100日人仔

2015年3月26日 星期四

話咁快, 呢個人仔又到一百日啦~

當日滿月淨係老公屋企人食左餐飯

因為當時家姐坐月, 媽咪去左照顧佢!

所以今日木子一百, 2家人齊齊食餐飯先~

買左條裙仔比木子著

算係佢第一條裙, 好隆重其視今日既一百架!

仲order左d cupcake

預左好睇唔好食

收到覺得好靚呀, 因為我至愛既紫色~

可能無期望, 反而覺得又幾好味

上層係甜架啦, 但又唔會甜到入唔到口既!

當日佢心情唔太好

得好少相, 但好彩張全家幅佢都有望鏡頭!

爸爸媽媽祝你身體健康

快樂成長, 做個開心快活人就夠啦~

黎個cupcake closeup先

真係幾靚架!

但佢英文名可能長得滯, 搞到好難睇到

大伯送左件好浮誇既衫仔比佢!

洗左即刻著

件衫仔for 6 months

但佢依家著叫岩岩好

頂帽已經唔係好帶到啦喎~

原來小朋友著咁浮誇既衫仔真係超得意~