Bangkok Trip Day 4

2013年9月3日 星期二

Bangkok Trip Day 4

話咁快, 時間又黎到最後一日啦~
晨早起身走去做spa先
好舒服的呀, 好喜歡係泰國做spa~

做完, 過左T21個food court食野
我此終鐘情於粉麵
估唔到泰國蠟腸甜甜地, 幾好味喎~
個生蟹沙律一般, d蟹個殼硬到咬唔到!

 

食完梗係唔少得甜品啦~

朋友叫左榴槤糯米飯
d榴槤超濃超香

我依然叫我最愛的芒果糯米飯!
但好難食呀~
個汁咸既, 超古怪呀!!!!!

食完行下T21, 完全地無野行
即閃, 快閃得快得滯
完全唔記得左要買小老板呀!
之前係supermarket無買到tim!!!!!
轉左場, 當然有收獲啦~
最令同伴興奮既莫過於呢檔野~
幾十蚊, 可以刻名同揀公仔!
整筆袋又得, 相機繩又得~
passport holder都得!

 

返酒店pack返好d野
坐的士出機場
因為我地3個人
所以叫左部大的士返黎
坐得真係好舒服喎~
好塞車, 但係好彩預多左好多時間
去到機場仲可以好優閒咁周圍行
咁又完左4日

但返3日工, 又出發去結婚半年之旅啦~
等我整好d相, 我會好快咁出遊記架!

Bangkok Trip Day 3

2013年9月2日 星期一

Bangkok Trip Day 3

今日終於可以晏少少先起身, 太爽了!
走去食海南雞飯~
其實係咁熱既環境行過去, 都幾辛苦
搵到粉紅色衫!
因為我地太肚餓啦~起勢咁叫
叫得太多啦!
我發現依家d雞一般咋喎!!!
係個雞飯同湯好味!
個豬同埋雞雜都一般~
食完梗係行街, 淨係行左一個商場~
行完去左super rich唱錢
唱完超熱, 買左個椰皇飲
又甜又凍, 超好飲呀!

返酒店放低d野~
酒店幫我地搵的士去Chocolate Village
大約9個字左右就到~
因為我地去到時間仲係早, 所以唔洗等位
地方超大超大~
野食一般, 都算合格
但黎得呢到都係志在個境既姐~

食完就開始影相啦~
有個塔, 估唔到真係可以上去影架喎~
但一上一落係咁轉真係好頭暈...
上到去望到個境真係好靚

呢到每一個地方都係影相位咁!
我地好瘋狂係咁影, 係咁影~
又唔多人, 唔洗排隊影, 超正

睇下, 無啦啦有間房..
入面只係for影相~
我地好開心, 但同時亦好熱, 因為無冷氣~
瘋狂咁影左唔知幾耐, 就打道回酒店lu
返酒店只係用左半個鐘左右!
真係好快~

Bangkok Trip Day 2

2013年9月1日 星期日

Bangkok Trip Day 2

今日真係晨咁早就起身~
因為join左半day local tour 去水上market
個司機6點零鐘就黎pack up我地~
再去其他地方pack up人, 就正式出發啦
坐左至少個半鐘, 訓死左咁!
終於到啦~

第一個行程係自費坐船仔
好有特色, 但買d野一d都唔吸引我地~
只係志左坐下感受當中感覺
坐完上返岸~
我地食左芒果糯米飯
超甜, 超好味!!!!絕對令我一食再食!

行到咁上下就開始肚餓
搵左間餐廳坐低, 一人一碗麵~

我真係好鐘意食泰國d粉麵
百食不厭~
我地仲學當地人, 摘左d香草, 落左d芽去食
無肚痛, 仲好好味添呀!

 

本身個行程係諗住係酒店訓一陣~

但因為回程又個幾鐘, 又係訓死左!

搞到我地3個都好精神

係酒店影下相又出發lu~

去左食雪糕, 超大份塞到我地飽晒!!!

去完超巿買完野就出發去夜巿啦~

  

入左間餐廳食泰國菜

試左炸豬皮, 無想像中咁難食~

其他樣樣野都好好味!

有炸魚餅, 炒什菜

炒媽媽麵, 木瓜沙律

仲有又係我超愛既炒金邊粉~

好滿足的一餐!

上年黎無咩野買到, 今年都係
可能呢個夜巿唔岩我行!
但上年黎未有呢個摩天輪
今年有啦~重要開埋煙, 真係好靚!

Bangkok Trip Day 1

2013年8月31日

Bangkok Trip Day 1

有時人真人夾人～估唔到我會飛甩老公自己同朋友去旅行！

同2個同事去旅行，共事左1年！都係泛泛之交～但唔知點解5月果陣一拍即合，係咁約出黎食飯同去玩！多口講左句，就咁促成呢個曼谷之旅啦～

今次坐香港航空，勁早機！朝早0750，5點零要出發去機場，超大雨！順利登機，順利到曼谷，順利到酒店

放低行李出發去JJ market，事前做好心理準備勁熱，好彩去到又唔太熱！

行到咁上下，入左間無英文既食店

得果少少圖咁叫野食！

但真係超熱同好真係我地3個都叫救命啦～

行左幾個鐘返酒店休息下先

收穫唔算多，呢到係我地3個人加埋既戰利品！

休息夠啦～出發去Chit Lom

我地好大無畏

食大排檔，仲食埋生蝦，好彩最後無肚痛

叫左足料冬陰公，燒魚

燒魷魚，生蝦，炒蟹，超好味燒雞

抵到喊，埋單3百零港幣！

勁滿足呀～

食完去左big c買野，買左少少！

因為諗住去Red Sky飲野

上到去好full，忘記左星期六添～

但個景真係好靚！

重新開始

2013年9月5日

因為yahoo 突然話摺埋, 所以搞到個個都另起爐灶
呢到大大話話都打左6年~話摺就摺真係有d唔捨得~
我見大家都去blogpost, 咁我都跟大隊
但我唔係好識用, 真係要慢慢去摸熟佢

如果有興趣, 大家可以繼續sharing
我網址係:

http://lcscis.blogspot.hk/

重新出發~

2013年9月5日

yahoo突然話關閉, 殺我一個措手不及~
我喜歡blog, 因為打blog可以比我自己睇返以前既自己
我喜歡睇blog, 因為可以分享大家的開心事~
大家無私既sharing, 令我係blog上得到更多資訊
好多blog友仔都用blog post, 咁我都試試用下啦~不過真係好難用呀!