今日我地拍拖十年半~
其實想出街食!
但我好多野都唔食得, 唯有係屋企自家煮啦!
唔知點解呢排搵左好耐, 都唔見有酥皮
唔見有急凍牛扒, 最後要係又一城間大taste先搵到咋~
買左LC既gill pan梗係要開光啦!
嘩, 老公煎到有格仔紋, 好good呀, 好味道
通粉既白汁自己調制, 真係好味好多喎!!!
而酥皮湯, 因為第一次整, 個酥皮薄得滯, 下次會更好!!!
不得不提個墨西哥芝士片, 好好味, 但係超簡單
只係將一塊塊既芝士片放好, 上面擺滿洋蒽同蕃茄粉
再鋪滿芝士碎擺入焗爐, 等芝士溶晒就搞掂
埋尾, 仲有我至愛既意大利蕃茄既蛋糕
超滿足的10年半!
好幸福的感覺！^^
回覆刪除我個gill pan都買左年半又多...仲未開光呢！:P
但唔知點解呢排唔多鐘意煮西餐......想食的時候又走左出街食！
你煮中餐咁吸引, 比我係屋企都想食多D中餐啦!!
刪除小高, 話時話, 你仲有幾多玩具未開光架? 哈哈, 期待你開光的餸菜!!!!!
heehee 多謝你，始終食來食去都係中餐吸引d，會經常食！:D
刪除哎呀...比你發現左我仲有好多玩具未曾開光添！:P
自家製晚餐慶祝已經好開心又甜蜜~~~
回覆刪除係呀~人越大就越黎越想將D野簡簡單單就夠!!!!!!所以簡單係屋企食餐飯已經好滿足!
回覆刪除10年半，犀利呀，祝你地一直甜蜜恩愛 ^^
回覆刪除多謝你呀Sammi~~~
刪除Sylvia:
回覆刪除~你哋兩個咁後生, 就一齊咗10年半. 祝你哋有更多更多嘅10年!!!
~依餐, 我都鐘意食!!! 份量又多, 比我都大滿足!!
~你有動靜未?? 你好似就到預產期!!
我地中學就開始拍拖, 拖拖下咁就10年, 時間好快呀!!!!
刪除仲未呀~~~仲有2星期先到預產期, 老闆仲未肯放我走人呀!
不過我都唔想咁早放產假, 留返d日子日後照顧bb仲好呀~
Sylvia
刪除~仲有兩星期都未放人?? 但你ok 嗎? 不過, 打後照顧bb, 真係好多時間. 願你一切順利