耐何屋企經已容納不到任何公仔
到9點零十點就走人lu!
好肚餓, 去左食拉麵, d位係自修室咁一個個
都幾好味!!湯好好飲haha
To be continue Tokyo Trip Day 3
2010年5月24日 星期日
Tokyo Trip Day 1
plan左半年
以為講下, 點知男友真係就我
他希望我實現兒時夢想
終於等到今天
出發去 - 日本
也許是情意結, 從少都渴望到日本走一趟
plan左係日本慶祝我們的6年
坐凌晨機出發, 超期待
一上機爭取時間訓!
飛機餐食粥, 但我覺得幾好味wor!
終於都到步啦~yeah!
首先去寄行李, 跟住就出發去食築地啦!
落雨, 整天都落住雨
但好彩無影響我的心情~
半曲折到左目的地!食大和, 排左好長龍
食左玉子, 超好味
好快就可以入坐!
去完outlet就要回酒店休息
今次因得老闆的幫忙book hotel
酒店平了, 還有早餐提供
酒店感覺舒服, 不錯不錯~
休息夠了就留係新宿行行!
晚上吃了金太郎
2碗刺身飯價值百多元
抵到爆, 當然不可跟築地混和一談
但都比香港的好幾倍, 太好味了
To be continue Tokyo Trip Day 2
