歡送Jon仔

2014年9月24日 星期三

Jon仔last day啦~~

老細話要歡送佢, 揀左去銅鑼灣Mr.Steak食lunch buffet

嘩! 超開心呀! 

但同時我亦都sad sad 地, 因為我好多野都食唔到

基本上我介口唔介得清

淨係堅守幾樣野絕對唔食

生野, 沙律, 蟹

其他一律都照食可也!

但望住佢d 三文魚呀, 沙律呀, 真係超想食呀!

咁我唯有攻熟食啦~

但d和牛太生, 我只能叫佢再煮熟d先比我~

但d野食都好好味, 我好快就比質飽左了!

甜品唔介啦~

見到呢個北海道牛奶布丁, 即刻食返個先

超好味呀!!!!!但其他甜品都無意慾去食lu~

Jon仔希望你今年順利畢業~

返黎香港搵份工之後再一齊玩過!

哈~木子bb都受到祝福

多謝你地!!!

個心太軟真係好好味呀!!!

懷孕24week 4days

2014年9月10日 星期三
  
踏入懷孕第6個月!

原本個肚都唔算大, 好多人見到都會話我個肚屬於細

不過我又唔算好擔心, 因為我高(仲要高得黎係腰長, 點解唔係腳長呀!!)

腰長, 木子係入面自然多d位成長! 見醫生, 醫生話一切都正常咁就夠啦~

所以我著d鬆身d既衫都無乜人發現我有左, 只係覺得我多左個肚腩姐!

但呢個星期, 個肚明顯大左好多, 木子都郁得有力左!

返工有吉位, 有人拍我叫我去坐, 放工有讓座比我

第一次, 第一次有人讓座比我, 心情難免有點點激動

人地咁有心, 自然坐茖去, 但有點不知所措咁既feel, 哈哈~

木子今個星期踏入第25週, 希望一切都順利     

		這一周，寶寶重約0.7kg，長度約相等於一個小哈密瓜。 伸手摘星！第25周時，寶寶的手已完全發育好，他甚至可以握拳。 他手部的神經肌肉還會繼續發育。 他用小手探索著周圍的環境。

BB用品

 2014年9月8日 星期一

今日係中秋節

各位中秋節快樂, 人月倆團圓

星期六娘家做節

星期日下午夫家公公婆婆做節

夜晚老爺奶奶做節

喪做節! 食到勁飽~

講返, 原本諗住所有大件產品都等照完結構先買

但我係一個勁心急既人

見到呢個網站減緊價

雖然淨係運送地址只限美國

我搵到個代購網, 計返運費送到香港都抵過香港買!

呢架BB車我地睇中左好耐

我地鐘情大型穩陣既BB車

呢架mothercare有得買要$6800一部

但網站減緊價兌8計既話都係$3500左右

我用船運, 計返運費大約四千幾

咁都已經抵過香港2千! 抵買

另外, 我地要買car seat

無心水買邊隻

group友介紹呢隻

初生bb都用得~

仲可以套落去架bb車到用, 超方便

咁見唔係太貴, 買埋啦!

group友介紹埋呢個high chair

咁我當然一次過買埋啦

但好搞笑, 原本所有野都係揀船運

因為完全唔趕同運費平d

照落order計返船運時期

應該會係10尾左右收貨, 咁樣時間就岩岩好!

點知.......呢架high chair

我用船運既價錢, 比左空運既時間我

落order到送到黎香港只係用左大約2個星期左右

佢已經係我屋企啦!

係阻訂左d, 但係質量都幾好!!!!

望住佢, 真係想12月快d到!!!

畢業10年

2014年8月16日 星期六

2014年我地畢業10年啦~

好開心識到呢班朋友

好開心識到呢個咁好玩既老師

好開心, 個個都仲有聯系

10年並唔係一個短既時間!

2004年, 我地個個岩岩畢業

每個人都行唔同既路

有諗過會散晒, 失去聯絡

當年有暗暗地失落傷心過

但原來希望真係係明天, 哈哈

10年後我地都係嘻嘻哈哈咁出席飯聚

朋友生日, 順便慶祝埋啦~

中間果位就係教我地PHY既老師

咁多年, 佢都無變過樣

佢同我地好close, 好吹得水架!!!!

最緊要係佢好講得少, 點串佢都得, 哈哈~

嘻嘻哈哈咁完成左一個晚上

好開心~我地仲會有14個大人出席!

我相信不久將來, 我地席上只會越黎越多人

我愛你地!

回顧 - 19week BB展

2014年8月1日 星期五

今日請左半日假, 因為想去睇下bb展有咩買

但其實我個心一日未照結構一日都唔想買野住

但我老公好放心好放心

佢好想入手買野~

因為7月份果次產檢, 醫生已經照到木子係bb女

所以老公更加想買野啦, 哈哈!

入到去, 好多人, 我仲係keep住好攰

所以其實都買得唔多野~

主要入手心儀左好耐既摺得既沖涼盤

我地對佢簡直係一見鐘情

勁慳無, 唔阻訂呀!!!

仲買左TT烚奶set

仲有仲有既係買左4件雞仔嘜和尚袍

價錢合理, 質地仲好舒服tim呀!

好快行完, 已經好攰

去左鑽石山搵野食, 見到next

又買左3件衫仔, 真係超得意, 好想買多d

但我地老公agree左

淨係買底衫比bb

因為面衫/出街衫有朋友會比

同埋好快唔岩著

所以我地係諗住買幾件就算

主打買d係屋企著既厚衫同底衫!!!!

所以見到好多好靚好得意既我都忍手忍手又忍手

等佢大個d先買啦, 唔好浪費嘛!

回顧 - 第二次產檢12week 照唐氏

 2014年6月18日 星典三

原本一個月一次既產檢今次醫生可能比錯左日子

搞到等左一個月一星期先返去見醫生

原本應該無咩野, 爭一個星期之嘛!

但係....呢個月我咳到甩肺咁滯

又唔食得藥, 喉嚨又痛

淨係不停飲水同埋飲康鈣c

仲有勁訓, 好彩都算recover到!!

不過咁樣咳法,我真係有d擔心肚入面既木子

唔知會唔會影響到佢, 所以搞到我羅羅攣

張相係week11果陣影, 當然梗係仲未現肚啦~

如果見到肚, 應該淨係肚腩黎架!!!!哈哈!

17號終於可以返去見木子啦~

嘩, 大粒左好多

好清晰見到條脊骨

好搞笑, 佢keep住倒樹蔥

好得意, 見到人仔形啦~

睇佢一日一日咁長大真係好開心架!

醫生幫我約左第二日照唐氏

因為醫院無得照, 佢refer 我出去第二到照

但可惜老公要返工, 我只能夠自己去啦~

準時到左診所

因為我係第一個勁快有得見醫生

真開心, 又可以見到木子啦!

一開波, 木子又倒樹蔥, 醫生係咁搖我個月都無用

咁唯有抽血先啦!

抽完再照佢已經訓底左啦~

見到有鼻骨, 同埋頸皮係正常

咁就放心晒, 等埋報告出就知道風險高唔高啦!

今次我仲聽到木子既心跳聲

好得意, 好似火車聲, 轟轟轟咁!

一見到張超聲波, 見到佢好似笑緊咁, 真可愛

第二日診所就打左比我

話報告出左, 我屬於低風險

唔知幾多萬分之一(數字已經唔緊啦)

木子, 我地又再過多關啦~YEAH!

回顧 - 正式第一次產檢8week

2014年5月20日 星期二

今次終於係正正式式第一次產檢

因為bb係肚入面仲係好細好細

細到根本都無感覺

所以我成日都亂試野, 究竟佢有無健康成長呢?

今日都算重要日子

因為8week既bb可以睇有無心跳啦~

醫生一照, 見到個心係到閃閃下!

真係開心! 叫做過左第一關啦~

bb我地繼續加油!!!!!