因為我唔鐘意用簽名布
有個blog友係舊年成立左個wedding tree
我諗左陣, 覺得好有興趣, join左~
估唔到咁快又要著手搞啦~
比左基本資料, 佢就會草擬一個版本比我睇~
因為我theme color應該係Tiffany blue
同埋我本身好鐘意Donald Duck
比左資料佢, 就出左呢個版本
一睇已經好鐘意~
但男友話想成塊都係Tiffany blue
佢地真係好好人, 比好多意見我
最後改左一次, 決定左用漸變既Tiffany blue
一睇呢個版本, 我同男友都勁鐘意
期待製成品既出現呀!
我仲揀左綠葉
有興趣可以到以下網址睇睇︰http://blog.yahoo.com/WW-JD/articles/page/1
最後一日啦~呢個trip真係超relax
超滿足, 身心都放鬆晒~
一早起身見到落雨, 噢....無得游水啦!!
落去跑下步先~跑左差不多一個鐘
見到有人游水喎, 即刻上房梳洗下就去游水啦~
好爽呀~呢幾日係咁食食食
做返一朝既運動感覺真良好~
游完水即刻出去行街
估唔到都有2件衫, 一個袋既收獲, 真不錯
快行完去返酒店拎行李~
本身, 我都預左好多時間
本身我地可以慢慢hea~
點知, 男友話要試Dairy Queen既雪糕
點知個職員唔知去左邊
等左勁耐先出現, 買完
望一望個錶, 嘩~好趕呀!!!!
係咁跑係咁跑, 跑到氣咳
一頭一尾, 真係想死呀~
好彩都趕到上飛機, 中間仲遇到氣流
我真係好驚, 好驚~
我下次都係唔塔泰國東方航空啦, 雖然唔關佢事, haha
落機, 去出境既侯機室食埋個dinner先坐車走人
個dinner超吸引, 個味道都算唔錯~
滿足走人啦~
今日book左做spa
未夠鐘去下行T21先~
好多影相位, 行都幾好行, 唔錯的~
食完就去做spa啦~超舒服
做左2個幾鐘, 唔覺唔覺又咁快完左啦?
真係唔捨得呀~下次黎要做2次先夠~
做完去左T21個food court 食野
想揾返街邊檔既湯麵既味道, 但實屬一般
男友又食雞飯, 我諗佢真係好鐘意食
再黎芒果糯米飯~
食完去左游水, 游完沖埋涼又出動揾野食啦~
買左椰子汁同香矛茶黎飲, 好味道!!!!!!
行到去Central Word出面見到好多大排檔似的食檔
見到超吸引, 忍唔住坐低食餐飯啦~
叫左條燒魚, 炒菜, 炒蜆, 一碟炒粉
真係又平又好味咁埋單啦~
大滿足呀!!
最後又買左芒果糯米飯返酒店食~
臨返酒店時見到有檔麵
拿拿聲走去食, 真係好好味呀!!!!
真係超開心呀~
一早起身就係酒店到食個靚早餐~
就出發去central word
首先去揾返上次食唔到既水門雞飯
但點知上網話好味果間2點零close左~
咁求其揾住間食住先啦
其實我地係到諗諗, 係咪真係分得出好味架?
覺得呢間其實都唔錯呀~
去到泰國例必必必食Auntie Anne's
真係超級平同埋真係幾好味~
呢次trip我食左2次呀!!!滿足
食完就出發去新夜巿
我對佢好期望架, 諗住大出血
出血前梗係揾野食啦~
但間野真係一般般, 加上扁桃腺仲痛緊, 真係無mood食
點知, 真係大失所望呀~都無咩野行既!
行到好攰, 咁唯有去雪糕店坐下食下雪糕
右手邊果杯係吹波膠味, 下次唔會再食架啦~
最大收獲係買到t-shirt
我個人其實已經好無電啦~help
男友堅決影埋d夜景先走人
我真係好辛苦好攰好想快d返酒店訓覺~
但藥力到, 又無晒事!
呢次真係好濕滯~
藥力過左, 個人好攰, 食咩都痛
但藥力到, 就好似無事咁
只係食野有少少痛, 但為免掃興, 我好多時都死忍
去返水門街食人地話好好味既水門雞飯
原來
原來
真係好味好多架~仲買埋芒糯米飯返酒店食
