好難忘既體驗

2008年7月20日 星期日

一早6點半起身, 早上7時14分出門口, 一身拖鞋背心短打究竟做d咩呢?
好緊張呀~又好擔心~因為第一次玩嘛~仲要9am-5pm, 會唔會攰死?

晨咁早入到西貢食左個早餐再坐車入黃石碼頭, 目的只有一個
就係獨木舟啦~第一次玩呢d水上活動, 從來都未試過~

好開心, 第一次玩個個人(連教練都係咁講)話我好有潛質, 第一次玩控制得幾好~
bart仲叫我考一星, m.....等我諗諗啦~果到環境好優美呀!!!親親大自然~

早上我地一人一舟咁划~都幾攰架~唔好講笑!!!!!
但係海到見到一隻水母係到浮下浮下~點知想回程果陣........
見到一隻藍色既水母, 好靚, 佢身上面係藍色底, 白色波點~勁靚~
之後12點上返岸食lunch~今日呢到好多人, 有人係獨木舟有人風帆有人滑浪風帆
到左1點就划2人既獨木舟, 我同教練一架舟, hehe~
我地去左好多地方, 去左睇珊瑚, 佢地話今日d水濁左D~但我都見到
去左執海星, 好得意, 反轉佢地睇住佢地轉返身~有趣有趣~
教練仲教我地游水, 游左一陣就夠鐘划返去中心啦~

最後仲一齊食埋dinner先返屋企, 今日雖然好攰好曬
但真係一個好難忘既回憶, 可惜我部相機唔防水
如果唔係影埋d海洋生物仲好呀!!!!