平安夜, 食左餐

2008年12月24日 星期三

今日平安夜啦~本身公司有個大食會
根住有d 事取消了~去吃了一頓好好吃的lunch~
1點鐘出發去食lunch~吃了2個小時!!!跟住放工

今日老闆同我地去食鐵板燒~好好味呀!!!!
叫左一個2人餐同同事share食, 個三文魚好新鮮架~好好味!
個蒜蓉牛扒好淋, 個廚師仲係到玩火, 勁利害

一見到隻蝦真係嚇一跳, 大過隻手掌呀!!超級大隻, 未見過
仲以為好鞋口, 點知食落口係勁彈牙架~嘩, 好味道呀!!!

連個蝦頭都好多肉食, d膏仲好好味tim呀~個龍利柳真好滑好味道~

仲有一個炒飯, 最後黎個綠茶芝麻味雪糕, 好滑好creamy架!!!

夜晚諗住整銅鑼燒, 點知失敗了......

屋企打邊爐

2008年12月22日 星期一

今日好難得同屋企人出街打邊爐
好開心的一頓好開心~因為麗表姊同表弟表妹舅母都黎左一齊打
開心的一餐晚飯, 因為可以一家人嘻嘻哈哈!

廣成冰室

2008年12月21日 星期日

起身整左個蕎麵黎食, 唔!!又平又好味good呀~
至緊要覺得佢好健康唔肥呀~

男朋友婆婆屋企做節, 又要去食飯又係邊到都去唔到
咁去上水行下街, 睇下野啦!!!!
特然叮一聲, 係wor~要試下間叫<廣成冰室>既野
行過去, 都要等位, 間野超爆人, 等左3個字位

叫左個個人必叫既菠蘿油同埋刨冰紅豆冰~
我唔鐘意食牛油, 但呢個真係好味~唔敢食咁多, 留返比男朋友算啦!
個刨冰紅豆冰好好飲wor~ 好多紅豆粒粒都好大粒架!!!

仲要左個牛肉通粉同埋蛋治!!! d牛肉超級超級好味呀!!!正~ 但d蛋治都好普通姐!

再行一陣就出發去大埔啦!!!!今日又見到心柔啦!!超級超級可愛呀!!!
都話佢成日望住鏡頭笑架啦!!!你話佢幾上鏡呀~可愛到不得之了!!

走果陣敬謙不停玩, 笑到傻啦~勁可愛!!不停咁手舞足動喪笑~ 見到佢笑都想笑呀!
細佬到最後一刻終於都訓醒, 只係影左一張好矇既相!!!

德發牛丸好味道!!

2008年12月20日 星期六

因為男朋友今天去屋企做節! 無邊到可以去!!!
咁今日又要去book 酒店...yeah!!!26號confirmed啦~

經過海港城, 記得有人話過入面德發既牛丸同多士好味!!!
咁就走左入食!!!叫左一碗牛丸河同一個咖央多士
佢d牛丸好彈牙呀!!好味道~仲有d多士, 外脆內軟好味道~

girls hotpot meeting

2008年12月19日 星期五

返埋今日學就放2個星期假, 太開心了

bart比左2包朱古力同幾張coupon我, 太開心啦!!勁開心呀~
放學走去joined kaming, look云同綺fa去打邊爐
好味道! 又幾好feel, ema後黎!!!!!5個女仔食左好多野呀!

賓治特登出黎比錢我, 因為26號之旅即將開始, 我地又緊張又期待

不停的自拍自拍, 拍左好多相張, 真係笑鬼死!!!又不停咁傾計, 把口好似無停過咁!

5個人可以整到粒好靚既星星呀~我好鐘意呀!!!

這2張相我好喜歡, 我愛

吃東西!

2008年12月13日 星期六

自己去行街等男朋友放工, 咁樣一行又用左幾百蚊
真係無事出街等破財呀
男朋友黎到, 我又未食野, 終於去左義順食燉奶同通粉!!!
好味道~下次食下朱古力味先得!!!!

再行左一陣過左紅磡, 果到有古露美!!!!梗係影下相先啦!!!

再行多一陣就出發去揾野食啦!!!!呢間野好勁
未開門已經有人排隊!!!!我地叫左一個鼓油拉麵同埋鰻魚飯
再加個關東煮同一隻蠔!!!

個鼓油拉麵勁好味呀~d 料又足wor~真係好想再食呀!!!

個鰻魚飯抵到不得了!!!$48一碗, 都幾大碗!!!
d鰻魚仲要唔hea, 好大件, 真係抵食夾大件呀!!!

食完坐返車去旺角, 目的都係為左買棷汁大王
呢間野飲過一次之後就愛上左, 真係超級足料超級好飲~good!!