蜜月之旅個人感想

2013年5月7日

我的蜜月之旅終於都打晒~
我想記底今次既感想!!!
準備結婚到中途, 我一路以為我的蜜月地方會係馬爾代夫
一個陽光海灘盡情relax的地方

及後朋友話提出一齊去旅行
我地覺得2個人去旅行幾時都有機會
難得有個夾得來的朋友一齊去
梗係機不可失, 話好啦!
朋友話馬代好以無野做, 好悶
咁改去夏威夷
但因為拎假好遲先frim到
所以地方一改又改
最後改到依家 西班牙+法國

西班牙我從來都無諗過要去既地方
上網睇資料話好危險
馬德里果個太陽廣場真係感覺幾危險
仲有馬德里d人一d都唔友善
同佢講英文會寸寸貢
最記得有一次, 晨早流流拎住個行李坐地鐵去機場
有個女人, 拍我膞頭
勁惡咁同我講左一輪西班牙文
完全唔明佢講咩, 用英文問返佢
佢再用西班牙文講多次, 咁我唔理佢
下個站, 佢落車!!!
咁我就估佢話我阻住佢之類~
天呀!!! 洗唔洗咁呀

但我反而覺得巴塞隆拿幾安全
因為都幾多警察同埋遊客多
我地係巴塞既地鐵其實都試過1次比小偷當做目標
但果次有介心, 所以無事
但西班牙真係無咩好食
好似不停西班牙飯, 同西班牙飯咁!
就因為咁, 我地食左2餐all u can eat
但香港文化係外國會比歧視
因為我地每人食左2-4轉左右
但d人都覺得好驚訝~haha
我地已經唔算過份!! 文化唔同

巴黎, 係未去既時候
都係一般見解, 好浪漫
海鮮盤好味, 好多靚仔靚女
但當去完, 完全改觀
好舊, 唔浪漫
唔靚, 唔悠閒(放工時間, d人行到勁快)
唯一無改觀既係
海鮮盤真係超好味, 真係好多女仔都好靚
好多男仔都幾型
仲多左一個見解, 巴黎都幾多野食架喎!!

仲有, 歐洲d 買藝者好鐘意係架車行駛當中演奏
跟住問你拎錢, 好似要局比咁
其實我好唔鐘意咁樣
好似比人襟住搶咁, 雖然佢地有付出
但係我想靜靜地唔想聽架~
所以其實我地好怕有人上車演奏

我諗我應該唔會再去法國+西班牙
因為去過就ok啦~無必要翻兜
如果有機會梗係想去第二到睇下啦~
世界之大, 大把地方要遊啦!
如果要坐長途機
好想去一去英國同瑞士!

今次可以講我第一次放咁長既假
因為中五畢業後就暑期工
之後就基本上工接工, 無放過假
所以呢半個月真係好爽, 不過爽到有d頹
我諗日日吃喝玩樂未必岩我~

因為返左黎之後就病左個幾星期
咳, 係因為食得熱氣野多
感冒, 係因為太凍
其實去韓國果陣仲凍, 但係可能跟團
無乜係外活動, 好快就可以上車
所以我覺得今次真係好凍呀!!!!!

 

蜜月之旅法國巴黎 - Day14

2013年3月30日 星期六

France Pairs Day 14

終於都黎到last day啦~
食左咁多日薯條同埋咁凍
因為一凍一熱, 我其實last果幾日都病病地
雖然坐6點零機
但我地都諗唔到去邊
陪朋友去老佛爺買個袋

買完去食個lunch先~
見到前菜三文魚€14, 牛肉€14
但有個mixed既€19
咁諗住mix既係一半半, 可以2樣都叫晒
咁我地咪叫啦~點知佢問我地三文魚黎先定牛先?
我地都覺得奇怪, 但答左三文魚先
點先, 咁大兜架喎!
但我地都好興致勃勃咁食啦~

食完三文魚黎兜生肉
其實加埋我地d主菜都已經呆呆地
所以覺得呢兜一般
佢地仲連埋大兜意粉架喎~

以上2碟係share
跟住一人一碟主菜
咁可想而知我地係幾咁飽~
有個海鮮意大利飯, d海鮮好好味
其實d飯都好好味架, 但有少少滯
仲有個鵝肝意大利雲吞
呢餐幾好味架~
但叫得太多, 所以食到個個呆晒, haha
仲有, 我地發覺呢餐超多蝦
個個都食到唔想食~

食完返apartment休息一下
發現今日應該係復活節假期
所以d鋪頭都無開, 靜英英咁
好彩今日走jar~

3點零鐘終於都起程出發去機場啦~
我地未免太黑仔啦吧!
拖住個重到爆既喼
lift維修, 電梯壞左
要"的"起個喼行樓梯, 真係攞命
上左地鐵, 勁耐都未開
廣播唔識聽, 見到d人陸續離開車廂
好彩有個好心人提我地要轉車廂
過一陣架車開啦~架車甩左岩岩我地個車廂開出!
再轉機場鐵路
好好彩, 上左架直駛去機場既車
中途無停站, 勁快到左~

因為時間尚早, 可以慢慢咁搞退稅
好hea, 退稅果到好hea
完全無check過我地d貨品就ok晒!!!
跟住入閘等上機
又係2個鐘到荷蘭, 十零個鐘返到香港~

我...終於可以返香港啦~

蜜月之旅法國巴黎 - Day 13

2013年3月29日 星期五

France Pairs Day 13

今日跟同伴分開活動!
首站係去左老佛爺先~
其實歐洲每棟建築物都好靚
真係有好耐歷史, 但外觀保存得咁好
但內裡又改建晒, 我覺得好勁呀!

一入到去, 就見到個頂
好靚, 我好鐘意佢個頂
真係感受到一種氣勢
但完全唔鐘意行老佛爺~
因為全部都係講普通話既, 好逼人
討厭!
睇完之後就拿拿聲走人啦!

當我年少的時候
我講過, 我第一個名牌袋要自己比錢去歐洲先買
我真係好低能, 記住呢個承諾
今次去歐洲, 好想為左呢個承諾買個袋
但可惜, 原來我唔係咁鐘意名牌的!
云云牌子中只喜歡Chanel
但係Chanel d袋都幾女人
我知自己完全carry唔到!
如果我揹出黎應該有人估係假既, haha
所以我放棄了, 淨係買左個銀包算啦~
我覺得了左一個兒時心願而好興奮!!!

跟住周圍行下, 行行下
原來我地既apartment就係附近
頭先仲豬左坐車黎添~
上去放低個銀包又出發去搵食啦
尋日食左個唔好食既肝, 今日要食鵝肝
入到餐廳, 老公例牌咖啡

我叫左個三文魚沙律
超。好。味
因為d菜夠新鮮~
食食下, 見到我至憎既牛油果
但食左一啖, 同我之前食既完全唔同
我對牛油果完全改觀

我本身對肝無特別喜愛
所以呢2塊我覺得ok呀! 一定比尋日好味~

另外仲叫多個扒
原來其實2碟已經好夠架啦~
因為叫3份真係好飽呀!
都係一般水準, 無驚喜

好優閒咁嘆個午餐
一食就食左2個零鐘~
埋單€52.5
好驚喜, 我覺得以呢餐黎講以歐洲黎講係平
我覺得如果係香港以咁既環境食d咁既野, 五百幾一定唔得!
原來香港食野真係好貴!

食完萬無目的咁行
周圍行下, 但真係無咩野行喎!
幾經辛苦終於搵到寄海外郵票同郵筒
南法d人完全係零英文~
想買郵票, 已經做動作咁話唔要寄歐洲
要寄坐飛機果d, 點知佢都係比左內陸郵票我地~

又到食dinner時間啦~
本身想翻兜尋日個海鮮盤
但係因為晏就果餐都未落格
咁去食我想試好耐既Crepe
好普通, 但係好好味
好開心, 終於都試到
雞蛋火腿

菠菜芝士雞肉
食完真係超級滿足~

To be continue Day 14

蜜月之旅法國巴黎 - Day 12

2013年3月28日 星期四

France Pairs Day 12

今日起身就出發去第一站啦~
巴士底士集
佢淨係開朝早架jar~
以為有d野行下, 但原來都無咩岩睇
感受一下當地既文化
我地要開始我地既早餐
食左生蠔, hk$200左右, 就有9隻
好味, 好鮮呀!
淨係要檸檬汁, 已經好夠味
好有海水味, 真係勁鮮

朋友買左麵包蟹, 唔洗hk$100就有半隻
仲要係超多膏, 抵!
仲買左一隻燒雞4個人share
咸左少少, 不過都算係咁啦~

食飽就出發啦~
行行下, 落左少少雪, 唔怪得今日咁凍啦!
出發去第二站 - outlet
以為會買到野
首先去Longchamp
但超超超多人
又無我想要既色, 唯有勁失望而回
我唔好名牌, 無收獲
但老公買到條牛仔褲, 用黎補償跌左落街果條, haha

巴黎既地鐵唔算user friendly
因為去outlet係近郊線, 我地跟住指示去轉車
一路都淨係用入閘果張飛, 值€2左右
點知到站出車, 發現張飛係唔得既
想補錢出啦, 又無人架喎~
正當唔知點算既時候
見到有人經傷殘閘口出(按求救燈, 佢會開門)
我地跟住出, 咁就坐左霸王車(原價€9.5)
其實我地都唔想架!!!!

去返香榭麗舍大道買longchamp~
因受人所託之下買左7個
d職員提我要小心小偷, 唉~巴黎!

買完就出發dinner啦~
yeah~呢餐我恨左好耐
好鐘意食海鮮架我!
今晚食海鮮盤
一大盤4個人都好夠食
樣樣海鮮都好好味好鮮甜
真係真係唔同架! 超正~

仲叫左d主菜
食完個海鮮盤, 我地4個都後悔
應該叫2盤海鮮仲好啦(一盤€4x jar, 超抵)
試左鴨肝, d汁好難食
仲叫左免仔肉, 口感無咩特別
但心理上......所以呢兜剩左好多~

To be continue Day 13

蜜月之旅法國安鍚 - Day 11

2013年3月27日 星期三

France Annecy Day 11

晨早起身, 走去買個包食下先~
但係有人揀左個超難食既包, 哈哈!

沿住條小路上去睇下有咩睇~
感覺好舒服, 因為一早空氣特別好
到左中間, 見到有幾間hotel
嘩, 住到上黎好有feel呀, 好靚呀!

穿過森林似的樹林
就到住宅區
好優靜, 好大自然
住係到真係身心舒暢

行完, 又夠鐘食dinner
我地試下間連鎖快餐店 - Quick
我地買左4個包, 4個包既款都唔同
好味, 我覺得好味過M記好多~
最特別既係
點解點餐杯可樂大咁多架, haha

食野出面見到片大草地, 仲要今日好天呀!
食完拿拿聲出去行下
今日好好多, 好多人係到玩
有跳舞既, 有散步既
有家庭樂既, 有踩單車既
但今日明明係閒日, 點解佢地好似唔洗返工/返學咁既?

湖水超, d鴨都好hea咁游下水玩下

行行下, 仲見到隻天鵝
完全唔怕人, 游到勁近岸邊
我諗如果係香港/中國
可能會有人郁手去摸佢地, 什至搵野傷害佢地
不過呢到d人都係眼看手勿動的!

尋日能見度低, 今日天氣好
望到瑞士雪山
好感動呀~竟然可以見到雪山
好靚, 真實睇真係好靚!

好好天, 但天氣都仲係好凍
有人將隻腳放落d水到
我地以為唔凍, 掂一下都凍到震
haha~~~

睇到本旅遊書講
原來安鍚係法國最鐘意去既地方
由瑞士揸車, 只需30分鐘
超近, 唔怪得可以見到雪山

6點幾, 我地又要坐3個幾鐘火車返去巴黎lu~
安鍚真係一個好美好的地方
我好鐘意佢果到既舒服同寧靜

To be continue Day 12
  

終於都收齊相

2013年5月1日 星期三

等左差唔多個半月, 終於都收齊相啦~
好開心, 等左睇相等左好耐
成日聽d人有成2千幾3千幾張相
但我睇過自己, 有千六張左右
但我一d都無唔開心, 因為貴精不貴多

攝影師好好, 每一個時刻都捕捉得好好
睇返d相, 回憶起當日真係好開心
全賴我有一班好好既兄弟姊妹

好開心化妝師化到我每一個look都好靚
我每一個look都好滿意
呢張相我勁鐘意, 好有feel~


每一個細節, 每一個項目都好想好好記低
因為, 就算有缺憾
都係屬於我一生一部份
無得再黎過, 無得後悔

但係奈何, 我仲打緊honeymoon
我唔想東一忽西一忽
我會專心咁埋好honeymoon個尾先開始打個婚禮



但當開始打個婚禮
會有太多親朋好友出鏡
所以呢篇會係公開, 之後果d都會私友化左佢
所以如果有興趣可以留言
大家交流一下

個我會分享返我用過每一個item
因為我係blog到搵到既資料實在太多太多
我取得太多, 我想分享返我感受比各位將會結婚既人
但並唔係評分, 因為我實在未夠班
只能share一下個人感受

蜜月之旅法國安鍚 - Day 10

2013年3月26日 星期二

France Annecy Day 10

今日超早就起身, 5點零, 因為今日又要長征啦~
坐6點幾既火車去南法 - 安鍚
總共要3個幾鐘, 到安鍚都成10點啦!
係火車無野好做, 淨係訓訓同訓

一到左安鍚, 搵到酒店
但未可以checkin 住
唯有周圍行下啦
有個巿集, d野都幾得意~
今日天氣唔好呀, 又落雨, 仲要超凍
我著左條超級無敵厚既打底褲都凍到入心
沿住湖邊行, 能見度低又凍
不過感覺好relax

周圍都無咩人, 好寧靜
同巴黎感覺完全唔同
真係好好多!

周圍行, 終於搵到個地標
呢個上網睇人人都影
人影我又影!
返去拎房, 稍是休息一下
因為真係實在太早起身啦~

休息完, 又因為太凍
因為又陰天又有雨粉
所以走入間cafe到飲下野~
同伴話普遍法國d咖啡都幾好飲
但係我唔飲咖啡!
只好飲茶, 個茶包包裝好靚
仲要好香好香, i like it~

飲完都開始入夜
入夜後的安鍚更寧靜, 更舒服

我地見一間餐廳幾多人
走左入去食, 叫左4個set
首先黎係我地既頭盤
好鐘意食沙律, 好好味
仲食到法國蝸牛

我們的主菜
其實最主要係芝士火煱
好濃芝士味, 好好味
但係又係好勁酒的, 我又醉醉地, 哈哈!
其他的, 還可以吧~

甜品, 燉蛋同個芝士蛋糕超好味~
有個rice pudding, 口感好得意!
甜甜地既飲!

隔離枱坐左2個人女人
原來一個係法國人, 一個係德國人
佢地好好, 咁教我地食法國蝸牛, 芝士火煱
我地同佢傾計,  好難得識左幾十年
一個會飛去法國搵佢, 或者另一個飛去德國搵佢
呢份友誼真係好難得!

食完走出去影夜景
夜晚真係好靚
好鐘意, 但係真係無敵咁凍
影左一陣就快快咁返酒店啦~

To be continue Day 11