一路上網都睇開2個化妝師!
但一知道Fiona Fi可以book, 就即刻去試妝先
其實不嬲都睇開佢個blog, 覺得佢化既妝好簡單, 我好鐘意
book左6點半, 但我遲左!
一去到就即刻化, 其實都幾快手~
第一個化個褂裝先!
夠晒簡單, 完全係我鐘意既野
當然隻眼梗係大左好多, 不過咁先係一世人一次嘛!
d相係iphone影架, 現場睇其實好好多 
到試晚裝, 我完全無idea! 淨係想試d頭髮放落黎
呢個晚裝勁浮誇, 用左3層眼睫毛
Fiona Fi講得岩, 試丫嘛! 試下誇張襯唔襯都好
不過我就唔鐘意個髮型啦! no good~
最後梗係落左訂啦! 因為個褂裝真係夠簡單我鐘意! 
後記
返到屋企落妝, 搞左超級耐
落左成1x-2x張化妝棉
好彩1 take搞掂唔洗煩多次
我......其實真係好怕煩~
Seoul Trip Day 5
酒店->Coex Aquarium海底隧道水族館-> 韓流保健護肝寶專門店
->新村梨花女子大學->仁川->香港
黎到last day啦, 真係快!
一早去左食泰式河粉早餐~
食完就行過去水旅館
呢個水旅館係商場入面, 好似好細咁
但行到入去又估唔到都幾多野睇~
仲要係都幾好睇喎!
今日lunch係自助餐/打邊爐!
以為呢間係團餐最好既一餐~
但好可惜地, 呢間係最最差既一餐!
完全唔好味既!
食完行梨花女子大學, 但完全唔夠時間行呀!
呢到係多野買! 但好快又完左
咁又出發去機場, 返香港lu~
The End
Seoul Trip Day 4
酒店->人蔘專賣廳->韓國品牌化妝城->韓式零食物語專門店
->南山韓屋村->明洞->Bibap show
一早去旅行團必去既地方~
不過好彩好快就完左一個又完一個
不過零食間野又真係幾貴, 好彩尋日買左好多
今日lunch食定食, 個牛肋骨超級好食
超級鮮甜, 真係食唔停口
其實個撈飯都好好味!
好特別好滿足的一餐lunch~
跟住去南山韓屋村, 完全0興趣
好彩只導遊只係比左半個鐘行
跟住過明洞行街(因為真係超級近)
明洞比我想像中無咁多野行~
行行下落大雪, 好開心!
今次旅程真係好滿足~
滑到雪, 見到雪, 見到落大雪
我....其實真係好大鄉里
行完又去食dinner, 呢餐又幾好味喎~
食左高麗蔘雞湯, 感覺好好, 唔錯!
仲買左士多啤梨食~好大粒好紅
仲要超級甜呀~
夜d去左睇bibap show
To be continue Day 5
Seoul Trip Day 3 part 2
自由活動梗係即刻走人啦~
想去鷺梁津好耐架啦!
比佢d平價海鮮吸引住, 好彩男友之前睇熟左路線
係咁行呀行呀, 終於去到啦~
不過坐果程車就真係好辛苦
遇正放工時間, 超逼!
但我又著得多衫, 架車又有暖氣!係咁出汗
不過黎到就超興奮~
係咁揀海鮮, 個海鮮檔嬸嬸仲介紹左間食店比我地
買左八爪魚, 生食! 真係會吸住你, 但下次一定唔會再食
帶子, 生食同bbq! 2款都唔好食, 可以話難食
鮑魚, 生食同bbq! 生食無咩特別, 但bbq超級好味
皇帝蟹, 蒸! 佢係我地既重頭戲重2.xkg架
超級好味, 好鮮~
呢間食左咁多野連加工只不過約HK550
好抵食~
食完又趕去下一到 - 樂天Market
哈哈, 呢到d野真係好平!
買到唔停手架, 好快又拖住疲累既身軀回酒店啦~
To be continue Day 4
Seoul Trip Day 3 part 1
渡假城->繽紛夢幻樂園->Coex Mall->韓國免稅品城.->自由活動
今日去繽紛樂園, 又係抱住唔好玩既心態去
真係無期望就無失望, 又幾好玩喎~
玩左雙人雪兜! 好好玩
好刺激, 但因排隊排得耐, 想玩多次都玩唔到!
仲玩左類似西九龍既過山車, 但玩完好暈~
玩完就返酒店, 今次住Coex Inter Continertal
感覺真係幾靚! 好舒服~
hea完一陣帶我地去參觀賭場同免稅店之後就自由活動
拿拿聲過去坐地鐵, 出發啦~
To be continue Day 3 part 2
Seoul Trip Day 2
今個trip重頭戲 - 滑雪
終於影到訓雪相, 哈哈~
個導遊教我地滑
開頭真係完全掌握唔到! 完全覺得唔好玩~
但過左一陣終於掌握到!
終於明白有咩咁好玩, 好有速度感
好好玩
不過坐吊車真係有d驚驚地! 
lunch又係自費! 完全係是但填飽個肚就算
個炒年糕唔好味既!
但真係超凍, 凍到不得了~
凍到成個人無晒表情, 硬晒呔咁呀!
夜晚依然好多人人滑雪!
夜晚真係另有一番風味~
今餐食韓式火煱
但係好難食, d餃子淋patpat既
食完導遊竟然帶我地去超巿行
介紹好味好飲既野比我地
今日又係好早就訓左!
因為滑完雪用左好多體力
To be continue Day 3
Seoul Trip Day 1 part 2
行完又上車再訓! 訓醒就去lunch啦~
今餐係食韓式燒肉!
又真係幾好味喎~真的不錯!
食完見到有好多雪, 係咁影相
真係超級興奮~
食完就到左酒店啦!
鳯凰城酒店比我想像中好!
因為我有晒心理準備係差架~bouns!
跟住就去水上樂園, 但係完全無野玩
浸左半個鐘就走人啦~
今晚晚餐係自費, 揾左好耐!
因為想食d特別既野
終於揾到~
叫左3樣野, 估唔到咁大份!
有蕎麥pancake, 五花腩同蕎麥麵
呢餐好好味呀!
勁早就訓左, 因為凌晨機既關係, 太攰啦!
韓國時間10pm就上床, 真係未試過咁早~
To be continue Day 2
2012年1月9日 星期一
Seoul Trip Day 1 part 1
個人比較喜歡自由行!
但一諗到冬天去韓國梗係要滑雪~
最後問晒價之後, 都係決定跟EGL去韓國!
香港->仁川->驪州Premuium oulter->渡假城->鳯凰城->Blue Canyon水上樂園
又再一次凌晨機, 係機上面訓得唔好!
食飛機餐有雪糕食, yummy~
一落機就唱錢啦~勁多錢係手 
估唔到5點幾到機場要hea到7點先再集合
頗眼訓咁等呀等呀!
買左傳聞中既香蕉奶, 無乜特別
仲買左冬甩食tim呀~
忍唔住出去感受一下0度既天氣!
好好feel, 因為真係好凍涼 
坐凌晨機跟團的好處就係上車可以喪訓
訓左個2個鐘左右就到左個outlet
上網已經睇過話無野好買~
但男友都買到對波鞋喎, 又幾抵既~
第一次見雪真係份外興奮架! 
Continue to Day 1 Part 2
