生活雜記的回憶
10月份的某天, 借哈佬喂的名來食大閘蟹
話晒叫哈佬喂party~
我好認真地輕地佈置左屋企
買左南瓜紙碟同餐巾, 仲有盒棉花糖架~
但主角當然係d蟹啦~
真係第一次同朋友食大閘蟹
話明係party, 其實係超多野食
有三文魚, 北寄貝, 生蝦
生蠔, 海膽, 蟹籽烏冬
食完仲有勁薑湯丸
話晒食完大閘蟹真係要驅驅寒呀~
因為我屋企有個跳舞game
呢3位小朋友玩得超開心
超興奮~個個望住佢地都笑到look地
小朋友真係好可愛~
又10月某一天
朋友打黎問有無興趣到西貢
本身要上大陸, 但取消左, 咁就go go go
係西貢join左朋友先~
係呀~又係佢地呀!!!
因為朋友之中最早生就係佢地
好鐘意佢地架我~
行左一陣, 就bye bye啦~
本身plan左上大陸食雞煲, 但取消左
男友又好想食喎, 唯有去九龍城食啦~
好彩味道都唔錯~好味!!!!
食完都仲係好早, 咁去埋荃灣食糖水先~
真係係咁兜係咁兜~行大運呀!
我對花無咩認識
真係單憑感覺~鐘意就鐘意~
正當唔知去邊間好既時候
得知有間叫""香港傷殘青年協會"
話係幫助d傷殘人士有野做云云~
但我都擔心佢d花唔新鮮
都擔心佢好快就凋謝架~
但上次我係White Production影相時訂左個花球
雖然應該唔係係佢到訂, 但個款一模一樣架~
咁諗住一樣, 都有少少信心, 就去訂佢啦!
其實都約左好幾次, 真係好難約
因為佢星期一至五收5:30pm
紅日休息
約左幾次都唔得, 今日終於可以去到啦~
仲要走去樂富, 其實對我黎講都唔順路
但一去到, 睇佢d圖, 其實都無乜邊個睇岩~
睇睇下, 終於都揀左呢隻款~我鐘意呀!!! 
終於都搞掂多一樣~價錢都幾相宜
完全岩budget~yeah~
睇完花球就hea下
hea到咁上下就去飲~今日朋友結婚
一圍10個人
全部枱都知係邊個, 但從來都無乜出黎食飯
全枱都讀同中一間中學
但得我一個女仔
真係第一次, 個感覺勁搞笑 
本身同朋友一齊訂左觀塘Like既姊妹裙
諗住相安無事啦~
點知19號收到電話佢要搬啦~
要退返d按金比我!!!!!
其實一開頭覺得打亂左陣腳
但諗諗下都既~
首先佢係觀塘, 唔係太就腳
第二係佢收7點, 放工要即刻仆出去
第三係佢唔包薄披紗架~
今日即book左第二間去睇~
去左 - Inezitar
問下長裙幾錢啦~
佢一開價開我$450 full pay有9折
即$405一條!
當堂'o'咀呀~明明睇blog友玉琪
同佢facebook都講11月30日前
full pay都係$315@左右
問黎問去, 最後都係比返呢個價我~
總共試左4條
依舊款都係揀返D, 因為著得最瘦
其實我覺得A唔錯架~
但d花好似太膨湃啦~
隻色好靚, 我好鐘意
B款都唔錯, 但無帶唔方便做野
隻色都唔錯, 好似好高貴咁
但個色會好易凸肚呀~
C款唔靚, 但隻色又幾好喎~
好難揀
A色超靚, 但好似太搶
B色好高貴, 但好易著到個人無精神
所以最後揀C色啦
因為可以著到人都精神d呀~
姊妹都靚d呀! 
今次真係可以放心啦掛?
總算搞掂姊妹裙呢part啦~
我諗11月11日應該係好日
因為真係好多人結婚
當中包括我家姐~
我仲可以擔當做伴娘, 太開心啦~
但好景不常, 在11月7日晚
我媽媽發燒入左急症, 要留院
一直希望可以11月11日前出院, 可惜....
事與願違, 連請日半假, 醫生都唔批准
當勁失望之際, 醫生批准幾個鐘假, 好過無啦~
好彩既係, 鄉間的2位舅母
在9號前來幫手準備
我跟家姐真係咩都唔識~
好彩上頭都順利完成, 一切叫順利
11號早上5點已經起身, 好早但又好精神
家姐話咁快又化好晒妝啦~
佢個花球好靚呀, 個個都好鐘意!
因為佢擺lunch buffet, 所以時間都幾趕
之前一路睇天文台都話落雨
搞到勁擔心, 好彩天公造美
當日天氣好好, 無雨
媽咪可以睇到註冊, 見下親戚朋友
但其他野唔想佢勞碌
所以當日我係勁忙, 忙到野都無乜點食
不過係開心既~
我地三姊弟真係好少一齊影相
今日算係一齊影得多架啦!
10月28日去左揀相~
好快睇一次, 不得了!張張都好得!好鐘意~
總共影左570張, 眨眼果d全部已out走晒!
即係570張都係靚, 仲要少執左喎
1點開始揀
揀晒相->揀埋入相薄->揀油畫->落去拎錢
都要6點先走人, 但我地覺得自已算好快架啦~
570張相, out第一轉已淨返2百幾張
我地真係飛得好狼
第二round, 淨返百幾張
完全飛唔落手架啦~
但package包40張炸喎
男友話"鐘意就要買, 呢種感覺影唔返架啦"
唔理budget, 總之負擔到就算啦~
我最buy white production既室內景
如我所料, 室內要得最多相既!
上面果張好鐘意個倒影
下面果張好鐘意我地個樣
2張相似都要呀~
個妝過鏡好清, 完全係我杯茶
呢一set, 男友欽點一定要
因為真係唔似平時既我~
Barry.....你真係好勁, 可以影到呢個我出黎
比朋友睇, 佢地話係非一般既婚紗相
我最最鐘意既氫氣球, 真係無買錯
好colorful, 好鐘意好鐘意~
出到去石澳~超級超級大風~
睇到呢張, 無得唔要啦~震撼
上山頂啦~好鐘意佢影纜車d相
但係佢無send比我
睇住其他先~
呢個影出待嫁味, 哈哈~
估唔到我都襯呢類衫
朋友話好襯我
最後一個套衫~好鐘意件黑色衫
Barry, 好勁, 可以影到我咁瘦~
最後, 因為油畫唔想咁普通feel
破傳統, 揀左呢張相, 越睇越鐘意~
本身想揀黑色晚裝, 但怕結婚果日擺出黎
老人家唔係咁鐘意, 所以要揀過第二張~
White Production所有所有都好好
Barry好勁, 可以影出另一個我
Rainbow好好好好, 我諗唔好講點好, haha
我絕對好開心咁join左佢地
仲有好多好多相都好鐘意, 但要等到1月先可以拎晒所有相
