結婚當天 - 女子組篇

2013年3月9日 星期六

結婚當日- 女子組篇

收左相半個月, 終於都捨得開動打我既婚禮
睇返D相, 覺得仲係無幾耐既事
但估唔到已經結左2個幾月啦~時間真係過得好快

好多人話每個婚禮要有d遺憾先會令人更難忙
我覺得我個婚禮係完美架! 但要數都有5樣::

1) 化妝師太快手, 無影過化妝時的相
2) 進場婚紗無乜正面相, 好彩朋友iphone有
(1-2 points少事黎既姐)

3) 當未揭頭紗時, 唔知點解好自然將支咪擺入頭入面先講野
(影相絕對無問題,但vedio出效果勁騎呢!比朋友笑到面黃,哈~)

4)因為我大笑就好露牙肉, 當日太興奮, 好多張相都露左勁多牙肉
(不嬲都露牙肉, 真情流露姐, 當日over左少少姐, haha)

5) 我唔鐘意咁多人面前致謝詞, 搞到係台到勁緊張, 唔係完全真心暢所欲言
(講真係有少少介意, 不過我知我一切都在心中, 人家會明)

我屋企同男家屋企都無話要擇時晨
所以所有時間都係由我話事, 十分好!
約左姊妹化妝師, Fiona Fi同第一批姊妹7點半到達
攝影師就9點到~估唔到Fiona超快手
8點半-8點9左右就完成晒
攝影師黎到我呢個新娘已經無所事事, 哈哈
而姊妹化妝師有點慢, 同要化9個人
所以搞左勁耐呀~
 

9點鐘攝影師Leo, Frankie同攝錄準時到逹
到係例牌影下snap啦~
我好鐘意褂, 仲要傳統褂
因為實在太靚啦~

又係例牌影下鞋啦~
睇下後面
我係門口浮游緊, 但仲有姊妹化緊妝
哈哈~搞到我好心急囉~

因為我實在太得閒啦~
所以著左褂, 攝影師幫我影左d單人相先!
因為好好陽光~出黎d相都好靚
真係好開心當天天氣咁好!

攝影師話, 唔影我班姊妹住
要後補, 落左去影男仔們
咁我地唯有自己影下相啦~
個心心氣球好靚呀!!!但原來攝影師部相機無呀!

我班姊妹們, 7姊妹+1伴娘+1 helper~
陣容強大呀!!!


  呢張雖然唔齊人, 但我好鐘意呀!
明知係造作, 但都影得好自然呀~
當初買個花球比佢地真係好明智呀!
影相出黎超靚, 超sharp

攝影師終於都上黎影我地啦~
我地有齊人姊妹相! yeah~放馬過黎啦!