2014年12月31 星期三
呢篇我一日打定, 每年我都有個習慣, 將過去一年大事作出點點既紀錄
今年, 我應該完成唔到下半part, 因為呢個時間, 我應該湊緊木子
Jan14:
1Jan - 新一年開始, 我地竟然得閒到去排咖啡弄, 真係只此一次
10Jan: 請老爺奶奶入迪士尼食buffet, 估唔到佢地又會咁鐘意喎!
25Jan - 久違的長洲2日1夜之旅, 喪食
26Jan - B&B張床已經唔好訓, 老公食到個肚唔舒服
31Jan - 大年初一, 第一次派利是, 哈哈
Feb14:
1-3Feb - 年初一玩到年初四, 一日走2,3場, 攰到不堪
15Feb - 第一次正式叫老爺奶奶上黎煮餐飯比佢地食, 好彩佢地好滿意
22Feb - 第6年了, 爸, 你還好嗎?
25Feb - 隌媽咪去澳門覆診, 仲同媽咪家姐係喜來登住返晚
Mar14:
1Mar - 特登摷返d結婚相出黎, 要影返差唔多既pose, 哈哈
5Mar - 出發, 慶祝結婚一年之旅, 馬爾代夫, 我夢味以求既地方
6Mar - 睇到日出, 浮潛見到超勁既魚群
7Mar - join左玩肺潛, 人生第一次, 但我唔多enjoy
8Mar - 基本上每日係島上都係食玩訓, 浮潛, 好不relax
9Mar - 結婚一年了, 我們依然相愛! 今日要離開, 好唔捨得呀!
10Mar - 係馬爾代夫勁熱, 晨早機到香港, 返屋企果陣真係凍到震
11Mar - 已經睇岩租盤, 約左經紀去睇睇先
14Mar - 一致決定租啦~嘩, 超快, 去完旅行返黎第4日已經決定左! 仲要係老爺樓下2層, 超方便
20Mar - 老公生日, 但book左23號先同佢食birthday lunch
23Mar - 出去灣仔, 同老公食蟹膳, 好好味, 佢亦好滿足, 我呢個老公好易滿足!
Apr14:
2Apr - 前一星期不停執野執野, 成間屋都係紙箱! 聽日終於搬走
第一次住九龍, 係好似好方便, 但我住開新界, 都係覺得新界岩我d, 至少無咁大麈
3Apr - 搬返入黎, 又係展開勁執野既日子
5Apr - 經過我努力咁執, 終於搞掂, yeah~超快手的說!
7Apr - 的起心肝, 報左OU黎讀, 第一堂! 加油
12Apr - 難得同Joanne去嘉道理農場, 平時淨係同佢行街架嘛, 哈哈
27Apr - M小姐遲黎左7日, 試下驗孕, 結果顯示懷孕了, 心情好複雜
May14:
基本上知道左有bb之後都係勁攰, 成日都訓覺! 連學都返唔到呀!
5May - 因為流啡, 去左睇醫生, 因為第一次walk in入去, 排到傻左! 照到, bb 6week 2呀!
8May - 之前答應左媽咪返大陸飲表哥果餐
9May - 返香港, 仲要返學, 上到11點先食dinner, 個人攰到不似人形
20May - 返醫院產檢, 見到木子既心跳
28May - 整天作嘔作悶, 今日嘔左出黎, 感覺不好受, 仲要喪咳, 勁擔心影響木子
30May - 拍拖10年了, 時間過得好快, 但我無興趣食西餐, 去返景逸軒食dinner
31May - 學車, 超緊張呀!
Jun14:
17Jun - 終於又到產檢啦! 1個月1次好難捱呀! 木子又大個左,有手有腳
18Jun - 去左尖沙咀, 照唐氏, 木子就咁睇一切正常, 放心左一半
19Jun - 收到電話木子唐氏報告出左, 屬於低風險, 放心晒
Jul14:
14Jul - 過去2星期喪學車, 但無乜得著, 因為師傅唔教野! 今日考車, 2part都肥晒!噢~
Aug14:
1Aug - 去左bb展, 因為一日未照結構一日都唔放心喪買野!,都無乜意慾買野, 話無意慾, 但都買 到一袋二袋, 哈哈
2Aug - 入手尿布, 為環保出一分力, 但咁就無左4千幾lu~
9Aug - 同Jon仔 Joanne入馬灣食buffet, 有左bb咁耐都無化妝執執個樣, 今日終於似返個人, 哈哈
18Aug -又去產檢, 木子一切符合生長, good
19Aug - 終於去到最緊張既一關 - 照結構, 醫生好細心, 好好彩, 木子pass晒, 終於放心晒!
仲知道木子bb係女仔~ yeah!
26Aug - 再學車, 今次搵過第二個阿sir, 呢個有heart好多, 執左我勁多錯處!
28Aug - 美國訂既high chair到左, 木子第一樣大形物品到左, 感覺好唔真 實
Sep14:
16Sep - 8號風球上午放假, 下午產檢繼續, 照到木子係長腿bb
23Sep - 考車again, 泊車pass左, 路試唔好彩, 唔合格, 喔噢!
29Sep - 同老公去左澳門2日1夜, 住左大倉酒店, 環境超得
30Sep - 周圍行, 但超熱超攰, 所以無乜mood就返香港lu~
Oct14:
1Oct - 我生日, 又大一歲, 下年身份唔同左, 所以好好咁享受2人的生日
8Oct - 老爺奶奶送左袋坐月補品比我
12Oct - 29week 影大肚相, 肚唔算大, 唔知影出黎得唔得呢!
15Oct - 報左個產前呼吸班, 好驚生果陣痛到顛左
17Oct - 產檢, 木子已經調左頭, 有3lbs重
28Oct - 美國訂既bb車同car seat都到左, 感覺真係越黎越近
31Oct - 依家產檢2星期一次, 好密! 無見2星期, 木子有4lbs啦! 所有野都符合大細, 叻女
Nov14:
3Nov - 考車again, 終於都pass左啦~太好啦! 太開心啦!!!! yeah
14Nov - 34週啦~重4.5lbs, 醫生話足月出世大約7lbs, 希望真係啦~
23Nov - 去埋last 一次迪士尼, 真係要停一停
30Nov - 我們拍拖10年半
2013年係我重要既一年, 我結婚了, 成為了李太
2014年係我轉淚既一年, 我懷孕了, 成為了媽媽
2個身份的改變, 令我人生充滿挑戰, 我要做得更好!
唔知可唔可以實現我兒時夢想, 30歲前生2個, 有埋木木子就最好!(呢個只係諗下, 生完第一個先再諗啦~)
不過, 依家都好滿足! 有好好既朋友, 算係不錯既老爺 奶奶, 有個好老公, 仲有埋木子~
2014年12月18日 星期四
木子小朋友出世了
2014年12月17日 星期二
依家仲係醫院，小朋友又唔係我身邊
襯得閒update下報個喜先！
我既生女過程真係好快！
原本15號我仲返緊工，諗住木子啲野係呢個星期埋尾（因為醫生話呢個星期未生得架嘛）！返埋星期三就放假～
點知一返到公司開始肚痛，但又無規律喎！咪睇定啲先啦～痛左成朝！老公咁岩落1點，我請假走人啦！痛下唔痛咁就過左個星期一！（當中有少少擔心木子會唔會問題，但老公好淡定）
星期二朝9點左右！係床計時，都係痛得有規律！大約6分鐘一次，今次既痛係下腹扯住痛，唔係尋日既肚痛！起身去洗手間，見紅了！即刻出去食飯再入醫院啦！
入到醫院12點零！check左，開左1度！仲係好輕鬆，得多快生啲嘛！咪係咁行！點零醫生再黎check開到2度，仲以為咁快開心得我丫～
如是者陣痛下唔痛，覺得自己痛左都係得2度（明明痛左架，但都仲接受到既），開始覺得都係要第二先生，第一胎無咁快！10點趕老公走，11點再check都係2度！真係灰到盡！
11點9開始，我開始覺得痛得難受！諗住呢晚都要咁過就係灰到爆～跟住醫生就出現左問我係咪好痛，我答梗係啦！佢幫我check開左4，5度！入得產房啦！
Call老公返黎！入到產房，幫我穿水，一穿左水勁痛啦！但呢個時候我仲可以sms比老公叫佢去埋廁所先（姑娘叫我咁做），諗返起都覺得自己好勁！
老公一黎，我就開左6度！痛到不得之，係咁吸笑氣，個人又迷，不過無笑氣真係頂唔到落去！勁快有想去大便既感覺～醫生出現啦！我可以盡情屙！醫生同助產士都話我屙得好快！最後1點零木子就出世啦～一出世我勁想喊！太感動了！但我講左句，下胎我要開刀！醫生回敬我「今胎你咁快，下胎開刀曬左啲喎」！就係咁，我就展開左1家3口既生活！唔唔知出院後係咪真係勁忙呢！
2014年12月2日 星期二
我們10年半
2014年11月30日 星期日
今日我地拍拖十年半~
其實想出街食!
但我好多野都唔食得, 唯有係屋企自家煮啦!
唔知點解呢排搵左好耐, 都唔見有酥皮
唔見有急凍牛扒, 最後要係又一城間大taste先搵到咋~
買左LC既gill pan梗係要開光啦!
嘩, 老公煎到有格仔紋, 好good呀, 好味道
通粉既白汁自己調制, 真係好味好多喎!!!
而酥皮湯, 因為第一次整, 個酥皮薄得滯, 下次會更好!!!
不得不提個墨西哥芝士片, 好好味, 但係超簡單
只係將一塊塊既芝士片放好, 上面擺滿洋蒽同蕃茄粉
再鋪滿芝士碎擺入焗爐, 等芝士溶晒就搞掂
埋尾, 仲有我至愛既意大利蕃茄既蛋糕
超滿足的10年半!
Hea 遊香港
2014年11月29日 星期六
太遲啦太遲識你~
如果早D識到你, 肯定喪玩, 玩到天昏地暗!
今日天色好差, 但都照出去走走~
走左去西環碼頭, 灘水無左, 但都照影可也
你咁貴買左部相機, 梗係要幫我同木子影下相啦~
又幾好喎, 有你部相機, 搞到我唔想拎自己果出黎呀!
呢張相, 影得幾有feel
噢~天色灰灰地, 真係要襯返d懶有mood既相至得!
無乜野影, 時間仲係好早
咁就去食件cake先~
去左川善茶居, 原本都係抱住一試既心態
因為係香港食親綠茶味既野都好假, 好苦
但......估唔到......
呢間野真係好好味呀!!!!
我杯綠茶朱古力, 個cheese cake仲有個心太軟~
真係好味到顛~令我好回味!!!!!
lunch早食+食得唔多, 食完件cake仲食得落野
咁就提早食dinner啦~哈哈, 好似好大食!
食左北海道牧場餐廳
想試好耐, 一直都無機會~就今日食啦!
其實都係快餐~
但係我最欣賞個蛋上面有pat蘑菇汁, 好味呀!!!
食完諗住去cwb影聖誕波
但點知未開放~搞到有點點失落~
食完諗住去cwb影聖誕波
但點知未開放~搞到有點點失落~
但跟你一起真係好開心!
但你係爛玩, 但為左我遲出發早返歸~
你真係唔話得
2014年11月24日 星期一
35week - 炒米茶
2014年11月22日 星期六
之前一路懶懶閒
覺得仲有時間, 唔急呀~
但見12月媽媽group陸陸續續都有bb出世啦!
咁我都的起心肝, 執下我個走路袋
免得早左出世就拿手唔成世啦!!!
見今日得閒, 就入定d炒米茶
到時入院都有得焗水飲
早2日, 老爺炒左d米比我~
咁我就可以入袋啦~
上網睇資料, 原來有唔同材料, 咁我就照執啦!
以下係for順產用:
Day1: 炒米+果皮
(ps: 用耐d果皮好d, 因為太新既果皮要刮囊
要泡水後才能刮, 濕左既果皮唔擺得)
要泡水後才能刮, 濕左既果皮唔擺得)
Day 2: 炒米+果皮+桂圓
Day 3: 炒米+果皮+桂圓+杞子
順產應該住3日2夜就走得掛~
仲有我都唔知要準備幾多包先夠飲
我自己就諗住準備每日3個茶包啦!
諗住唔夠飲就翻用翻用又翻用
至多無味既姐~哈哈!!!!!
2014年11月21日 星期五
最近update
2014年11月21日 星期五
今日木子35week啦~
仲有2星期就足月, 請你乖乖地住到足月先好出黎呀下!
倒返帶去11月3日
我終於考車成功啦~太感動啦!
第一回揀左間駕駛學校, 個阿sir太唔掂
乜都唔教我, 咁就梗係2parts都肥左啦~
谷鬼氣, 搵左呢個阿sir
佢執左我勁多錯處, 終於都合格啦!
真係超開心!!!力推呢個阿sir呀~
上網買左d衫比木子
諗住木子新年要見人, 買d靚既衫仔比佢啦~
點知.........點知..........
一比人睇呢件, 個個都唔欣賞!
話唔靚~其實做個迷李豹女郎都幾得意呀!
點解唔欣賞下件衫喎~
因為衫仔好快唔岩著
所以我好忍手~
買口水肩多~因為香港d口水肩成hk$45一條
我依家百零蚊有3-4條, 抵好多~
仲買左d頭飾比佢~希望佢可以女仔d, 哈哈!
某天吃厭左飯/麵/粥
心血來潮整返個 - 厚漢堡菇三文治
嘩~個漢堡自己整真係特別多汁~
食到自己同老公都好滿足~~
呢張相係今日影, 個肚明顯地大左好多~
35weeks既木子有力左好多
佢每郁一下都feel到頂住頂住~
其實佢最鐘意係膀光位係咁轉
轉到我有時行唔到, 要佢停左先可以繼續行!
上星期產檢, 佢重4.5lbs
醫生話就算佢足晒月出世大約7lbs左右!
咁都幾好, 應該唔算好難生掛~
不過, 依家每晚諗陣痛既感覺就令我好怯
好怯, 好怯, 但我又真係好想自然分勉喎~
我真係好矛盾
2014年11月6日 星期四
29 week 影大肚相
2014年10月12日 星期日
佢地話28-32week係影相最好時間
但係我個肚偏細, 但都唔理啦~照影先!
我揀左story workshop
價錢合理, 服務唔錯, 我加埋錢化妝!!!
我好鐘意呢張呀~呢張合成張加錢都梗係要啦~
係人地部mac機睇真係清勁多~
返去自己部電腦睇, lace同地下好似融為一體咁呀!
不過我親手整既2014就相當突出, 哈哈
好快就到第二part, 我鐘意佢件斗蓬~
好靚! 加埋佢個窗邊真係好靚
不過呢件野有d sexy, 我唔係好慣呀!
佢成日都叫我做d拗腰動作
d相出到黎個肚都算係現喎!!!
可能太遲影個肚現, 個人又肥晒呢, 無人知架嘛
影最後一part啦~
套衫我自己準備既!!!
呢張個牌遮左個肚
但老公話要揀喎
話我笑得好開心
同埋真係好真情流露咁笑出黎
其實都唔記得當時做咩事笑得咁開心lu~
攝影師叫我地揀條絲帶
無咩可揀之下, 揀左條綠色~
呢張相出到黎我好鐘意呀!
因為木子預產期係12月26日
boxing day, 呢張相可以代表我地拆禮物
綠色都好聖誕, 好有意思呀!!!
淘寶淘左d貼紙~
哈哈, 好搞笑, 我出賣左老公個大肚~
原本都係諗住影下相留念下
都無咩大驚喜!
可能無期望, 所以出黎效果比我相像中好!!!
推介呢間story workshop~
2014年10月24日 星期五
我的生日
2014年10月1日 星期三
今日我生日, 但早2日去左澳門
食到好full
無特別諗去邊到慶祝
迪士尼全年通行證生日有下午茶買1送1優惠
一於入去試下啦~
去到要等一陣位!!! 好快就決定要2個單人set~
送黎米奇牛油! 我覺得好得意!
個架黎到啦~有3層!
等我逐層介紹下有d咩食啦~
因為配合萬聖節, 上層有2隻鬼
不過呢2隻鬼又幾好味!
仲有塊米奇朱古力, 唔算太甜, 但就好硬~
中層, 三文治之類
但我好多都唔食得~
偷食左蛋沙律三文治!
最低層係甜點
個覺得芝士蛋糕叫可以之外
其他都一般
可能覺得太甜啦~
生日梗係唔小得合個照先啦, 哈哈
仲以為只係享受個環境
唔會旨在d野食~驚喜原來係後面
因為個set會跟埋2個小食
叫左個唔記得咩波菜咩咩~
嘩, 又幾好食喎! 係乾左少少
但我都好滿足!
仲有迷你漢堡
都幾好味喎~
不過太細份, 有少少唔到喉唔到肺, 哈哈
食完hea下就入迪士尼啦~
唔知點解無咩做過, 但個人勁攰
坐左係到睇夜晚既巡遊
好靚呀! 我一定要再入多次影相
(出blog之時我已經入多次啦)
(出blog之時我已經入多次啦)
睇完食埋個大熱狗就走啦!
好滿足咁過左我既生日~
2014年10月21日 星期二
澳門遊 Day 2
2014年9月30日 星期二
訓醒梗係落去食返個早餐先啦~
老公最既愛既一part!!!
食早餐環境舒服~夠寧靜
每樣都食d~
但係個腸粉一d都唔味!!!!
反而個炒麵又幾好食喎~
好多蛋糕揀~
佢d麵包蛋糕超吸引
樣樣都想試, 但係又食唔到咁多!
沙翁同牛角包超好味, 好味到想再食多舊
但係真係食唔落lu!
食完早餐返房hea多陣就check out lu
原本諗住去食蛋糕
坐的士去, 點知架的士唔識路
兜左勁耐! 終於都搵到啦~
但原來佢開1點鐘, oh....my......god~~~
果陣只不過係11點幾, 咁點算呀?
我以為自己頂得順
諗住行返去官也街hea下先~
我真係高估左自己, 果陣又熱
頂住個肚熱上加熱, 成身好似岩岩沖完涼咁!
自己係到發脾氣, 坐左係巴士站成個鐘
先肯繼續行, 真係難為了老公
要陪住個黑面老婆坐係到
繼續行, 終於都去到官也街
今次試下呢間
首先黎2個包, 我覺得好味喎!
外脆內軟~好味道~
當然唔少得馬介休球啦~
食到一絲絲, 但又食到薯蓉口感, 好味道
牛仔骨, 無咩特別~
炒馬介休
好味道~唔識點形容
但係對2個人黎講係有d大碟
同埋不停咁食佢有d悶=__=
之後就等巴士過返去蛋糕店!
就係佢...........就係佢
令我發脾氣! 激死我~
已經唔記得左叫咩名
但呢個幾好味!
泡芙入面有d 焦糖cream
好味道~
呢個表面酸酸地
但唔知點解個餅底超硬
硬到好難以進食~
食完就坐船返香港lu~
勁hea既2天澳門遊就咁完結
雖然好似咩都無做過咁!
但係我就好攰好攰啦
好彩當然決定唔去旅行
如果唔係我會覺得晒左個trip!!!
2014年10月15日 星期三
澳門遊Day 1
2014年9月29日 星期一
老實講, 我同老公拍拖咁耐
從未試過真真正正咁遊澳門
次次都係探親/有野搞先返過去!
但今年, 我有左木子, 唔敢周圍去
只好近近地去個澳門啦~
老公好鐘意坐豪華位
因為話坐得舒服d, 個人都開心d, 哈哈
第一次lunch hour坐豪華位, 估唔到有意粉食
細細份, 但都夠啦~因為我仲要留肚食野架!
一個鐘話咁快就落船!
我地今次book左大倉酒店住
第一時間梗係過去check in先啦!
一入銀河lobby, 勁浮誇~
好迷幻既感覺, 但over得滯
見未夠鐘, 食少少野先~
個food court 好多都係香港有既食店
咁就試下榮式啦, 成日聽人講佢d雞扒好好味
咁的確又真係幾好味喎~
但好搞笑, 係可以用八逹通付款!!!!
終於check in左啦~
大倉感覺好舒服, 唔會行浮誇路線
佢行簡約日本風行列~我鐘意
包左個下午茶
我地又食啦~都幾好味喎!
不錯~
食完終於可以上房啦~
有個浴缸, 但係我地係無用既!
2個洗手盤~感覺好企理
佢有個盒裝晒d 日用品
好齊全, 感覺好良好~~~
oh......張床好大張
如果我屋企都有張咁大既床就好啦~
呢張床好舒服, 好好訓呀!!!
因為係日本酒店
所以枕頭上面都有隻鶴
感覺好搞笑, 好得意~
係房hea到咁上下就換衫落去游下水啦~
首先梗係去人造沙灘同衝下浪啦!
d水好乾淨, 環境好舒服!!!!!不錯!
去完人造沙灘就返上去恆溫池游水
我係咁游係咁游, 游到個人好攰至返房沖涼
因為book房包左份cocktail
我地又走去輕食下先~
好彩d野食細細份唔會影響我地既晚餐
相就得咁多, 因為我地坐返出去三盞燈食魚湯粉
想影相既時候發現唔見左部相機
但唔想影響行程就繼續行
食左葡撻, 卡巴, 胡椒餅
好飽好攰!!
攰到我就黎頂唔順, 可能因為游左水, 體力耗支得好緊要!!
返到酒店問下見唔見我部相機
好彩, 搵得返, yeah!!!!!!
訂閱：
文章 (Atom)