預設一篇blog, 等大家都仲有野睇下~
回到結婚前一日
原來真係好忙, 好多野搞~
我一路掙扎緊整唔整gel甲
但最後諗都係一世一次
決定整啦~
經blog友介紹去左個屋企到整
佢好細心, 做到我想要既野~
10點開始整, 整完都12點
拿拿聲返屋企搬野啦!
一共有4個人搬 
第一站去拎車
嘩, 估唔到架7人車都係緊緊夠放晒野d~
拎完架車就趕去大學凱悅拎房
一入到去, 真係嘩嘩聲
因為第一次住套房, 仲要咁大間
係間hea下, 真係勁hea, hea到唔想走~
因為實在太舒服啦~ 
但事實歸事實, 又要走啦~
去樂富拎花球, 分頭去買頭花
join返後去尖沙咀拎衫, 但d衫搞左勁耐
唯有拎住一點去景逸軒放低佢先~
之後再折返去拎剩低d衫
再返大學放低晒野, 再趕返屋企食飯
果陣已經9點半~食完又要沖涼洗頭
無幾耐無上頭啦~
上完頭又要去返酒店!
到酒店大家又忙於佈置, 終於到1點零可以訓啦~
真係超忙既一日~
籌備左1年10個月的婚禮終於完滿完美地完成
我收到相後會慢慢寫返當日流程
估唔到每一樣野都好多人讚
我每一樣野都超級滿意
場地 - 紅磡都會海逸酒店景逸軒
化妝師 - Fiona fi
攝影團隊+即日派相 - Picasso
律師 - 黃家興律師
MC - Tony
佈置 - 夢花舍
租衫 - Eternity
花球 - 香港傷殘協會
出門酒店 - 大學凱悅酒店
因為我地揀左一班好好既朋友做兄弟姊妹
所以當日出現既問題佢地全部自動波搞掂晒~
真係少少少少都無問過我煩過我!
我超感恩, 超多謝佢地!
呢個婚禮真係完全無憾地完成, 好開心的一天
今日進入倒數5日的階段
感觸良多的一天
由籌備婚禮到結婚當天用了1年10個月
我個人是要好有planning的
每樣東西都要做足資搜集, 力求最好
但當中亦有失手, 哈哈!
一路都好順利
所有野都順風順水
想book咩基本上都book到
進入白熱化階段, 以為一切會很好
好得連經常聽婚禮會令2人常吵架的事也沒發生在我身上
但上個月初, 媽媽發現身體有毛病
心情直跌入谷底
因為是澳門居民關係
因為澳門的治療快香港3個月關係
最後決定在澳門接受治療
27晚當天接受手術
可幸的是消息樂觀, 希望好消息會繼續來
但我大婚當天能不能出席還是一個問號.
我十分十分希望我媽媽能出席
這個月, 香港澳門2邊走
累是一定的, 因還要搞婚禮事宜
還可幸的是我用了1年10個月去準備
基本上要準備的都準備好了~
女家親友, 要我自己打電話去問是否出席
老實說, 基本上那些親友一年都不見一次
還要交代媽媽的情況, 實在不願動手去打電話
直到28號得知情況樂觀, 才動手去打電話
3月2日才完全解決了坐位及人數的問題!
佈置, 一路的設計不如理想
直至昨天(3月3日)才有最後概念
要到明天才收到初步繪圖
好像所有東西都是最後一分鐘才完成
但總叫我呼出一口氣, 因為老套d講
希望在明天,無野係解決唔到
真心慶幸我有班愛鍚我的姊妹
知道我的事後
立即自動幫手去完成我餘下能幫的事宜
可能婚期直逼及媽媽的事
令我很容易忟憎
晚晚要2點才能入睡
(但並沒有事情要做)
令我經常對男友發脾氣
但很多謝他一直的遷就一直的忍耐
這個月已聽到幾個人說我瘦了很多
是壓力? 是減肥? 已搞不清了!
今次所有事令我強立起來~
哭的次數比我少, 小時間我是一名喊包
但這個月, 人前是繼續說笑
人後不能說一萬個樂觀情況去安慰自己
最後, 真希望媽媽能出席
及有一個美好的回憶!
