雜記一則

2014年6月20日 星期五

時光飛逝, 2014年咁快又到年中! 

5月30日, 我地拍拖10年既大日子~

因為一齊耐左, 有好多野都好有密契

感激身邊人是你, 我們一同共渡了很多難關

以後將來, 我們有更多事情要一同面對~

因為掛住景逸軒既釀竹笙, 所以......

十周年慶祝活動就係返黎食餐飯!

估唔到, 當日負責我地婚禮既小燕認得我地喎~

真係好有親切感既姐!

很久很久沒有外出~

某日難得有mood, 提得起勁

一於走去長沙灣既牧羊少年食返個brunch先

一見到呢set野, 好感動

雖然係好簡單但因為太耐無出過街咁

所以好簡單既野都令我變得好快樂

同埋佢既烏冬都好好味! 

某日超想飲湯

老公煲左個蕃茄蘿白瘦肉湯配通粉我食

嘩~好味到講唔到野!

因為當一個人恨湯恨到發晒燒既時候

有人煲出一煲靚湯比我飲

果種感覺真係相當滿足

6月8日 星期日提早慶祝父親節

去了鯉魚門食海鮮

我咁大個女, 第一次入黎呢到!

入到黎岩岩好日落

可惜個天色唔靚

我相信如果天氣好既話個咸蛋黃一定好靚既姐!

今次book左南大門

行到最入最入果間

一路行入去沿途都好多海鮮檔係到兜售

同埋食店係到招客

佢呢間無海鮮買

但可以出去揀海鮮返黎比佢加工

其實價錢都幾合理! 唔算太貴

老爺至愛食海鮮, 所以佢食得好開心

叫左象拔耙2食, 刺身同椒鹽

老爺必叫既粉絲蒸扇貝

上湯龍蝦點解咁細隻既~條蒸魚好好味喎~

但講到最最好食既係呢碟椒鹽大瀨尿蝦

我第一次食咁大隻架咋!

好好味, d肉好鮮甜

d椒鹽整得好夠味, 我好欣賞呢碟野!

某天, 全公司出晒trip

得返我地3個, 仲唔作反咩, 哈哈

行遠少少食lunch

原本想食茶木, 但係一出lift見到勁多人嚇親

所以我地轉左去牛角

燒肉配白飯真係好好味呀!

但我叫左個蔥油雞腿拉麵都好好味

Happy Friday

2014年6月6日 星期五

難得星期五唔洗返學, 梗係即刻gogogogo

整返個happy friday啦~

走左去中環食英國菜

jon仔係英國返到黎都陪我地食返英國菜真係唔話得~

呢個set for 2人, 個牛好有牛味

個雞普通, 我超鐘意食d薯仔, 咸咸地幾好味

個餅係似牛角酥, 淋埋燒汁其實都幾好味~

重點, 我想食好耐架啦~

炸魚薯條!!!好期待好期待~~

黎到, 果然係好味, d魚都幾新鮮

jon仔話好食過英國呀!

但係炸魚得2舊, 我地3個人分唔夠喉!

不過佢一set for一個人食, 無預我地share黎食既, 哈哈

好好味好滿足既一餐

但可惜有人無book位

我地無得坐dinner果邊, 要坐bar果邊

成餐飯傾計要大大聲咁講野, 好似拗交咁

真係激死人

難得過到黎中環, 梗係去埋nightmarket啦~

一入到去好靚~好熱鬧, 滿心期待著的!

但由樓上行返落黎

真係無咩岩我睇, 無咩岩我買

我諗行一次真係夠晒啦!

回鄉飲宴。狼狽大雨

2014年5月8日 星期四

表哥結婚, 我地一家返去飲佢果餐~

好熱鬧, 好齊人, 好開心!

我地鄉下結婚興係個廟出面塔個棚就食飯!

其實當日天氣都好唔穩定

出發既時候就落好大雨, 要等細雨D先可以行過去

到彩到目的地都無雨, 一路食都相安無事

係食到尾段有D落雨, 咁岩我坐邊住

有D雨飛入黎要開姐檔檔雨

點知食完晒啦~D人諗住走啦!

嘩, 嘩, 嘩~超級大雨呀, 搞到走唔到

個個都坐係到等!

因為個棚係塔出黎, 隙與隙已經成為左瀑布

而頭頂開始係咁滴水, 地下又開始水浸

我唯有拎住把姐雙腳塔係張櫈到等細雨

真係好狼狽呀!!!!

此時救星到, 舅母拎左大"姐"

同拖鞋比我地3姊弟

行返去舅母屋企只需3分鐘! 但都足以全身濕呀!

表妹依然留守原地, 諗住細雨D走人

但最後佢要除鞋走返舅母屋企

呢張相係佢最後影架, 個地下已經浸到至少腳眼位!

真係超難忘超狼狽既一次飲宴

嘉道理農場

2014年4月12日 星期六

難得好天, 當天要外出走走啦~

當日真係好熱好熱!

我地坐火車去到大埔墟火車站, 再轉64K

有一個站係叫嘉道理農場, 超易搵

一到左買門票入場先!

入到去已經見到好多花~

呢D一條條紅色既好搞笑, 毛毛條咁架

好靚, 見到D花真係心情都好D呀!

完全感覺到春天既來臨呀

同我結伴同行既佢

我地2丁友好少郊遊, 佢係我行街伴侶, 哈哈~

好難得我地咁健康出外走走

農場梗係有動物啦! 隻大肥豬

佢地堅係肥肥白白架!

仲有野豬, 一開始見到個牌寫住有野住

完全見唔到, 再留心咁睇
先見到佢一pat野咁訓左係到!

越行越熱, 完全唔識路咁行

之前又無做咩資料搜集!

只係見到靚就停係到影下相~

佢d路好斜好斜, 我地上到好上好上

環境好空曠, 好舒服!

夜晚入左元朗食飯, 去左食New York Cafe & Bar

呢間野好full,我地無book位但好早去到!

好彩唔洗等!一坐低佢比個小食我地食

個醬好好味呀, 好味到停唔到口架~

叫左個炸雞

我覺得d粉有d厚, 但係d雞都幾多汁

呢個豬肋骨太多肉

我仲以為多骨少肉, 點知係少骨多肉

個味又幾好味架! 但我地食唔晒

要打包一條肉走, 哈哈

大記攦粉

2004年4月11日 星期五

太耐無blog啦~因為近排真係無咩特別野發生

最特別既係我離開學校多年

報返一d課程黎讀~重搶學生既身份~

某日拜完山, 去左食大記攦粉

好好味, 我好鐘意

因為我係童年回憶

細細個返鄉下, 婆婆成日都整比我食架!

呢個豬扒整得好香口, 好好味

雞奕都好好味

但我此終鐘意細個食果款多d

我細個食係薑酒雞湯攦粉(我地叫瀨粉架)

另加左個小食, 炸鯪魚球(唔肯定係咪, 因為太耐之前)

又係好好味, 啖啖肉~

一定要搵日再去食多次至得!

同場加映, 我講左十世, 終於都買左麵包機

亦都用快速mode整左第一機

2個鐘多d就有新鮮麵包食, 熱辣辣好好味

我會好努力咁研究多d唔同款既麵包~

蟹膳

2014年3月23日 星期日

老公生日諗左好耐, 食咩好呢!

去完旅行返黎好想食燒海鮮

上網搵極都唔岩心水!

咁就不如試下蟹膳啦~佢有我地4年前去東京蟹道樂果種感覺~

夜晚我覺得好貴, 咁唯有去食lunch啦!

去到灣行, 好易搵

一入到去就見到有缸池, 池入面有2款蟹

1款係毛蟹另1款係松葉蟹(唔知有無記錯)

book左位, 佢帶我地左兜右兜, 好似行迷宮咁

坐低就睇下食咩好啦~

最後我地都係決定松葉蟹, 多肉d吸引d

因為2個都叫埋叫一個set, 所以食d野係一樣

只係有丁丁咁多唔同!

第一道菜係蟹肉豆腐

我覺得普通, 可能因為2樣野都無咩味

我又唔覺好食得出蟹既鮮味!

第二道係天婦羅~

嘩, 好味呀, 粉漿好薄, 好味

原來最特別係左手邊圓形果粒野

佢原來係蛋黃黎架

一咬即刻爆左d蛋漿出黎, 第一次食, 好特別!

天婦羅蟹prefer點返呢個綠茶鹽

好特別, 一點真係好食得出蟹既鮮味

感覺十分良好!

另一set揀左燒蟹腳, 無咩特別

早知揀返天婦羅啦~

呢碟最特別可能係粒蕃茄, 好甜好味!

跟跟住就黎烚下烚下!

都係普通什菜一堆, 亦都無咩特別

蟹餃子, 又係第一次食喎~

又幾好味, 又真係食得出蟹既鮮味!

呢碟超級好味(除左好味好鮮之外, 我真詞窮)

碌3分鐘就食得, 啖啖肉真係超級滿足

一望返張相又想去食過

但食多幾件都好飽

可能係滯都唔定~

碟蟹上面有d蟹羔, 佢話最後會用黎煮粥

所以留到最後先用

其實已經好飽

但望見個粥又覺得好吸引

試下一啖, 好好味呀!

好香蟹羔, 完全不由自主咁食晒成碗~

最後甜品係雪糕一球~

我揀左薑味, 明明佢話係芝麻味但黎左咖啡味

哈哈~

最後, 我祝你生日快樂, 永遠開心

身體健康~

Maldives Day 5

2014年3月9日 星期日

Maldives Day 5

最後一日啦~幾大都起身睇日出至得!

又係超多雲, 以為無野睇~

但係突然, 見到個咸蛋王升左上黎, 超開心

慢慢咁, 由橙色變成金黃色

我真係第一次見呢個畫面

日落就睇得多但日出真係未見過~

跟住成個天就光晒!

我同老公都覺得好震憾, 永遠都唔會唔記得

love this so much~

影完就行去食早餐啦~

好早呀, 成間餐廳得2枱客

好寧靜!今朝我飲木瓜汁

食完又行下先

呢到就係報潛水既地方!

行行下又眼訓lu~快d訓一陣先得!

因為好快又要check out~

訓醒執好行李, 見有時間, 拿拿淋影下相先

我特登曬左張相出黎

今日就揸住張相係咁影啦~

今日天氣幾好喎, 有藍天白雲!

估唔到話咁快又帶左呢隻婚介一年啦~

婚禮事宜彷似昨日發生!

終於都check out左啦~

勁唔舒得, 但因為我地塔9點幾機, 佢地安排左6點船比我地出去

我地12pm-6pm就係島上hea

呢張相勁搞笑, 我地將個腳架擺到老遠

老公較左timer就要跑呀, 跑到佢話好攰, 哈哈

hea完一大輪就去食我地個late lunch~
今日有好味魚柳包同勁多肉丸意粉

好味呀, 完美的完結!!!

食完都係島上面周圍hea下

睇下戲, 影下相, 其實d 時間都過得幾快架~

呢個就係我地黎左幾次游水既地方

環境好靚~

成日都無人好好游架~

果日超大風, 睇下d樹吹得幾勁!

我地決定每年都揸返上年張相黎影

今年揸住上年結婚果張

下年揸返呢張, 唔知可以揸到幾耐

唔知若干年後睇返有咩感受呢~

真係好期待!

臨走, 個天開始黑, 仲有d雨

但好好彩咁比我地見到有彩虹

我好少見到彩虹

所以有得見真係好開心架~~

咁就完結左今次既trip~

一個開心又難忘既旅程

希望可以同你去更多既旅行!