趕工趕工!!!!

2009年4月10日 星期五 零晨

今日放學有人陪食糖水, 本身諗住係河畔食
點知突然入左大埔, 都ok~未試過咁夜仲係大埔食野~
叫左芒果雪糕豆腐花, 雪糕好味, 豆腐花唔好味!!!
食完就返屋企!!!!!
返到屋企即刻趕工整鬆餅比look云做生日禮物
唔知今次整成點, 仲焗整, 期待ing
好緊張個制成品~

希望有4日開心既假期啦

大棠荔枝園

2009年4月5日 星期日

晨咁早起身參加了一個十人的旅行團!!!!都幾準時出發~
幾經辛苦終於黎到大棠荔枝園啦~入去園入面參觀下先~

呢個繩網好好玩~爬高爬低都唔錯, 成班勁興奮咁走上走落~

又見到小動物, 山羊同大細牛, 仲見到一個識講野既了哥好神奇呀!!!!
又見到鱘龍~勁大條呀~同埋佢地養左勁多魚同龜!!!!

咪睇呢張合照好似好正常咁, 一轉個頭我地成班係條橋上面係咁跳跳跳
完全唔識死, 唔驚條橋會斷咁!!!勁顛~

呢隻咁咁細既木馬都容納到我地五個女仔真係勁!!!!
仲見到一隻變色中既變色龍, 真係第一次見, 佢由綠色變緊做石頭色, 但勁慢呀~

買左樽有機菊花茶飲, 又凍又解渴, 仲唔太甜tim真係唔錯呀!!!!水$10樽, 佢都係$12樽

仲第一次騎馬tim呀~其實都幾驚, 但睇返相我真係高得滯, 搞到騎左上去好似好奇怪咁! 

仲體驗到喂馬, 其實放紅蘿白係手到比隻馬食都幾驚架!!!!
我企埋去影相都好驚呀!!!因為唔知佢下一步做d咩~

最後一站li~又係第一次摘士多啤梨~本係我係唔食士多啤梨架~
但係試左一粒真係好甜, 咁就係咁摘係咁摘~摘左好多~好好味呀~
原來咁細粒都咁甜架wor~男朋友成日話我摘d patpat士多啤梨wo~其實不知幾甜呀!!!

出返去元朗去左食壽司, 好味道呀~個帶子大過平時出面食既倍半架~真係好鮮好味~
仲食左長三文魚, 長鰻魚, 長吞拿魚~個個都飽到上心口呀~
本身諗住食埋B仔涼粉架~但太飽食唔落就坐車就lu~

終於申請左張會員咭

2009年4月4日 星期六

尋日食完飯去做左一樣好重要既野, 就係同kaming夾份開左張ruby tusday會員咭
好野好野好野, 終於都開左, 唔洗問人借啦~
kaming, 男朋友我地要將張咭發揚光大呀~
比心機, 我地要張咭零成本之餘仲有賺

所以今日我同男朋友去張光先~
去左平平地咁食, 一個burger同一個沙律~good呀~埋單都係$104, 勁抵

生日快樂

2009年4月3日 星期五

替吹雪做生日, pre birthday party~見返好似耐無見既朋友
我跟啟b相識了十年, 跟吹雪相識了9年, 時間真係過得快趣!!!!!!
在等位的時候影了很多相!!!!

去了吃spaghetti 360, 睇食評都ok去試下, 但係超級唔掂呀, 唔掂呀!!!!
7個人請左一個食左百零蚊係完全唔飽架!!!!永遠都無下次
但好彩我地係意在傾下計姐!!!

到左今日既頭戲, 就係生日主角切蛋糕啦!!!!生日快樂!!!!

又係例牌每人都要同主角影張相, 但係啓b爭個蛋糕扮生日~

九龍公園

2009年3月24日 星期二

今日出去尖沙咀market visit, 又有男朋友陪, 感覺又好似放左半日假
做完正經等媽咪出黎食一蚊雞!!!
去左九龍公園hea下, 原來九龍公園都幾多野行架wor~
揾日要去行下先得!!!!見到好多花, 好靚呀!
忍唔住要影返d花先得~又有玫瑰花~good

今日又叫左一蚊雞又叫左3碗飯再叫左個一個炒瓜同埋一個豬軟骨
最後埋單都係$155到jar~

一蚊雞

2009年3月22日 星期日

尋晚成4點幾先訓, 今朝又要一早起身去拜山, 入到屯門好遠呀!!!
拜完就joined返男朋友, 周圍行下, 亂打亂撞之下又比我地發現一蚊雞!!!
2個人叫左一蚊雞, 一碗飯, 一碟什菇菜一個特價翅, 食到好飽呀!!!
最後埋單都只不過係$109, 平平平平平平呀!!!!

我地今次坐露天, 因為都好早下就食, 由天光食到天黑呀!
食完7點到, 出到去已經爆晒啦~我地見到有人淨係食一碟雞一碗飯埋單~
$11就走得?嘩, 仲可以係邊到揾呀平到咁!!!!!