Vendor Review - 沙田凱悅及紅磡景逸軒

2013年8月2日 星期五

結左婚都成差不多5個月
本身諗住隔左咁耐唔做Vendor Review
但我其他人身想得到好多資料, 所以我又分享一下
但實屬個人分享!

出門酒店 - 沙田凱悅酒店
呢間酒店近我娘家又近男家
又新喎, 所以係出門首選
呢間真係大熱出門首選
因為我結婚當日都有3pairs人一齊出門
入面間套房好得~
影相位好靚! 唔錯

晚宴地方 - 紅磡都會海逸酒店
揀呢間酒店, 一定係比個樓梯吸引左~
所以幾趕都好, 我堅持要去樓梯影相


book左之後其實佢所有野都跟都好足~
佢打電話比我提我要做乜要做乜
包埋帖同埋回禮既利是封
我可以買少好多利是封, 十分good呀!
個場係窄左少少, 但我覺得算係咁啦~
貼身跟住個姐姐好好
係場外等March In果陣驚我凍又比件披我披
又成日比水我飲~
到最後住同另外一個職員幫我拎野落車到
真係跟足成晚!

野食方面, 有朋友講過細碟同唔夠熱
但因為可能佢擺星期一
d人夜黎夜開始~
但我星期六, 無呢個問題
d朋友仲話幾好味~ok喎!

但唯一美中不足既係
佢可能有2場擺
咁我隔離係學校擺校慶~
但都ok呀, 如果係2場婚禮我會唔開心d!!