公司十週年啦~

2013年7月26日 星期五

今日公司成立左10週年
估唔到, 呢份係我第一份工~
一做, 就做左7年啦!!!
雖然呢間係細公司~
店同事+倉同事+寫字樓同事+promoters
都只係得25人~不過反而人少少較適合我性格
老闆真係教識左我勁多野~所以我一路都唔走係有原因既~

今年, 老闆要慶祝一番
話要去半島到食自助餐~
聽到, 我地好興奮好期待! 因為真係未試過
黎到呢日~
沙律, 刺身真係好新鮮~我覺得好好味!
仲有即開生蠔
澳洲果隻太勁海水味, 太咸啦~
而南非果隻算唔錯

但好可惜, 佢d熱食真係好一般~
我覺得好多野唔係太咸就係太酸再唔係太甜
唯獨個牛真係幾好味
而甜品方面真係無咩選擇!
個cheese cake都算幾好味~馬卡龍都ok呀!
每人一客既熱情果疏乎里就太太酸~
我好鐘意食疏乎里架嘛! 好可惜!!!

當然食完就影下相~
我地比較後生果一批顛左咁喪影!
因為分左2張枱, 老闆坐左第二張, 我地先可以玩得顛d~
人夾人真係無錯~
之前同一個同事共事左5年, 只係出過去食一次晚飯
但呢2位, 只係識左1年, 熟左2個月
已經差唔多個個星期出去食晚飯~
仲黎緊一齊去旅行添! 所以時間長與短並唔代表一切!
期待我們的旅行!

新煲試整

2013年7月11日 星期四

買左個新煲, 忍唔住要煮下野食~
成日都心思思諗d野出黎整下!
整左個部隊鍋之後就試下煲湯啦~
d人話Staub好鎖水, 今次用7碗水去煲
煲好, 嘩, 完全好似無少過水咁, 好勁~
今次煲左蘋果無花果湯!
落左幾粒蜜棗落去, d湯超甜, 好好飲~

煲湯試唔到個真味~
第二round整左豆腐忟排骨, 順手加左D丸落去!
忟左4個字左右
真係好淋, 好好味呀~
因為我之前完全唔識忟野!


到左星期日, 多d時間
整左我想整好耐既:
紅酒忟牛肋條~
嘩, 嘩, 嘩!!!
估唔到我都可以整到呢味菜~
老公激讚~
同事話超好味!!!
搞到我勁開心~
不過都無乜技巧, 係時間耐d咁之嘛~


到尋日整左我好鐘意食
去親上海鋪頭食野基本上都會叫既糖醋骨
其實都唔難整~
不過唔知點解唔係一般見到果d黑忟忟囉~
淺色左~賣相唔好, 但係味道我好滿意!!!


我要努力再整多d餸出黎~
仲有唔可以懶
唔可以就咁放係廚房影相
因為影出黎d相好核突呀!!!!

終於買了~~Staub

2013年6月30日 星期六

岩岩搬出黎住
乜都唔識, 業主間屋裝左電磁爐~
老公話用易潔獲係最好!
係乜都唔識下咁就用左1年啦
近排, 唔知點好多blog友(真係突然多左咁)
買多左煲呀, 獲呀咁~
我睇左好多, 諗左好耐~
最後決定投入Staub既懷抱!
永安做緊特價~
走過去睇睇先~原來好多都係做買1送1
因為我都唔知自己岩用咩~
所以淨係買左個特價品
諗住買1個先, 好用, 第時再買~
27cm特價$1699左右
老公要求買多個獲仔16cm
佢話用黎炒下蛋同蒸魚贊油都方便d
就係咁, 佢送多4個碗比我, 我覺得個碗好靚呀!

其實我本人偏好圓形多d~
但係睇錢份上, 揀左個特價先!
我覺得佢呢隻藍色好靚呀, 不過影相有色差


附近乜都無, 淨係定個用過既杯
就咁拎黎對比下個16cm有幾大~
真係好迷李架咋! 不過我鐘意
因為我將決定買焗爐, 擺佢入焗爐夠方便!


1/7酷熱天氣警告下行完山超攰
唔想郁~拎個煲黎開下光先
第一次就整左個部隊鍋
好豐富呀~呢個煲暫時比我覺得佢傳熱真係好快~
我會努力研究多d餸菜架啦!