究竟點揀好?

2012年7月29日 星期日

終於都捨得揀相啦~真係完全無心機揀!
但都揀左幾相出黎, 麻煩大家可以幫幫手~
我package有一張24*36油畫一幅, 20*30寸黑雕一幅(即類似薄身掛牆畫)
可以幫手邊張相做咩好嗎?萬分感謝
仲有, 油畫果d有無話打直定打橫好呢?

1

2

 


3


4


5


6


7


8

簽名筆

2012年7月16日 星期一

去了泰國一趟, 算是慶祝男友升職, 算是relax吧~
遊記會好簡短咁遲d打, 因為這次趟旅行實在沒有什麼planning, 隨心

但實在不得不先出這篇文
事源我的婚禮不是用簽名布
而是用signature tree, 所以筆只準備原子筆就可以
到泰國見到這些原子筆覺得好靚好靚
真係冒住會乾墨的情況下買返黎~
希望可以放到7個月啦!
6枝筆二百蚊有找, 真係好抵~開心

Hea遊曼谷 Day 4

2012年7月11 星期三

最後一日啦~呢個trip真係超relax
超滿足, 身心都放鬆晒~
一早起身見到落雨, 噢....無得游水啦!!
落去跑下步先~跑左差不多一個鐘
見到有人游水喎, 即刻上房梳洗下就去游水啦~
好爽呀~呢幾日係咁食食食
做返一朝既運動感覺真良好~

游完水即刻出去行街
估唔到都有2件衫, 一個袋既收獲, 真不錯
快行完去返酒店拎行李~
本身, 我都預左好多時間
本身我地可以慢慢hea~
點知, 男友話要試Dairy Queen既雪糕
點知個職員唔知去左邊
等左勁耐先出現, 買完
望一望個錶, 嘩~好趕呀!!!!
係咁跑係咁跑, 跑到氣咳
一頭一尾, 真係想死呀~

好彩都趕到上飛機, 中間仲遇到氣流
我真係好驚, 好驚~
我下次都係唔塔泰國東方航空啦, 雖然唔關佢事, haha
落機, 去出境既侯機室食埋個dinner先坐車走人
個dinner超吸引, 個味道都算唔錯~
滿足走人啦~

Hea遊曼谷Day 3

2012年7月10日 星期二

今日book左做spa
未夠鐘去下行T21先~
好多影相位, 行都幾好行, 唔錯的~

食完就去做spa啦~超舒服
做左2個幾鐘, 唔覺唔覺又咁快完左啦?
真係唔捨得呀~下次黎要做2次先夠~
做完去左T21個food court 食野
想揾返街邊檔既湯麵既味道, 但實屬一般
男友又食雞飯, 我諗佢真係好鐘意食
再黎芒果糯米飯~
 

食完去左游水, 游完沖埋涼又出動揾野食啦~
買左椰子汁同香矛茶黎飲, 好味道!!!!!!
行到去Central Word出面見到好多大排檔似的食檔
見到超吸引, 忍唔住坐低食餐飯啦~
叫左條燒魚, 炒菜, 炒蜆, 一碟炒粉
真係又平又好味咁埋單啦~
 大滿足呀!!
最後又買左芒果糯米飯返酒店食~
臨返酒店時見到有檔麵
拿拿聲走去食, 真係好好味呀!!!!
真係超開心呀~

 

Hea遊曼谷Day 2

2012年7月9日 星期一

一早起身就係酒店到食個靚早餐~
就出發去central word
首先去揾返上次食唔到既水門雞飯
但點知上網話好味果間2點零close左~
咁求其揾住間食住先啦
其實我地係到諗諗, 係咪真係分得出好味架?
覺得呢間其實都唔錯呀~
去到泰國例必必必食Auntie Anne's
真係超級平同埋真係幾好味~
呢次trip我食左2次呀!!!滿足

食完就出發去新夜巿
我對佢好期望架, 諗住大出血

出血前梗係揾野食啦~
但間野真係一般般, 加上扁桃腺仲痛緊, 真係無mood食

點知, 真係大失所望呀~都無咩野行既!
行到好攰, 咁唯有去雪糕店坐下食下雪糕
右手邊果杯係吹波膠味, 下次唔會再食架啦~
最大收獲係買到t-shirt
我個人其實已經好無電啦~help

男友堅決影埋d夜景先走人
我真係好辛苦好攰好想快d返酒店訓覺~

但藥力到, 又無晒事!
呢次真係好濕滯~
藥力過左, 個人好攰, 食咩都痛
但藥力到, 就好似無事咁
只係食野有少少痛, 但為免掃興, 我好多時都死忍
去返水門街食人地話好好味既水門雞飯
原來原來
真係好味好多架~仲買埋芒糯米飯返酒店食

Hea遊曼谷Day 1

2012年7月8日 星期日

拖左好耐好耐既泰國遊記終於嘔出黎~
本身想一次過blog晒佢
但總終唔係我風格, 所以都分返一日一日咁blog~
晨早機, 今次坐東方航空
成日聽人講會delay, 好彩我無事
到步就去我地住既酒店

前發前, 我病左, 好擔心上唔到機
扁桃腺發炎, 睇左醫生食左2日藥都無用
仲係keep住燒, 醫生再開d勁既抗生素比我
無燒, 但係食野都係痛, 搞到個trip食得唔盡慶呀~

T21, 真係好多香港人, 不過我又覺得無乜野
入到去間房, 好大, 我覺得好靚, 滿意架啦~
個廁所有洗pat pat功能, 不過我無用過

放低d野hea一陣就出發去JJ market
今次買左張類似八達通的東西, 方便出入BTS
去到, 又唔係好多野岩買~
但食野反而多d
見到卡巴, 想當去第一次跟團去芭提雅食過一次
令佢無時無刻都掛住佢, 但可恨今次都唔同味~
炸魚蛋, 我食左一條only, 因為食落口扁桃腺勁痛
必食芒果糯米飯, 超甜的芒果呀~

好快又行完出返酒店放低d野
就出發去食泰國菜
叫左好多野食
但生蝦一般
獅蛤一般, 其他都好好味
但我真係好痛, 食得唔多~可恨可恨