泰發泰國菜館

2014年2月22日 星期六

今日老公放8點, 接佢放工就去搵食啦~

係九龍城食飯

多數都想食泰國菜, 而泰國菜首選一定係金泰!

因為金泰價錢合理又好味, 真係唔想轉第二間

但今日老公話有人講第二間幾好, 不如去試下

今次揀左泰發泰國菜館

好快有位, 一坐低就比左D蝦片我地食, 好味

一黎就黎左個木瓜沙律同芒果沙冰

其實一黎見到碟沙律咁大碟都諗死硬

其實我地本身諗住輕食架嘛~HAHA

碟木瓜辣辣地, 木瓜又夠爽, 好味

跟住黎左碟檸汁燒牛肉

好好味~碟牛好多汁

但我覺得最好味既係佢下面D菜

好爽好脆, 真係好好味~

仲叫左個焗椰青飯

好香椰青味, 仲要好多椰子肉

好好味~

因為完全唔知碟頭咁大

果3碟黎左之後都擔心食唔晒~

最後仲黎既係粉絲大頭蝦

超多粉絲~D粉絲入晒味

好味好味呀~真係好味到停唔到口

但可惜都係食唔晒, 我地盡左我地最大既努力

因為食開金泰, 佢碟頭細D

下次要約多D人黎食至得啦~

忟羊腩

2014年2月15日 星期六

呢排天氣好凍好凍
因為天氣凍超想打邊爐

但係同老公夾唔到時間

一係佢返工, 一係我有野做!

星期四, 我諗住自已打邊爐啦~
係惠康行完一轉, 唉!

原來一個人自閉地都係打唔到邊爐架~

果一刻真心灰到盡到~

返到屋企煮左烏東黎食!

雖然味道係好味, 但係我個心去左打邊爐

食乜都無MOOD, HAHA

今日見仲係凍, 之前係759買左D羊腩真係要快D整埋去

整左南乳忟羊腩, 老爺話下次用腐乳會好味D~

但係staub真係無得輸

忟得超入味超淋, 好好味呀!

2月14日

2014年2月14日 星期五

今年係19年難得一遇既情人即加元宵節

不過我地拍拖咁耐, 從來無慶祝過

所以今年我地都係好似之前咁

當普通一日咁過

但唔同既人, 我地今年第一次派利是

所以今日我地決定拆利是

親戚果邊明顯大幅減少(不過不嬲都唔多, HAHA)

但唔知點解, 老公公司今年收得特別多

好似封封都加左碼!

真係開心啦~

凍遊迪士尼

2014年2月9日 星期日

時間真係過得超快

結婚11個啦~下個月就一年

好期待下個月可以出發去慶祝一年之旅!

因為下個月去旅行坐發機要坐6個鐘

坐咁耐原本唔係一個問題

個問題係坐咁耐但係部機係無電視

老公一知道已經叫苦連天

話無電視真係好難受, 話完全接受唔到云云

咁佢就開始密謀買部IPDAD啦~

因為出發在即, 所以今日去買啦!

原本都十五十六ipad air定ipadmini

但佢完全無咩分別, mini仲輕d, 所以買左mini lu~

今日超凍, 原來都唔想出街

因為又落雨喎!

但個天好陰好陰

咁落坐係屋企落去我地2個真係會迷死

所以都係決定出街啦~

向迪士尼出發!

因為老公話11月個要送個機殼比我~

好靚, 唐老鴨真係好得意!

等2個鐘可以印埋個名上去

係呢2個鐘, 我地玩左3樣野

d時間真係過得好快

可能因為落雨關係, 迪士尼又唔算好多人

玩左迷離莊園, 小小世界同睇埋米奇金像獎

都好暢順, 完全唔洗排隊咁呀!

2個鐘後終於拎到啦~

折左之後真係好抵玩~

拎完就走人啦~

因為都幾大雨, 又凍喎

真係超凍呀, 超凍所以好想打邊驢!

年初一至三

2014年2月2日 星期日

我覺得新年真係仲攰過返工架囉~

一日走幾場架!

年初一訓醒就走去city super入賀年禮盒

跟手就去奶奶到食飯

年初二晏就去老公既公公婆婆到拜年
食完返屋企休息一陣又出去我姑姊屋企團拜

知道旺角夜晚有類似花巿既夜巿

又走去湊熱鬧~

年初三揸車入去馬鞍山接媽咪再入屯門

終於去到家姐屋企啦~

家姐擺左水仙係屋企, 水仙好靚喎!

廚房梗係媽咪同家姐搞掂啦~我un un腳有得食

媽咪係屋企已經整左d餸出黎先~

如果唔係都唔知幾點先有得食!

終於有得食啦~平時媽咪整野好大碟

依家開始要train下佢唔好咁大碟先得

唔係既話又食幾餐, 感覺唔良好~

好滿足, 食到好飽,