沖繩Day 4

2015年5月27日 星期三

沖繩之旅Day 4

黎到第4日

呢間酒店環璄超靚

咁好天, 食完早餐梗係周圍行下影下相啦~

草地+藍天, 勁靚

間酒店仲有個勁大既沙灘
但一陣要check out啦~
所以無游水就走人lu!!!!

今日超好太陽

無幫木子搽防曬, 影完2張相即閃人

今日月的地, 海洋館

黎到沖繩點可以唔黎呢個海洋館呢!

 木子訓左教, 訓得好淋~

一入到場

就有得摸下海星同海參

海星硬掘掘無咩特別

海蔘淋pat pat

摸上手好肉酸呀~

呢缸魚超靚超靚~

相機影出黎有色差

眼睇呢缸魚係紫色架!!!超靚

我好鐘意呀!

令人停得最耐莫過呢到

好大好大既缸入面有幾條好大好大既魚

好宏偉呀!!!!!

咁岩木子要飲奶, 可以坐低慢慢欣賞

重點係呢到有冷氣呀嘛!

飲完奶岩岩好出返去睇海豚表演

但個天開始黑, 有啲想落雨~
不過我地都差唔多睇完

可以走人lu~

又係一路揸返出去見乜就食乜

有個寫住no.1 沖繩麵

入左去食~個豬手又幾好味架喎!

下一站, 海中展望塔

買左張門票

可以行落去塔下面

可以見到水底世界

不過無咩睇!都唔多魚同珊瑚既

反而係水面睇仲多魚

跟住返酒店check in~

今次唔記得影間酒店

因為一上到房趕住餵奶又要幫木子沖涼

搞掂又要去新開既aeon mall~

見到香蕉朱古力梗係買杯試下啦!

嘩, 好好味呀!!!!!

老公朋友話雪糕菠蘿包好好味

要排一個鐘!!我見無人排即買

一買買2個食~

但.....食完係覺得ok

但我唔會排一個鐘去買囉!!!

又夠鐘餵奶~

日本既育嬰寶真係好大好靚好舒服呀!

沖繩Day 3

 2015年5月26日 星期二

沖繩之旅Day 3

起身餵完奶木子又繼續訓喎~

咁我同老公只好分開落去食早餐

今朝落去見到有納豆食拎黎食下先~

又幾好味喎!!咁樣我日日早餐都要食下納豆啦

訓醒覺換好衫就出發啦~

訓醒果然係精神啲架喎!

第一站中城城跡

天氣超好, 好曬呀!!!!!

我淨係記得幫阿囡搽防曬, 唔記得幫自己呀~

oh....my....god.....

我隻手燒焦了!!

但呢到好靚

全景, 好一望無際, 好靚好靚~

行返落山, 食杯雪糕抖下先~

因為實在太熱啦!

木子熱到無晒表情

一上車佢就訓左啦~

之後果站去食lunch~
去左泡瀨魚港食

今日終於都試到海葡萄, 但好咸

唔好味!

我既重點係呢個~

海胆焗龍蝦

超好味呀, 食完真係超滿足!!!

我老爺都好滿意, 食到讚不停

呢隻螺, 好腥, 好難食呀!!!!

以為係夜光貝, 但後來先知唔係囉~

第三站去左勝連城跡

無咩睇, 唔太特別, 有點點失望!!!

可能木子知我失望~

佢竟然屙到我成身屎!!!!!!!!!!!!!!!

話說我擺佢係我大脾換片

一路都相安無事~

拎開塊片諗住擺返塊新既落去

佢竟然係咁屙, 屙左好多!

我已經即刻用塊片兜住, 情況都控制到~

咁等左一陣, 諗住屙完啦, 拎開左塊片

佢又再屙, oh, my, god again

我真係成身都係屎啦今次

好彩既係今日轉酒店

車尾有喼, 即係我有衫換~

呢個囡搞到我勁狼狽呀!

去到酒店, 好大好靚~

超舒服呀!

個露台望到個海景

淨係係酒店都好嘆~

酒店d野唔太岩食

揸架車出去兜下有咩食啦~

見到呢架野, 都ok wor

走入去食下先!

好家庭式制作~

但味道出奇地十分好

個pizza好好味

最有驚喜既係呢個菇意粉

嘩, 好味道爆炸!!!!

個味調得好好~我地4個一致覺得無得頂呀~

返到酒店仲有時間hea下

我地仲可以食下宵夜~

不過個苦瓜片好難食呀

好苦呀!

沖繩Day 2

2015年5月25日 星期一

沖繩之旅Day 2

今日既行程係去玉泉洞

天氣好好, 好曬~

入去時有講話21度, 諗住會好開心

因為今日好熱, 入面可以好涼啦~

d鐘乳石好得意

我一路睇一路覺得大自然好勁

因為d石吊晒落黎, 好多好大 

形成好多唔同形狀同狀態

我覺得好得意!!!

但係我越行越熱

一d都唔覺得入面得21度囉!!!

係咁出汗呀~

入面都好長下, 行左好耐先行完

行完木子又夠鐘食奶啦~

我地睇地圖有哺乳室

問職員啦!!!!嘩, 個職員超好人

好遠咁帶我地行過黎

我真係估唔到呢d地方都有哺乳室

個室仲要好有舊日本既感覺

入面有冷氣, 但我唔想好似好浪費咁

好彩開風扇都ok!!!

我真心覺得日本既育嬰設施做得十分好

完全勁安心帶bb去

 餵完咁熱, 整係要食下冰下下火先啦~

波子汽水刨冰, 好好味!!!!

食完個人舒服晒~

仲試左石恒串燒同和牛串燒

麻麻地, 因為好un!!!

心諗乜d石恒牛唔係好好味既咩?

睇完玉泉洞, 去返國際通

今日食石恒牛燒~

呢次食呢隻同岩岩食果隻串燒完全唔同感覺

超好味呀, 好好味呀!!!

入口即溶的感覺

豬食左出名既agu豬

真係又幾好味架喎~

我地個個都好滿意呢一餐呀!

食完又好滿足咁行國際通啦~

行緊激安之澱堂, 又夠鐘食奶!

見到呢架托管小朋友中心(要比錢)

但哺乳logo係係呢到, 即管入去問下

佢即刻開間房比我餵奶!

嘩, 果種感動真係唔識講出口

因為香港既哺乳室我真係好難用到!!!

行完返酒店放低d野又出發啦~

我去左西松屋, 掛住買野都無影相添!

買完就去左食拉麵!!!!

芽菜任食~

呢間野好多遊客, 要安排入座

d麵黎到啦~但我覺得一般啦~

唔算太好味!!!

沖繩Day 1

2015年5月24日 星期日

沖繩之旅Day 1

期待左亦擔心左好耐既沖繩終於去完

我要好好咁錄呢個trip, 不過真係影少左好多相!!!

今年我地去7日6夜

好多第一次:

第一次同木子出國, 第一次同老爺奶奶旅行

第一次自駕遊, 真係好多挑戰

當日我地坐下午機, 去到機場唔算好趕

我同老公張機票用亞里通係一年前換返黎

但因為踏住個仲佛誕, 所以cx超貴, 要$5xxx未加稅

所以老爺奶奶佢地坐香港航空, 比我地早半個鐘only

request左坐第一行, set左個藍比木子

但一擺佢落去就喊, 要抱足全程

不過佢都好乖好定!!!!

落左機會合大家就去拎車啦~

老公係今次旅行既司機導遊兼領隊

真係辛苦佢啦!!!

返酒店幫木子沖左涼餵埋奶就出商場行下

我為左爭取時間行街

我地飯都無食~去超巿買外買返酒店食

超抵呀, 咁多壽司都係200yen咋, 抵到爆炸

個士多啤梨大福都好好味呀!!!

我不得不讚日本真係好貼心

邊到都有餵奶室, 仲要好舒服~

我去到邊都可以輕輕鬆鬆咁餵奶~

小插曲:

我一早request左bb床比木子

但因為間房太細加唔到, 咁試下擺佢落大床

一擺落去就喊, 因為大人床太軟

佢完全訓唔慣, 所以我地只好問下有咩方法

最後就upgrade去三人(加6000yen for 2 nights)

一訓上去, 木子好興奮, 因為佢不嬲都係自己訓慣床仔

有人話我瘋狂, 但我就覺得自己小心

我個女好醒訓架~

為左佢夜晚有覺好訓

我帶左佢自己果套床圍同床墊過去

等佢有返全安感可以入睡, 

第一晚好安全渡過~完全好寧靜咁入睡!

如果佢訓唔到即係玩我地大人, 我地大人無覺好訓

朝早既行程有延誤就唔係咁好啦~

我的第一個母親節

2015年5月月10 星期日

今年係我第一年以母親身份過既母親節

但因為我個囡仲細, 無咩表示所以都唔覺有咩特別!

老公整左張咁既相比我!!

正日當日, 著靚靚

同嫲嫲去食慶祝

食返個母親節Lunch~

呢條彩色裙靚到好醍目

小朋友著五顏六色既野真係好好睇

梗係唔少得合照啦!

但唔知點解木子好唔鐘意果到既環境

係咁喊喊喊, 但走出去行下又無野喎!

所以成日要走出去, 驚嘈到人呀~

夜晚無出去食

老公整左餐飯我食~

焗豬手同白汁蘆荀蝦意粉

2樣都好好味, 食到我好滿足!!

比木子坐起身望住我地食

哇哈哈, 好可憐咁呀, 有得睇無得食!

佢一路望住我地食一路勁不屑

個咀又係到係咁郁, 我知佢ready食固體

等我半個月啦~我就會準備比你架啦~

老公為左我開心, 仲買左個椰青比我

好味道~多謝老公

朋友聚會

2015年5月3日 星期日

5月1日勞動節

我地相約左幾個中學同學去玩下~

其實主要係見下大家既bb~

由中學開始認識! 唔算話好frd

但大家既bb將我地拉近左, 好奇妙

妙就妙左有3個bb都係12月

左手面既羅白糕最細, 3月出世的~

左一嘻仔大木子3日

右二木子小朋友

右一Jaina細木子5日

望住佢真係係覺得好搞笑~

依家大家都仲呆下呆下

我相信好快, 真係好快就可以大家手拉住手咁一齊玩

到時一定嘈到爆炸

呢日就由阿媽幫佢地嘈住先啦, 哈哈

3號又去探下朋友先

朋友未見過木子, 所以帶佢入去玩下先!

V哥哥整整大木子一年

所以木子著d衫仔都有d係哥哥著完架~

Baby V好搞笑, 見到木子訓係到

佢又跟住訓低~

望到呢張相超爆笑

baby v好想同木子玩

但佢又未識講野~

跟住佢推木子

目的係想叫佢落地玩, 超可愛

但奈何木子仲係一舊飯啦~

v哥哥呀, 等出年, 我地過黎台灣探你就可以同你玩架啦!

Baby v真係好鐘意bb架~

噢~我個囡既初吻呀!!!!

超鐘意呢張相呀!

張櫈好靚

木子又坐得好定~

又夠陽光, 影得好靚呀!!

呢架大車

其實係滿足父母玩搖控車既心願, 哈哈

因為2個小朋友都唔識郁架車~

要向前移動就要靠搖控制!

不過木子坐左落去又幾有霸氣架喎, 哈哈!