之前一路懶懶閒
覺得仲有時間, 唔急呀~
但見12月媽媽group陸陸續續都有bb出世啦!
咁我都的起心肝, 執下我個走路袋
免得早左出世就拿手唔成世啦!!!
見今日得閒, 就入定d炒米茶
到時入院都有得焗水飲
早2日, 老爺炒左d米比我~
咁我就可以入袋啦~
上網睇資料, 原來有唔同材料, 咁我就照執啦!
以下係for順產用:
Day1: 炒米+果皮
(ps: 用耐d果皮好d, 因為太新既果皮要刮囊
要泡水後才能刮, 濕左既果皮唔擺得)
要泡水後才能刮, 濕左既果皮唔擺得)
Day 2: 炒米+果皮+桂圓
Day 3: 炒米+果皮+桂圓+杞子
順產應該住3日2夜就走得掛~
仲有我都唔知要準備幾多包先夠飲
我自己就諗住準備每日3個茶包啦!
諗住唔夠飲就翻用翻用又翻用
至多無味既姐~哈哈!!!!!
我係醫院時一日用兩包~
回覆刪除唔該晒呀!!!咁即係我一定夠啦~咁都放心D!!!
刪除好緊張...Sylvia, 小高真係開始替你你緊張啦！好快可以見到木子BB啦 ~
回覆刪除係呀係呀!!!時間一日一日咁逼近, 真係開始緊張又期待呀!
刪除Sylvia:
回覆刪除~你老爺炒米比你, 他對你and 粒孫唔錯!! 其實, 我唔知生完要飲炒米茶. 因為見阿媽都好似無飲!! 哈哈~~
~我依邊順產, 生完無咩事幹, 住一晚就出得院!! 因為加拿大全政府醫院嘅國家. 無私人醫院選擇. 所以, 加拿大生小朋友, 費用全免. 所以, 生完, 多數可以走得!!
我老爺真係算唔話得! 每星期都煲腐竹蛋糖水比我清胎毒~
刪除其實炒米茶呀, 坐月呀, 果D野真係信則有不信則無!!!睇下你buy唔buy姐~
嘩~好好呀, 順產一日就走得, 我都想呀!!!我相信係醫院我都唔係幾訓到! 贊成無事無幹早d出院仲好!
Sylvia:
刪除~因為加拿大只有政府醫院, 住醫院一日, 政府開支會好大. 所以,我識有啲人生完, 無事幹, 醫院實即刻叫人走, 因為政府資源有限.
如果即刻走又好似太快~快得太緊要啦喎!
刪除咁又係, 入一次院政府要補貼太多, 所以速走速為妙~
Sylvia:
回覆刪除~我覺香港生B, 好似穩陣啲, check 好多方面先比媽咪and BB走!!
~你老爺so nice. 好少男人會識依啲坐月野!! Anyway, 我都緊張一份, 木子就出黎見面啦!!
係囉~其實我老爺奶奶果邊, 自細乜都係老爺做晒~奶奶咩都唔洗做! 老爺真係好鍚佢!!!哈哈~
刪除我都開始緊張啦~希望生完有時間上黎update個blog報下喜啦~
嘩，快啦快啦，加油呀 ^^
回覆刪除你邊間生呀 ? ^^
我係法國醫院生呀~~~我揀順產, 唔知邊日開彩, 好緊張!!!
刪除已經幾乎預備好哂, 厲害~~ 希望繼續事事順利~~~
回覆刪除其實仲有好多野未準備好架!!!!
刪除佢D衫仔未洗晒~床仔下星期先砌~尿片呀, 棉花果d未買齊!
不過我都要加把勁至得!!!!