Thailand Trip Day1 @part 2@2008

2008年11月8日 星期六

Thailand trip Day 1 @ part 2

到左啦~泰國比香港慢一個鐘...我唔較錶, 靠自己減返一個鐘
上到車, 仲係好熱好好天, 點知去去下芭提雅風雲變色, 落起大雨黎
好彩去到大象園無乜雨可以唔洗要傘都得姐!!!!

騎大象啦~騎大象啦!!!我地隻大象行得好快~係咁追住前面果隻
覺得好高好"鄧", 一路有好多好大督既屎tim呀!!!

行一個圈都唔係好耐, 見到隻小象仔係到"r"痕, 好搞野呀!!!!
坐完大象到坐馬車, 呢個無特別唔新奇!!!!

搞完呢輪野就返酒店啦!!!我地住"IBIS Hotel"開左半年到, 好新淨
唔錯, 間房都幾舒服wor~去到酒店6點半集合, 唔放過任何行街既機會
坐車見到Big C唔係好遠, 拿拿淋去啦~
入到個商場"Central Center", 揾Big C, 買野, 咁就買左三百幾港幣啦!!!!

仲去左食香港都有既"Auntie Anne's", 但比香港平好多呀~佢大約港幣$7到
真係日日都食一個先安樂, 唔食唔安樂!!!男朋友好鐘意食架!!

集合左之後食dinner, 一人一個菠蘿炒飯, 其他無影到~
食完之後去左夜巿行下, 入左7-11揾野, 飲左呢罐燕窩, 唔洗$30!!好平

我地兜左好遠好多路, 不停發掘新野黎行~呢個商場好靚呀!!!
仲有噴水池, d 食店勁好feel呀~

去到泰國必影泰國版麥叔叔!!!飲左杯勁足料半個芒果整既芒果砂冰
好好飲, 勁濃芒果味呀!!good~

亦都試左個棷汁芒果糯米飯, 好味呀~d糯米飯好得意!!!
d芒果真係勁甜, 甜到暈呀~好好味!!!!
行完夜巿仲去左導遊介紹海南雞飯, 差唔多港幣10, 抵到暈~~
食完又行左一大輪就決定返酒店大教訓啦!!

To be continue Thailand trip Day 2 @ part 1