新開始: 5月 2013

2013年5月31日星期五

結婚當天 - 驚喜+敬酒+玩遊戲+送客

2013年3月9日星期六

結婚當天 - 驚喜+敬酒+玩遊戲+送客

食左幾舊乳豬又要換衫啦~
快手真係好, 當日晚宴其實我都密密食架!
食都好多樣, 魚呀, 菜呀,.....
比攝影師影到我個食相就知我幾enjoy, haha~

食完開始準備敬酒啦~
各位準備飲杯啦!

逐枱敬, 其實帶住敬酒個職員唔係咁好
太快啦~搞到我地有少少唔知點咁~
又要跟住做, 但奶奶果d又跟唔上
當奶奶跟上, 老公又唔知去左邊~太亂啦!!!

各位真係要飲多杯啦~
哈哈, 我好鐘意呢張相, 個個真情流露咁

 其實我都估到有點點古怪野架啦~
原來老公準備左紮花比我
佢行出黎既時候播住張學友首歌
我幾驚幾驚佢會唱歌呀!
我個人好唔鐘意呢樣野架~
好彩, 佢一路都無唱
上到台, 佢話:
"我知, 我唱歌唔好聽, 但你放心,
張學友唱晒我心聲出黎架啦~"
之後讀左d歌詞出黎
Tony話"新朗好好, 朗誦左首歌送比新娘子"
又引來一場哄動啦~哈哈!

我地搵得Tony, 梗係要玩下game啦~
我地揀左bingo!!!
但中左既話要大叫"百年好合, 永結同心"

一路玩, 大家都好雀躍
點知, 原來全部人一齊中晒~
當要全場一齊叫"百年好合, 永結同心"既時候
果下真係幾震撼, 估唔到長輩台都幾踴躍

跟手, 再估唔到拎左個分貝機出黎
全世界勁興奮
要成為全枱最大聲果枱

最後由老公既同事拎到利是~
一百三十幾分貝呀!超勁!!!!
我超開心見到個婚禮個個都勁開心~

我送客無換衫, 因為我想同多D朋友影相~
果然, 我既決定係岩架!
我可以有多d時間影~
真係話咁快就完左個我婚禮!
真係多謝各位比面出席~
我從此開始我人生新既一頁

結婚當天 - 進場及Who's next?

2013年3月9日星期六

結婚當天 - 進場及Who's the next?

好啦~話咁快又換完衫啦~
有d緊張, 因為真係全場人望住自己入黎呀~
呢件婚紗係老公既至愛
佢咁愛, 我唯有揀返件滿足下佢!
佢事後不停讚自己既taste~
呢件婚紗亦係hold左年幾無轉過款!
其實我呢個一般, 真係諗唔到咩頭啦~
我豬左, 應該交比化妝師諗~
一時醒唔起!!
不過我勁厚頭, set呢個頭完全岩我
淨係髮尾用少少假髮~

買左幾枝泡泡槍, 進場時被泡泡包圍
好靚呀, 真係無揀錯呀~

四周都係泡泡, 感覺好靚~
d泡泡槍大受好評
有將會結婚既朋友話d泡泡好靚
佢地都相買泡泡槍~
而d槍以光速咁唔見左, 人人都問我d槍仲有無剩
而事實, 我都唔知邊個拎走晒lu~

香檳自備左藍色香檳
人地唔覺, 但影相出黎效果好靚~
加埋d泡泡效果, 真係大愛!

致詞, 我都係講d好普通既野
因為我驚大家好肚餓, 拿拿聲講完開席
而老公, 不嬲都唔鐘意呢味野
佢重覆左4次講同一句野, 令全場爆笑
"我今日真係好開心, 我娶到個好老婆"x4
Tony都幫佢兜
"我地知架, 我地知你娶到個好老婆好開心"
真係笑爆全場~

食左乳豬
call齊人出黎, 接花球
姊妹基本上一定要出
不過我d姊妹個個都好恨搶到個花球
估唔到, 我d朋友都好雀躍咁出黎搶花球~
但可惜樓底矮~好易接天花!
唔敢太大力~恭喜winnie!
我都好想快d收到你既炸彈呀~

2013年5月29日星期三

結婚當天 - 迎賓

2013年3月9日星期六

結婚當天 - 迎賓

我影左幾張合照拿拿聲走入去換衫換妝
睇返相, 先知老公同班姊妹影左好多合照!!
點解? 點解我無同兄弟影架~

好快手, 件衫後面係繩~換衫+換頭都超快!
基本上Fiona真係快手都無人有
我換完衫, 永遠D人第一句都係問我
"知唔知新朗哥去左邊?""新朗呢?"
哈哈, 我基本上留係新娘房既時間真係好短
2個人幫我著衫set頭
但新朗淨係得自己一個換衫+換鞋
所以我快過佢咁多囉! 好慘呀佢~
呢件衫係我入到間租衫店一見鐘情而join的
橙色夠sharp, 胸口係羽毛, 腰位有閃石
裙尾夠特別, hold左年幾都無轉過款~

中間不停地敬茶敬茶, 敬左超多人
我開始好心急~因為加左即日派相
勁心急想同d朋友影相, 因為基本上一張都未影過~
敬完茶, 要影家庭合照
你知啦~一班人就開始亂, 開始麻煩
一班人企好晒位, A突然話未齊人, 仲諗住係台到等埋b出現先影
講真, 我真係嬲嬲地呀, 我feel到自己黑黑地面架!
我。想。同。朋。友。影。相。呀!
好彩, 真心地覺得慶幸請左Tony, 佢完全控制得好好
佢應該feel到我黑面
當有親朋戚友話未齊人又呢樣又果樣果陣
Tony會話"不如影左先, 齊人先再上台再影多張好無?"
一影完, 佢會叫職員拎晒d椅落台, 有少少趕佢地落台feel
做得真係好好, 親友們無hard feeling之餘我又開心~
令呢個婚禮更流暢!!

老公班朋友, 唔知點解好鐘意拋佢
第一次見, 嚇死我! 成班人起哄之後拋高佢!
仲要個樓底唔高喎~真係幾得人驚架~
又要換衫準備進場啦! 時間過得真係好快~

2013年5月27日星期一

結婚當天 - 註冊

2013年3月9日星期六

結婚當天 - 註冊

6點鐘啦~化妝師為我帶上頭紗
個頭紗有段古, 本身我自己唔care個頭紗
諗住用租婚紗果d~但後期又擔心唔夠白喎~
挑起左條根就好擔心!!即刻淘寶啦!
仲搵左係內地讀書既表妹代收
到結婚果日先見到真身, 真係好擔心架
好彩出黎效果好好~ i like it~

好靚, 個頭紗真係好靚!
3米長, 超鐘意長頭紗呀~
好彩決定買姐~依家仲可以比就黎結婚既朋友用
真係好!

話時話, 條婚紗亦有段古
本身諗住一條婚紗走天涯
但我揀左老公鐘意果條, 又唔係我鐘意果d款
咁到結婚前3日final時決定租多條
但可惜佢果到唔多我鐘意果d款
好彩最後亦叫揀到!!
但又未叫好鐘意囉~都ok啦~

企到上台, 估唔到咁多賓客咁早黎睇我個註冊儀式
望到咁多人, 我地2個都好緊張
不停聽律師指示

我地開始讀誓詞啦~
老公讀無乜野, 但我一路讀
一路眼濕濕, 好激動
d眼淚係眼入面浪下浪下~
讀完, 老公係我身邊講爛gag, 即刻笑返

交換完介子, 我已半正式成為李太啦~
說真的, 那一刻感覺真係百感交雜
不能用三言兩語說出我的心聲

揭開頭紗~
老公超hea, hea到全場係咁笑佢
因為佢無慢慢黎
一野就將個頭dump去後面!

再次多謝出席睇我註冊儀式的親朋好友
這樣完全係我想要的
不必全場人去看我註冊
只要真心出席便可以了~

wo~~~簽名啦!
我。正。式。係。李。太。啦
因為我地拍左好耐拖
感覺已好熟悉, 之前以為一張紙之嘛~
點知, 原來簽名一刻完全唔可以平靜
好興奮架, 哈哈!!!!
超鐘意個髮型, Fiona Fi set得好勁
左&右&後面都有唔同既野睇架!

最後補影幾張相, 拿拿聲去換衫
我要迎賓啦~無時間啦!

2013年5月24日星期五

結婚當天 - 到達紅磡景逸軒

2013年3月9日星期六

結婚當天 - 到達紅磡都會海逸景逸軒

我地食完lunch就出發啦~
到達應該係4點左右!
一入到去已經見到個backdrop整好
超驚喜, 因為明明話4點半先交場架喎
出黎既感覺比我想像中好, 只係隻雀仔有d老翻feel
但我都接受架, 因為真係結婚前一日先confirm好晒d佈置
整左棵樹, 亦準備左簽名布, 但比率係一半半
真可惜, 可能唔應該準備2樣野比人揀!