2008年5月5日 星期一
今朝一早起身, 去左m記食左個早餐
今日係星期一好悠閒呀~so free~
交左房就周圍行下~租左架我地諗都無諗過會租既2人單車~
坐係後面欣賞風景都唔錯wor~幾好幾好!!!
我地一心去張保仔洞, 仲以為好簡單
點知行到身水身汗, 我又著裙, 又有袋係身
都係下次準備充足先黎啦~我未入過去架~一定要去下先得!!
-鎖好架車準備去張保仔洞啦!
-環境優美, 好壯觀呀, 好驚嘆!!!!
-入唔到去都同個洞影下相先啦!!!!
-呢個並唔係個洞口, 只係一通路既入口, 但咁細?肥少少都行唔到呀~
-太熱啦, 行到身水身汗去買左個刨冰食, 舒服晒~仲買左個平安包電話繩
今日特登拎左日假, so free
細個去過一次張保仔洞, 爬番上黎好麻煩既, 唔知依家仲洗唔洗禽上禽落呢 ?
回覆刪除[版主回覆05/09/2008 15:36:00]你係咪指入面要禽上禽落好麻煩? 咁會唔會好跣架???咁黑咪好危險囉~
平安飽電話繩好得意呀~
回覆刪除[版主回覆05/09/2008 18:22:00]係呀!!!真係好得意呀~ 仲有平安包nds筆tim呀~但可惜我唔用
我都好耐無去長洲啦！啲景好靚呢！
回覆刪除記得細個時去過張保仔洞，入去時仲要攞住個電洞呢！哈哈…
[版主回覆05/11/2008 11:14:00]依家都要架~佢有個牌寫住要帶電筒架 但我地無先至唔入去jar
長洲???我諗我差唔多廿年未去過啦~
回覆刪除唔得...搵日要捉男友去下先
[版主回覆05/13/2008 13:03:00]快d叫男朋友一齊入去啦~ 係一個relax好地方黎架
相當年我還過得過，依家我都有信心過得過
回覆刪除[版主回覆05/16/2008 10:24:00]大舅父, 我估你一定過到tim呀~ 你既體力一定好過我 因為你成日行山運動, 我機能好差架jar