木子就黎滿月

2015年1月11日 星期日

湊住木子啲時間真係過得好快好快！

未坐月時成日諗成個月無得出街咪好悶囉？成個月都食中餐咪好乏味？

但點知原來湊住佢咩都諗唔到咁多！

我下星期就坐完月～但呢個月真係超乖！淨係去健康院出過去同埋有次陪月放假偷走落樓下m記食左個早餐，其餘時間我真係跟足指示去坐月！

原來湊仔比我想像中困難好多

因為我堅持喂人奶，頭頭果陣佢成日喊，我覺得係唔夠奶！喂到我崩潰～因為一次喂成個鐘！擺落床仔又勁喊！

之後夜晚果餐補奶粉，我訓得好少少先叫好返啲！

到依家，佢開始要適應呢個世界，可以喪喊幾個鐘，要安全感抱住佢！我對住佢真係好無奈！淨係諗已經食飽又換左片點解仲喊架？佢喊得好淒涼大大滴眼淚!搞到我都喊埋一份～

好好彩，我有個好老公，佢請左1個月大假幫我手！夜晚果餐奶同哄佢既功夫根本上佢做晒！所以搞到佢依家日夜顛倒左！我喊佢不停安撫我～如果無佢係身邊我可能已經諗埋一邊啦！

對住隻小魔鬼真係又愛又恨，佢喊扭計時真係想唔理佢！但見到好滿足咁訓食同周圍望時又覺得佢好可愛!不過只要佢健康快樂成長就咩都無所謂啦！