2014年8月1日 星期五
今日請左半日假, 因為想去睇下bb展有咩買
但其實我個心一日未照結構一日都唔想買野住
但我老公好放心好放心
佢好想入手買野~
因為7月份果次產檢, 醫生已經照到木子係bb女
所以老公更加想買野啦, 哈哈!
入到去, 好多人, 我仲係keep住好攰
所以其實都買得唔多野~
主要入手心儀左好耐既摺得既沖涼盤
我地對佢簡直係一見鐘情
勁慳無, 唔阻訂呀!!!
仲買左TT烚奶set
仲有仲有既係買左4件雞仔嘜和尚袍
價錢合理, 質地仲好舒服tim呀!
好快行完, 已經好攰
去左鑽石山搵野食, 見到next
又買左3件衫仔, 真係超得意, 好想買多d
但我地老公agree左
淨係買底衫比bb
因為面衫/出街衫有朋友會比
同埋好快唔岩著
所以我地係諗住買幾件就算
主打買d係屋企著既厚衫同底衫!!!!
所以見到好多好靚好得意既我都忍手忍手又忍手
等佢大個d先買啦, 唔好浪費嘛!
知道係bb女, 就可以買定好多bb女用品~~ 第時你可以同佢扮靚靚啦~~
回覆刪除係呀~~~女仔可以有好多選擇, 但我有點點擔心會破產, 哈哈
刪除Sylivia :
回覆刪除~係b 女, 就可以容易着手, 買bb女嘅物品
~香港依家都好主重bb 嘅生意, 會有BB展覽會. 可以一站式, 入貨!!
知道女仔, 買既野好似會多好多選擇咁, 男仔可能2揀1, 但女仔就可以4揀1!!!!
刪除其實一女人錢, 二小朋友錢真係好易賺~ 一站式買野真係方便又唔洗煩!
恭喜呀 ^^
回覆刪除嘻....咁可以有排買了，BB女真係超多野可以買 ^^
多謝你呀~~~女仔真係有排買, 買到失控都似呀!
刪除Sylvia, 好開心呢 ~ 有了三個月可以說恭喜了！恭喜恭喜 ~ 好替你們開心！
回覆刪除生女好，可以同佢扮靚靚，第時又可以陪媽咪行街街！^^
哈哈~~三個月終於放膽出聲話比人知~多謝多謝你!!!
刪除其實我都覺得女仔好呀, 扮靚行街, 真係諗起都開心!!!!!