迪士尼生日之旅

2010年9月11日 星期六

為慶祝大肚婆生日
走左入迪士尼住返晚~
好想book迪士尼酒店, 可惜full晒
只好住返好萊塢酒店啦

入到去就換晒去游水, 多左個波玩
好玩好多, 玩夠要拿拿淋返酒店沖涼啦!

沖完涼拿拿淋就落去食buffet啦~
米奇廚師餐廳D野真係幾好味
仲發現真係好多野都係米奇頭, 真係好有心思
最最估唔到連青瓜呀, 火腿都係米奇頭

我本人最最係蟹腳! 超級好味
仲有個意粉其實真係好味, 但可惜自助餐食唔到太多

食完好飽, 就去迪士尼酒店行下
每行一次都覺得果到真係好靚
仲見有人佈置緊婚宴場地
好靚, 令我不停咁嘩出黎, 超級靚
影左一陣相就要扮肚痛走人

因為look云同kaming秘密走左入黎
我地訂左個蛋糕同買左個蛋糕
即刻嘭嘭聲返房搞掂d野先
大春返到房見到d野都好驚訝~
突然look云同kaming係廁所走出黎
佢地係一個大驚喜!!!!!
開左個mini party 吹左陣水, 佢地就走人lu~

估唔到迪士尼個蛋糕又真係幾好味架wor!
仲有連埋生日帽, 生日氣球
都真係唔錯wor!