2009年5月1日 星期五
星期二請左病假, 訓到病到個人呆呆地, 就襯星期五係5。1黃金週出去行下
我地既目標係好遠既 - 大澳, 晨早入東涌再轉11號巴士
好耐都無坐車入去塘福呀咁既地方, 佢地整左路行得好左舒服左
再無坐過山車既感覺~但原來入大澳好遠架!
入到去好猛大陽, 猛到眼都睜唔開!見到一大片好舒服既景色!!!!
行左去碼頭, 比一個觀光船吸引左, 可以坐船一週睇晒個大澳
男朋友話大澳係香港威尼斯wor~不過真係好有特色, 睇到棚屋
出海睇到百幾年既舊警署, 睇到唔似將軍既將軍石, 出海但睇唔到中華白海豚!
我地好抵呀~轉左2轉~坐完都已經2點幾!!!走左去睇歷史~
睇到以為d人用既野, 睇到佢地結婚點樣著, 睇到佢地點耕田!!!
太肚餓啦!!!買左個古色古香既蘿蔔餅食, 但麻麻地!!!
去左間茶餐廳食~好味道, 份量好大好多!!!食到好飽呀!
再周圍行下, 睇下下面果2張相, 懶有feel咁, 男朋友真夠無聊
不停地影相不停地笑, 男朋友今日講得最多既係"嘩, 個構圖真係好靚!"
又話幅相本身個構圖好靚, 但係多左我!!!!!
去左買燒魷魚同埋賴尿蝦!!!係炭爐燒, 好多人排隊~
皆因個阿伯好有台型, 仲有個selling point
"阿伯燒魷魚, 口講講唔到, 食過知道好!"
但真係幾好味, 連貓咪都食!!
去到海味街見到2條超巨型咸魚~
試了涼茶同埋紫貝天葵, 但係我鼻塞呀!!根本食好多野都唔係好濃味
仲排住隊咁睇埋個日落!!!
返屋企比d 蝦醬蝦糕媽咪又坐車出去旺角食黑夜壽司, 好滿足!!!!
我相信最大既遺憾係食唔到男朋友至想食既和牛burger~
今日真係超勞動既一日呀
沒有留言:
張貼留言