Osaka Trip Day 7

2013年9月14日 星期六

Osaka Trip Day 7

黎到呢個trip最後一日啦~
我地見大阪金龍有好多間分店
咁我地梗係要試下啦!
都幾好味架喎其實

 

食完就出發去outlet啦~
個個朋友去完都話好多野買到!
我....我不嬲都係outlet買得好少野架~

我地又買crepe黎食啦...
但都唔好味既!

 

早左到機場, 等夠鐘就check in啦~
關西機場都幾多野行
我地知道機場有神座
我地搵左好耐, 原來走漏眼, 好開心搵到佢
因為神座係東京食過, 覺得好好味!
所以我今次都好想食返佢~
依舊都係好味道!!!!

 

大阪之旅就咁完左lu~
係呢一刻, 我地又準備好出年3月出發去我地結婚一年之旅
呢個地方, 我期待左好耐,希望可以快d成行

Osaka Trip Day 6

2013年9月13日 星期五

Osaka Trip Day 6

黎到last 2 days啦~
今日決定去杯麵博物館!
落左車都要搵左一陣先搵到個館係邊到~

入到去職員叫我地畫左杯麵先~
我地去買左個杯就開始畫啦!

畫完就排隊制作杯麵啦~
好得意, 首先搞個麵入個杯到
跟住揀味道, 4個餸
跟住佢就會包膠紙
咁個麵就完作左啦!! 一個好有趣既體驗

其實杯麵博物好快就行完睇完!
下一站就係黑門巿場啦~
我地要食lunch呀
叫左個即開海膽,帶子, 同鱈場蟹
超好味, 埋單三百蚊有找, 抵食到爆
跟住仲食左個蠔, 但個蠔就一般姐!

返去酒店放低d野~
係附近見返呢間野, 3年前係東京食過
真係超好味,所以即刻走入去買啦!
依然都係咁好味, 好香濃既牛奶味呀!

再周圍行下~終於買到件褸
同踏破石涯無難處
我終於搵到對水boots啦~太感動啦!!
食返個燒章魚丸先!
呢個超好味呀~好軟熟, 好香好味

行多陣又夠鐘食dinner~
唔想食太full
揀左旅遊書介紹既蛋包飯!
個格局好古老
叫左2個蛋白飽, 超超超好味
特別係個松茸蛋白飯, 真係好香
怪唔得松茸要買咁貴啦~
超滿足的一餐
聽日就要返香港lu~

講左好耐要食呢d~
但一路都keep住飽!!!
但今日唔食再無機會啦~因為聽日就要走
好彩今晚ok喎, 咁就買黎食
最後的綠茶蛋糕, 日本既綠茶真係超好味
呢個crepe, 超軟, 好好味!
食完真係好滿足呀~

Osaka Trip Day 5

2013年9月12日 星期四

Osaka Trip Day 5

因為間旅館包左個日式早餐
咁我地梗係要試下啦~
一去到, 見到真係超興奮呀!!!
我終於叫試到呢d一碟碟啦~
有豆腐, 漬物, 茶碗蛋
好嫩既魚, 湯, 一片刺身!
雖然全部都細細碟, 但包埋一碗飯
食完係超飽~

我地梗係唔少得係間房影下相啦~
話晒都係我第一次住呢d房喎
一個好特別既體驗!

 

影完相就check out啦~我地既目的地係伏見稻荷
我鐘意呢d鳥居
一排排紅色好特別~
因為時間都算早, 唔係好多人~
我地可以好輕鬆咁set腳架影相

 

不過, 今日真係超級無敵熱~
頂唔順走左入去食刨冰
終於都試到, 細細個睇漫畫,d主角成日都食架!
本身對佢地無期待望
但一食落, 嘩~
超好味呀!! d冰質感好有咬口
d水果糖漿一d都唔假
個士多啤梨牛奶係超好味~

 

食完就出發去清水寺~
我覺得必黎架!
因為我覺得好神奇, 成個寺一粒釘都無用過~
不過感覺就好似真係到此一遊罷了! haha~
好多人~好多學校黎~
好多人著住浴衣/和服
我好慶幸自己無著, 因為今日真係熱到嘔
全身都濕透

 

 參觀完成, 行返落去車站, 因為附近真係無咩好食!
頂唔順, 走入去買野飲~
日本既便利店永遠都咁多野揀~
日日都食綠茶先安樂
呢個綠茶牛奶好好飲架

 

終於食野啦~
去左旅遊書介紹既箱押壽司~
一般般~但係好貴呀!
我地連續2餐比旅遊書老點左!

 

因為又熱又攰
決定打道回大阪啦~
係車上面訓得超滿足
休息一陣行一陣又要食dinner啦~
去左食燒肉放題
佢有中文餐牌
勁多牛既古怪位置食, 例如
食道周邊肉, 牛胃, 大動脈...
但牛肉真係好味, 牛味好濃!

Osaka Trip Day 4

2013年9月11日 星期三

Osaka Trip Day 4

黎到呢個trip重頭戲啦~
我地今日會去京到
住返2日1夜
其實坐車好快就會到京都~
一出到去, 個車站都好古老
感覺好有歷史!!!
我地要再轉車, 目的地係貴船
上左架車, 沿路都好效區
環境好靚, 車程半個鐘左右~

 

落左火車, 其實有巴士上山
但佢指示話上山只係半個鐘
我見又唔係咁遠, 同埋環境超靚
我地決定行上水!
沿住條馬路行上去, 又無乜車喎~
一望無際似的綠林~
瀑布, 藍天+白雲, 感覺超舒服!

 

行到差唔多到目的既時候
比我見到一, 二棵紅/黃葉
我已經覺得超靚啦~
我估, 我估岩季節黎肯定萬天紅葉
諗起都覺得靚到爆炸呀!

 

終於都到左目的地啦~
行到後段超熱呀!!!熱到死呀!
我地拎籌, 排28, 等左大約3 round左右
越後就越多人, 我覺得真係等好耐~
我地既重頭戲係 - 流水麵

 

坐係席上面, 對住個靚瀑布食老公恨左好耐既流水麵
雖然淨係點素麵汁食
但係超清甜, 超好食!
last一round係紅色, 話比你知end啦~
但紅色係唔好食既!!!!
仲有坐係蓆上食野, 氣溫係低出面5-6度
所以係到等+食完全完地過完冷河
又可以重新出發!

 

去左個歷史悠久既神社
有得求籤, 因為廟到有個水神
所以個方濧都好得意
本身張紙無野既
但將佢一放落d水到, d字就會出晒黎~

 

行完個神社就行返落山lu~
見到有綠茶雪糕, 即刻要試
嘩~超好味, 淡淡綠茶味
濃濃牛奶味, 超鐘意呢隻味道!!!

 

一個好特別的車站
我地要走啦~貴船真係一個好特別既地方
我好鐘意呢一到!!
仲有呢到真係好多日本人黎玩!

返到落去~因為想食cake
所以走左入間餐廳
季節限定粟子,我地叫左粟子蛋糕
仲叫左個蛋三文治
超多汁, 好味好好味!

 

book天間日式旅館黎住~
我真係第一次住呢d房
我對所有野都充滿好奇~
仲有浴池~
我地都有去試浸過架!!!幾特別

 

dinner去左食旅遊書介紹既鰻魚飯
點知係勁普通,覺得好似晒左我個胃咁呀!

Osaka Trip Day 3

2013年9月10日 星期二

Osaka Trip Day 3

今日我地出發去環球影城啦~
本身都唔算太大興趣
但抱住第一次去就黎下既心態
其實我都有一絲絲既期待!
好早到左, 但門口超多人啦已經

入到去d路超闊落
入面好似無咩人咁!
其實d人係去晒排隊, 所以條街真係無咩人!

lunch時間,算太肚餓
叫左一個餐加件cake大家share黎食!!
隻燒春雞好好味呀!
件南瓜cake好得意, 入面係芋頭黎架~
行行下, 見到有火雞脾
我地係雞脾控, 梗係即買啦~
味道同迪士尼既一樣味既

一入場就玩左個株羅紀
都幾好玩~臨尾衝果下真係超刺激
而最好玩既係蜘蛛俠
其他一律都唔好玩
shop又無野買~
所以我覺得環球影城都幾悶
可以唔黎去~

等左咁耐,就係為左個夜晚巡遊
因為上年東京迪士尼睇唔到!
睇第一, 二架車覺得好靚
跟住之後果d又係好悶
我此終都係鐘意迪士尼多d~

去完見到北之家族
梗係入去食啦~

食返好好味既三文魚籽

 

仲叫左盤刺身~

係食返秋天當造既刺身

有秋刀魚(我好似第一次當佢刺身食)

成盤野都好好味~

仲有仲有梗係唔少得北海道毛蟹啦~

又係季節限定

超鮮, 好好味呀!

 

食完就抱住個肚走人啦~

呢一餐食得超滿足

Osaka Trip Day 2

2013 年9月9日 星期一

 Osaka Trip Day 2

今日天氣超好~

我地又一早出發啦!!
今日既目的地係神戶

首站去睇鐵人28
見到個汽水機超colorful
超鐘意, 感覺真係好靚

見到啦見到啦~見到鐵人28啦!

襯埋個藍天白雲,真係好靚

同佢影左一堆相就走啦~

黎呢個站真係突登為左佢! haha

 

其實老公佢突登安排黎神戶
係為左食神戶牛!
因為佢話大阪好似無咩介紹咁
咁藉住我地結婚半年就黎慶祝下啦~

叫左2個set, 價錢差唔多
但部位係唔同~
我唔記得左邊個打邊個啦!
係好味, 但我個人鐘意食和牛多d!

其中一個白飯加錢變炒飯
真係香好多, 好味好多!
因為入面真係多好多牛肉粒~

之後就返大阪啦~
去左梅田shopping!!!!
都算收獲豐富呀~
跟住就去食我地既晚餐
因為唔算太肚餓, 淨係食左個大阪燒同炒麵

食完就出發去空中庭院啦!
朋友話無乜特別
我本身都唔太大期望
但係一望落去, 大阪都好繁華
五光十色咁~好靚

 

條路設計得好靚~真係好靚!
好似好浪漫
但可惜原來超大風
我係咁按住條裙
超狼狽, 一d都唔enjoy, haha

 

返酒店放低d野~
時間尚早, 梗係出去行下啦!
去左食甜品
個綠茶雪糕超好味
牛奶夠香, 綠茶唔假~
但另外個士多啤梨布丁一般般!!
食完又去激安之殿堂掃貨啦~

Osaka Trip Day 1

2013年9月8日 星期日

Osaka Trip Day 1

原本今次會有另外3個朋友一齊join
但因為有d事, 得返我地2公婆自己去
咁就當慶祝結婚半年啦~

坐凌晨機, 好早就到左啦~
一到左就買飛出酒店, 酒店係心齋橋
點知一出機場就落雨
我擔心之後都落雨!!!!

放低行李, 酒店未可以check in住
唯有周圍行下啦~
因為太早啦, 都無咩行!
亂行一通又肚餓~
入左間拉麵鋪到食!

基本上我覺得日本d拉麵真係好好食!
呢個黑醬油拉麵我又覺得唔算太濃
真係好味呀~但此終都係鐘意返幼身d既麵

食完又周圍行, 行到去難波
但因為未夠11點, 商場又未開
超攰, 真係頂唔順
又落雨, 無地方可以hea坐, 但我地又飽喎
終於等到11點, 入左商場
我地2個輪流咁叉左半個鐘電
又可以繼續行啦~

行返出去見到架車仔, 食熱狗
咪諗住試下, 點知一影相
有個人衝出黎訪問我
佢係朝日日報記者~
見無野做咪答下問題囉!

 

跟住佢請我地食熱狗
又要擺晒pose咁影相, 勁搞笑!
但係....個熱狗都唔好味, 仲要一人一個

 其實因為第一日實在大攰
基本上都無plan到咩節目
又行行下到dinner time
走左去食咖喱飯
本身見到個樣無咩好感
但食落原來ok架喎~
唔怪得咁多人幫襯啦!

 

黎得大阪梗係要影下當地地標!