結婚3個月
時間真係話咁快, 咁快又3個月啦~
今晚自己煮下飯先!
用Oisix訂返黎既材料+西班牙黑毛豬做個沙律
用肥媽教既方法整個
白汁蘆筍意粉
仲有老公超拿手既香草嘉美雞
好好味~
超滿足的一餐呀!
2013年6月18日 星期二
2013年6月15日 星期六
2013年6月10日 星期一
拍拖9年
2013年5月30日 星期四
今日係我地拍拖9週年
我地不嬲都好有共識,
拍拖同結婚週年都要好好食返餐!
其他情人節, 聖誕節etc....
有野想食咪有個籍口去食~唔需要特別去諗
自人大了就唔太好buffet
因為貴(真係貴到離晒譜), 又唔係樣樣岩食
仲要我食得唔多!
但太耐無食, buffet癮起~
揀左Hotel Icon入面既The Market
早個幾星期book位, 話要waiting list 第5個
心諗"閒日咋喎, 係咪咁多人呀?"
到當日打黎話有位
去到仲要幾多吉位, 這可以令我諗多左!
不過佢果到又真係幾多野食
同埋又真係幾好味~
下圖個雞蛋形係雲尼拿唔知乜乜
好好味, 好香雲尼拿味
仲要好滑! 其他甜品就無咩特別~
佢無生蠔, 但就有即開鮮帶子
仲要配埋個辣辣地既泰式汁
好好味, 不停咁食左幾轉, 因為我超鐘意呀!
反而佢d長腳蟹一般, 食左幾條已經唔想食~
鵝肝, 老公好欣賞~話好肥美喎!
我超鐘意飲湯, 個水鴨燉蟲草花我飲左3盅
超好飲呀~
其實真係唔係食左好多
但已經好滿足, 因為都岩我食呀~
希望我地黎緊有更多既週年紀念日啦!
2013年6月5日 星期三
玫瑰花
2013年6月5日 星期三
終於都打晒成個婚禮
一段美好的回憶~
其實係婚禮入面
老公送比我呢紮花真係好特別
我...並唔係一個恨收花既女仔
但我鐘意花, 覺得花好靚~
我, 淨係想試下收一紮花
那怕幾朵玫瑰包得靚靚地都滿足架啦!
但同老公拍拖拍左差不多9年
從來都無收過
明示暗示都出晒~
得到既回應係
"我係唔會送花喎~"
聽到都幾失落架, 不過都覺得ok
因為又唔係一定要有既
哈哈, 好低能地以為求婚實有花收啦掛~
又真係估佢唔到, 佢竟然送左一紮銀紙玫瑰
收到果下有點點失落
雖然人人話收銀紙仲好啦~
銀紙花仲貴啦~仲實際啦!
但其實, 我並唔在意平與貴, 只係想收一次鮮花姐!
銀紙花都唔實際得去邊架, 其實邊捨得拆左佢呀~
但係好開心, 婚禮上終於都收到第一紮花!
佢解釋, 佢要求花店用2隻色玫瑰
因為配合返紮銀紙玫瑰, 真有心思
所以我見到+收到呢紮花
真係思想混亂
雖然呢紮花已經謝晒~
但佢已成為我一個美好既回憶
2013年5月31日 星期五
結婚當天 - 驚喜+敬酒+玩遊戲+送客
2013年3月9日 星期六
結婚當天 - 驚喜+敬酒+玩遊戲+送客
食左幾舊乳豬又要換衫啦~
快手真係好, 當日晚宴其實我都密密食架!
食都好多樣, 魚呀, 菜呀,.....
比攝影師影到我個食相就知我幾enjoy, haha~
食完開始準備敬酒啦~
各位準備飲杯啦!
逐枱敬, 其實帶住敬酒個職員唔係咁好
太快啦~搞到我地有少少唔知點咁~
又要跟住做, 但奶奶果d又跟唔上
當奶奶跟上, 老公又唔知去左邊~太亂啦!!!
各位真係要飲多杯啦~
哈哈, 我好鐘意呢張相, 個個真情流露咁
其實我都估到有點點古怪野架啦~
原來老公準備左紮花比我
佢行出黎既時候播住張學友首歌
我幾驚幾驚佢會唱歌呀!
我個人好唔鐘意呢樣野架~
好彩, 佢一路都無唱
上到台, 佢話:
"我知, 我唱歌唔好聽, 但你放心,
張學友唱晒我心聲出黎架啦~"
之後讀左d歌詞出黎
Tony話"新朗好好, 朗誦左首歌送比新娘子"
又引來一場哄動啦~哈哈!
我地搵得Tony, 梗係要玩下game啦~
我地揀左bingo!!!
但中左既話要大叫"百年好合, 永結同心"
一路玩, 大家都好雀躍
點知, 原來全部人一齊中晒~
當要全場一齊叫"百年好合, 永結同心"既時候
果下真係幾震撼, 估唔到長輩台都幾踴躍
跟手, 再估唔到拎左個分貝機出黎
全世界勁興奮
要成為全枱最大聲果枱
最後由老公既同事拎到利是~
一百三十幾分貝呀!超勁!!!!
我超開心見到個婚禮個個都勁開心~
我送客無換衫, 因為我想同多D朋友影相~
果然, 我既決定係岩架!
我可以有多d時間影~
真係話咁快就完左個我婚禮!
真係多謝各位比面出席~
我從此開始我人生新既一頁
結婚當天 - 進場及Who's next?
2013年3月9日 星期六
結婚當天 - 進場及Who's the next?
好啦~話咁快又換完衫啦~
有d緊張, 因為真係全場人望住自己入黎呀~
呢件婚紗係老公既至愛
佢咁愛, 我唯有揀返件滿足下佢!
佢事後不停讚自己既taste~
呢件婚紗亦係hold左年幾無轉過款!
其實我呢個一般, 真係諗唔到咩頭啦~
我豬左, 應該交比化妝師諗~
一時醒唔起!!
不過我勁厚頭, set呢個頭完全岩我
淨係髮尾用少少假髮~
買左幾枝泡泡槍, 進場時被泡泡包圍
好靚呀, 真係無揀錯呀~
四周都係泡泡, 感覺好靚~
d泡泡槍大受好評
有將會結婚既朋友話d泡泡好靚
佢地都相買泡泡槍~
而d槍以光速咁唔見左, 人人都問我d槍仲有無剩
而事實, 我都唔知邊個拎走晒lu~
香檳自備左藍色香檳
人地唔覺, 但影相出黎效果好靚~
加埋d泡泡效果, 真係大愛!
致詞, 我都係講d好普通既野
因為我驚大家好肚餓, 拿拿聲講完開席
而老公, 不嬲都唔鐘意呢味野
佢重覆左4次講同一句野, 令全場爆笑
"我今日真係好開心, 我娶到個好老婆"x4
Tony都幫佢兜
"我地知架, 我地知你娶到個好老婆好開心"
真係笑爆全場~
食左乳豬
call齊人出黎, 接花球
姊妹基本上一定要出
不過我d姊妹個個都好恨搶到個花球
估唔到, 我d朋友都好雀躍咁出黎搶花球~
但可惜樓底矮~好易接天花!
唔敢太大力~恭喜winnie!
我都好想快d收到你既炸彈呀~
2013年5月29日 星期三
結婚當天 - 迎賓
2013年3月9日 星期六
結婚當天 - 迎賓
我影左幾張合照拿拿聲走入去換衫換妝
睇返相, 先知老公同班姊妹影左好多合照!!
點解? 點解我無同兄弟影架~
好快手, 件衫後面係繩~換衫+換頭都超快!
基本上Fiona真係快手都無人有
我換完衫, 永遠D人第一句都係問我
"知唔知新朗哥去左邊?""新朗呢?"
哈哈, 我基本上留係新娘房既時間真係好短
2個人幫我著衫set頭
但新朗淨係得自己一個換衫+換鞋
所以我快過佢咁多囉! 好慘呀佢~
呢件衫係我入到間租衫店一見鐘情而join的
橙色夠sharp, 胸口係羽毛, 腰位有閃石
裙尾夠特別, hold左年幾都無轉過款~
中間不停地敬茶敬茶, 敬左超多人
我開始好心急~因為加左即日派相
勁心急想同d朋友影相, 因為基本上一張都未影過~
敬完茶, 要影家庭合照
你知啦~一班人就開始亂, 開始麻煩
一班人企好晒位, A突然話未齊人, 仲諗住係台到等埋b出現先影
講真, 我真係嬲嬲地呀, 我feel到自己黑黑地面架!
我。想。同。朋。友。影。相。呀!
好彩, 真心地覺得慶幸請左Tony, 佢完全控制得好好
佢應該feel到我黑面
當有親朋戚友話未齊人又呢樣又果樣果陣
Tony會話"不如影左先, 齊人先再上台再影多張好無?"
一影完, 佢會叫職員拎晒d椅落台, 有少少趕佢地落台feel
做得真係好好, 親友們無hard feeling之餘我又開心~
令呢個婚禮更流暢!!
老公班朋友, 唔知點解好鐘意拋佢
第一次見, 嚇死我! 成班人起哄之後拋高佢!
仲要個樓底唔高喎~真係幾得人驚架~
又要換衫準備進場啦! 時間過得真係好快~
訂閱：
文章 (Atom)