又買煲

2013年8月24日 星期六

當有左一個煲, 就覺得爭咁d爭咁d咁~
哈哈, 女人天性係咁架啦!
覺得我個staub 27cm oval係好用
但係好似一斤菜放唔晒~
本身都唔想買架啦!
但係朋友用黎炒菜
都唔知係咪心理作用,
覺得d菜係甜d好味d~
連我老公都覺得喎
所以我老公鼓勵我去買!
即刻上網訂返個先~
其實我想買媽咪鍋
但其實二千幾蚊我未捨得買~
所以買左個30cm buffet, 用黎無水蒸都好方便
想買個colorful d~但呢個做梗減價
加埋運費都係一百二十三歐羅
超抵~所以黑色就黑色啦~
勁快送到過黎喎
星期二晚訂, 星期五晚已經到香港!

同場加映, 我係法國食過一次
覺得超好味, 見到香港都有喎
即刻訂位去試, 呢間野好full, book到9點先有位~
真係法國人開架!
但係, 我試過一次夠啦~都係唔夠法國既好味!

Vendor Review - 姊妹裙 Inezitar Production

2013年8月2日 星期五

Vendor Review - 姊妹裙 Inezitar Production

黎到最後一篇vendor review啦~
其實我成日都覺得婚禮新娘要靚
姊妹都要靚架!
所以姊妹裙揀左隻色~超sharp, 勁鐘意
呢間野好在平同埋任你試
其實原本係第二間落左訂
但果間因租約問題, 比返d訂我
所以先搵左呢間
有d姊妹話呢間野電話好難打得通!
同埋唔好在勁急先比到條裙我地
係婚前一星期前先比到
搞到個個急住去改裙
但終算順利~
質素都唔錯

Vendor Review - 傷青花藝舍

2013年8月2日 星期五

Vendor Review - 傷青花藝舍

我對花球無咩要求~
至緊要我第一眼感覺良好就ok
上網睇得知呢間野係幫傷殘人士
咁有意義, 幾唔就腳都去呀!
揀左呢個花球, 我覺得好fresh, 好靚呀!
佢都好新鮮, keep左成日都ok呀
但可惜夜晚有太多野拎無拎到佢返屋企~
我仲加錢加左左頭花, 但比較小
早知自己出去買好d~
新郎襟花係同款, 而其他親友果d係紅玫瑰
大致都算唔錯
係幫到人又唔太貴情況下, 我覺得超值

Vendor Review - 佈置夢花舍

2013年8月2日 星期五

Vendor Review - 佈置夢花舍

呢間朋友join時諗住2個人一齊join多d野送
所以無做過資料搜集就join左~
朋友9月結婚, 佢都屬於多主意既人
所以一切進展順利~

點知差唔多到我, 估唔到真係大獲啦~
我原來係無咩意見
淨係講出我想既野比佢地聽, 由佢地拍板
佢成日都話過2日比個稿我地睇!
但可惜過2日係永遠都收唔到~
第一次收到真係忍唔住講左句"嘩~乜咁核突既"
再同佢夾講出我意見
催又催過, 都係嘔唔到d設計比我地睇
完全係勁唔鐘意!

無辦法之下, 上網睇下有咩backdrop係靚
copy左比佢, 報左價, 價錢唔算十分貴我都算啦~
因為再交比佢地, 我知永遠都唔合我心水
真係~搞呢個backdrop, 搞到我結婚前一日先搞掂
開頭真係勁擔心囉~
但其實呢個backdrop叫接受, 但唔叫滿意~
佢同原本個版本只有3成似
隻雀仔勁似老翻
(叫佢改唐老鴨, 佢話改唔到, 超失望)
但好彩影相出黎個效果個個都讚!
原本theme color係Tiffany Blue
就咁變左彩色~

包左相薄枱, 接待枱, 證婚枱
我已經無咩要求, 求其得架啦~


加錢整左樓梯~
可惜只係望左佢一眼咁大把!
不過不失啦~
原本諗住加埋錢整拱門, 好彩無加
因為無咩時間可以影到

Vendor Review - 證婚律師黃家興

2013年8月2日 星期五

Vendor Review - 證婚律師黃家興

本身我一心諗住book岑漢和
點知佢覆返我話得返6:00pm
果陣我想8:30pm, 所以無揀到佢
點知自己後來轉左6:00pm真係揼心口啦~

結婚當日先正式接觸黃律師
之前一路都係佢d助手接觸我地
佢d助手跟野跟得好足~
好似當時我book左8:30pm, 話想轉去6:00pm
都勁快覆返我ok~勁好呀!
開會果陣佢助手話當日律師會5:50pm到
但差唔多6點仲未到, 忍唔住叫人吹吹律師~

好彩當時可以準時開始
佢比較多野講~
我覺得我企左係枱好耐咁~
但估唔到事後聽返朋友feedback
話佢都幾搞笑, 覺得唔錯~

Vendor Review - Eternity

2013年8月2日 星期五

Vendor Review - Eternity

本身諗住去婚紗街行下get個feel only
見人地派傳單咪上去睇下囉!
上到去都幾大幾舒服~
就咁display都有2件睇岩左
一件係橙色晚裝, 另一件老公至愛婚紗
果陣傻下傻下無concept~
咪諗住就下佢, 揀件佢鐘意囉~
果時諗, 都有2件鐘意啦! 一定揀到既!
咁就死伙啦

褂, 其實都易揀
因為我要求唔高~
呢件著得好睇就可以拍板啦!


當越睇得多婚紗
影左pre wedding
就知道自己鐘意Aline款~
掙扎左勁耐, 決定係結婚前一星期加錢加多錢!
但好可惜, 佢d款完全唔掂~
但我又真係唔想著落綱款
出去單租一條又貴喎~最後揀左呢條
er~~~no comment


就係呢條橙色~令我一見鐘情
鐘意佢既羽毛, 鐘意佢裙擺夠特別
鐘意顏色夠搶, 鐘意佢夠簡單~
因為太鐘意佢, 所以一定要用黎迎賓
估唔到, 因為顏色搶
所以大合照我無被人掩沒
 

而呢條婚紗就係老公一見鐘情既婚紗
可能男人覺得呢d款先係婚紗啦!


唉~估唔到~揀左2件
本身要揀多2件都咁難
完全揀唔落手!
搞到我唔換送客衫~因為真係完全揀唔到
呢件敬酒都係好格硬咁揀架咋
開頭唔鐘意佢!
真係想出去租過架~
但比朋友睇過, 都幾多人話夠特別
keep住佢唔好轉喎~
咁咪keep住
估唔到, 當晚出到黎
呢件算係最多好評既一件~
個個人話著到我身形好睇
(真係完全估唔到我curry到呢d衫)
好彩, 最後都無揀過第2件姐!


我老公套禮服都係佢果到揀
無咩等別款揀, 都係普通野啦~
仲有仲有~佢d首飾飾物好唔掂, 超娘囉~我完全無用過呀

Vendor Review - Picasso Wedding

2013年8月2日 星期五

Vendor Review - Picasso Wedding

朋友join左呢間, 係咁而上網做左d資料
就走左去book佢做當日攝影
我地加左錢指定要Leo
真係無揀錯~
Leo講野夠搞笑, 哄得大家哈哈大笑
出黎效果我地睇到好滿意!
當然有得太過份啦~
只怪我地太過真情流露啦~haha
至鐘意褂呢part
因為pre wedding無褂著~
依家可以咁影, 我好滿意


影兄弟呢part, 我好鐘意
攝影師影到個個都好型喎~


其實2個攝影交換影
一時呢個影snap, 一時果個影
我覺得d snap都普通野~
不過我都收貨架啦!


而佢地既成長片段同早拍晚播都係普通野~
早拍晚播無咩所謂
成長片段就搵左朋友整!
因為放得太小相啦~
全日, 佢地都跟都好足
一有時間, 就捉我地2個影相
好似多左攝pre wedding咁~haha

Vendor Review - MUA Fiona Fi

2013年8月2日 星期五

Vendor Review - MUA Fiona Fi

化妝對每一個新娘子都好重要~
其實我要既野都係一般人要既
好簡單, 似返我就夠啦!
睇開Fiona 既blog
知道佢可以book2013就即刻試妝
我好記得, 試妝加book佢係我婚禮1年前
佢好full~但真係值得等佢

當日佢準時whatsapp 我話到左樓下
咁我起身梳洗啦~
佢就幫我化妝啦!
超愛個褂頭~個個見到都話好特 別
仲要超快手, 基本上個半鐘已經化完啦~
真係可以用快靚正黎形容
因為我有9個姊妹要化妝(但姊妹化妝唔推介, 唔係用佢地團隊, 另外搵架)
我呢個新娘朝早係超得閒, 班姊妹好趕好趕

到左去場地~
已經見到Fiona到 左啦!
但因為婚紗未到, 佢幫我轉左個妝同個頭先~
唔洗2,3下又搞掂, 搞到我著住便服同朋友吹水haha
呢個頭我指定要架, 好靚~
Fiona仲整到左後右都有唔同既野睇~
後面看似好混亂
但佢解釋比我聽加左頭紗會好 D~
估唔到效果真係ok喎!


註冊完又再去換衫啦~
呢個頭又係好鐘意
因為夠簡單, 好襟睇
我至鐘意呢d啦


原來March In係無乜相正面大頭相
因為大家都好趕, 趕進場
趕食豬, 趕換衫呀!
呢個頭, 我豬左~
其實我無idea, 應該交比Fiona拍板!
不過呢個頭有人讚好靚~


到最後啦~因為我敬酒加送客同一套衫
所以呢個係last一個造型
因為我件衫係旗袍款
諗左好耐要咩頭好, 因為好驚出到黎變左知客~
好彩地發現呢個頭
好古典~好好睇!
個個都大讚呀

個個都讚Fiona Fi化妝好睇, set頭特別
我最buy佢夠快手
轉頭轉妝超快, 基本上我逗留係新娘時間真係好少
有件晚裝係繩既~佢幫我著得勁快手囉~
哈哈, 新娘成日都比人見到
反而我比人問得最多既係新郎去左邊? 等埋新郎開始啦!
haha


同埋, 好彩Fiona都帶左好多首飾黎~
我先至有耳環呀, 頸鏈果d用
如果唔係真係唔知點算啦~

Vendor Review - MC Tony

2013年8月2日 星期五

Vendor Review - MC Tony

婚禮一開始我早早已決定會請MC
因為我覺得MC一定熟晒婚禮流程
識應變, 太多好處~

係無頭緒之下, 睇blog期間知道左Tony
但亦知道佢係part time做同好full
即刻send email問佢有無期
好彩得到回覆係有期!
仲唔收任何訂金, 婚禮當日先full pay~
其實book左佢之後係好好好難先搵到佢!
但早一個月左右, 佢會自動搵你
約你出去傾~佢會好細心咁了解晒你所有人物關係~

到左當日, 佢既表現我比爆爆分, 好到無野講!
影相遇著麻煩長輩handle得超好~
令到成個影相流程勁流暢!

玩遊戲
我玩左2個, 一個係warm up
另一個係戲肉
超超正~
全場氣氛好到爆炸
even d長輩都投入玩~睇返vedio, 真係好感動!
事後超多人激讚Tony既表現呀~
真係覺得真係要book佢
無左佢, 就無左一個咁完美氣份開心既婚禮

Vendor Review - 沙田凱悅及紅磡景逸軒

2013年8月2日 星期五

結左婚都成差不多5個月
本身諗住隔左咁耐唔做Vendor Review
但我其他人身想得到好多資料, 所以我又分享一下
但實屬個人分享!

出門酒店 - 沙田凱悅酒店
呢間酒店近我娘家又近男家
又新喎, 所以係出門首選
呢間真係大熱出門首選
因為我結婚當日都有3pairs人一齊出門
入面間套房好得~
影相位好靚! 唔錯

晚宴地方 - 紅磡都會海逸酒店
揀呢間酒店, 一定係比個樓梯吸引左~
所以幾趕都好, 我堅持要去樓梯影相


book左之後其實佢所有野都跟都好足~
佢打電話比我提我要做乜要做乜
包埋帖同埋回禮既利是封
我可以買少好多利是封, 十分good呀!
個場係窄左少少, 但我覺得算係咁啦~
貼身跟住個姐姐好好
係場外等March In果陣驚我凍又比件披我披
又成日比水我飲~
到最後住同另外一個職員幫我拎野落車到
真係跟足成晚!

野食方面, 有朋友講過細碟同唔夠熱
但因為可能佢擺星期一
d人夜黎夜開始~
但我星期六, 無呢個問題
d朋友仲話幾好味~ok喎!

但唯一美中不足既係
佢可能有2場擺
咁我隔離係學校擺校慶~
但都ok呀, 如果係2場婚禮我會唔開心d!!