回顧 - 19week BB展

2014年8月1日 星期五

今日請左半日假, 因為想去睇下bb展有咩買

但其實我個心一日未照結構一日都唔想買野住

但我老公好放心好放心

佢好想入手買野~

因為7月份果次產檢, 醫生已經照到木子係bb女

所以老公更加想買野啦, 哈哈!

入到去, 好多人, 我仲係keep住好攰

所以其實都買得唔多野~

主要入手心儀左好耐既摺得既沖涼盤

我地對佢簡直係一見鐘情

勁慳無, 唔阻訂呀!!!

仲買左TT烚奶set

仲有仲有既係買左4件雞仔嘜和尚袍

價錢合理, 質地仲好舒服tim呀!

好快行完, 已經好攰

去左鑽石山搵野食, 見到next

又買左3件衫仔, 真係超得意, 好想買多d

但我地老公agree左

淨係買底衫比bb

因為面衫/出街衫有朋友會比

同埋好快唔岩著

所以我地係諗住買幾件就算

主打買d係屋企著既厚衫同底衫!!!!

所以見到好多好靚好得意既我都忍手忍手又忍手

等佢大個d先買啦, 唔好浪費嘛!

回顧 - 第二次產檢12week 照唐氏

 2014年6月18日 星典三

原本一個月一次既產檢今次醫生可能比錯左日子

搞到等左一個月一星期先返去見醫生

原本應該無咩野, 爭一個星期之嘛!

但係....呢個月我咳到甩肺咁滯

又唔食得藥, 喉嚨又痛

淨係不停飲水同埋飲康鈣c

仲有勁訓, 好彩都算recover到!!

不過咁樣咳法,我真係有d擔心肚入面既木子

唔知會唔會影響到佢, 所以搞到我羅羅攣

張相係week11果陣影, 當然梗係仲未現肚啦~

如果見到肚, 應該淨係肚腩黎架!!!!哈哈!

17號終於可以返去見木子啦~

嘩, 大粒左好多

好清晰見到條脊骨

好搞笑, 佢keep住倒樹蔥

好得意, 見到人仔形啦~

睇佢一日一日咁長大真係好開心架!

醫生幫我約左第二日照唐氏

因為醫院無得照, 佢refer 我出去第二到照

但可惜老公要返工, 我只能夠自己去啦~

準時到左診所

因為我係第一個勁快有得見醫生

真開心, 又可以見到木子啦!

一開波, 木子又倒樹蔥, 醫生係咁搖我個月都無用

咁唯有抽血先啦!

抽完再照佢已經訓底左啦~

見到有鼻骨, 同埋頸皮係正常

咁就放心晒, 等埋報告出就知道風險高唔高啦!

今次我仲聽到木子既心跳聲

好得意, 好似火車聲, 轟轟轟咁!

一見到張超聲波, 見到佢好似笑緊咁, 真可愛

第二日診所就打左比我

話報告出左, 我屬於低風險

唔知幾多萬分之一(數字已經唔緊啦)

木子, 我地又再過多關啦~YEAH!

回顧 - 正式第一次產檢8week

2014年5月20日 星期二

今次終於係正正式式第一次產檢

因為bb係肚入面仲係好細好細

細到根本都無感覺

所以我成日都亂試野, 究竟佢有無健康成長呢?

今日都算重要日子

因為8week既bb可以睇有無心跳啦~

醫生一照, 見到個心係到閃閃下!

真係開心! 叫做過左第一關啦~

bb我地繼續加油!!!!!

回顧 - 去了醫院第一次檢查

2014年5月5日 星期一

等左一星期, 老公話計返週數

應該20號咁上下先去睇醫生就岩啦!!!

原本都諗住跟住佢個plan行架啦~

點知突然有d啡出現!

上網睇過資料話其實好普遍

但發生係自己身上真係有d擔心

終於係今日就去睇醫生

題外話, 話說我地一早好有共識

會去私家醫院生~

雖然我想自然生
(但我聽太多人講"自然生洗乜去私家, 去政府慳多個錢啦")

但...........我心意已決, 何況有discount, 點解唔去私家?

我係一個超怕痛既人, 當我係到典床典蓆既時候

我想老公係我身邊陪住我, 我驚自己一個面對!

星期一, 無booking就咁walk in

等左超耐~等到呆晒

入到房, 上床一照

醫生好容易就搵到個胎囊

好開心~知道唔係宮外孕

同我地預計既一樣大約6週大~

因為時間仲早, 未見到有心跳, 所以2星期後再睇!

回顧 - Bingo當天

2014年4月27日 星期日

我地去完馬代返黎, 其實我都開始計劃下我地個plan

一路都諗住結婚後一年就準備啦~

但一返黎又準備搬屋, 真係超多野搞!

同埋我聽身邊朋友準備左好一段時間都唔中

所以我覺得我地又搬屋咁勞累

同埋呢d緣份唔係真係咁易有!!!!!

但係4月份, 我已經感覺唔同

唔係真係定係心理作用

果排成日勁易攰, 作嘔咁款!

所以我都估到自己應該bingo左

但一日未確實個心都羅羅攣

我平時m到係好準時

遲左一個星期, 買枝驗孕棒驗下先!

點知一試, 真係2條線

雖然話估到姐, 但確實左果下真係好忐忑架喎~

老公就好開心, 我就呆左咁!!哈哈

原本應該下一步係去睇醫生confirm

但我老公係醫護人士, 好理智

話依家根本太早睇醫生都無用

所以驗完就不了了之啦~哈哈

搞到我十五十六咁!

分享我們的喜悅 - 木子

2014年8月19日 星期二

勁疏落的出blog

原因係因為我。懷。孕。了

基本上所有紝娠有的反應我全部都中晒~

頭3個月攰到我終日訓床休息

食飽就訓, 訓飽又食, 老公話養豬咁養! 哈哈

仲有係咁作嘔, 有幾次都真係嘔得出, 辛苦到不得了

口味特變, 以前係到成日諗

我咁鐘意食日本菜, 第日有bb咪介得好辛苦

原來我既bb係完全唔鐘意食壽司同刺身, 望見都唔想食

亦都唔想食西餐, 淨係不停中餐中餐又中餐

依家已懷孕5個月, 21week啦! 

已經過左孕期既一半, 預產期係12月

我真係好想快d到果日接收我既聖誕禮物!

基本上呢件事係我地預期之內

但一知道果下都開心到彈起!

等我慢慢地回顧返之前既日子先得~

bb未出世我地要諗個乳名叫下佢, 同佢傾下計

我地諗到 - 木子!

木子性別已經知道架啦~遲下先講啦~哈哈!

一開頭諗住到3個月公佈比人聽啦

但聽人講, 照結構呢關好緊要

所以我一直等順利照完結構至出blog

好感恩, 木子一切生長得好好

所有野都符合晒佢既週數!

我可以好好咁買衫添置佢既野啦~

仲有值得開心既係, 我已經開始feel到佢係肚入面郁

好得意, 好似有條魚仔彈下彈下咁

尋日隔住個mon, 原來佢隻腳仔手仔一郁我會間唔中feel到彈彈下!

仲有仲有, 我既體力食力已經全部回復正常, 可以去玩啦~

馬灣一日遊

2014年8月9日 星期六

一直到想入去馬灣試下個buffet~

終於搵到一日入去啦!

入到去晏得滯, 馬灣公園close左

真係掃興, 激死人啦!!!!!

萬無目的咁周圍行周圍hea

最後估唔到我地3條友仔係百佳hea得最耐

因為有冷氣, 因為我地大家都好鐘意食~~

終於hea夠鐘入去食野啦~

我抱住用團購既心態入去, 預左都係一般

可能真係無期望就無失望, 仲出乎之料之外喎!

都算幾多野揀, D野仲要幾好食架喎~

因為掛住食, 真係無乜影相!

但最最欣賞既係海鮮蕃茄濃湯, 超香既蕃茄味, 好鮮甜~

但好可惜, 佢既甜品真係唔多掂

樣樣都係麻麻地~

食完就梗係影下相啦~個view真係靚到不得之了!

是日農曆7月14, 我地一齊嘻嘻哈哈就乜都無有怕~

係沙灘影左勁多相~

笑到出汗影到出汗熱到出汗!

我真係好鐘意夜景, 真係好靚好迷人~

影夠睇夠就走人啦~我地仲有下場, 哈哈

老公過黎接埋我地

我地齊齊上去觀景台~

上到觀景台係覺得好靚

但可能岩岩馬灣出返黎, 會覺得馬灣近d再靚d~

唯一影到汀九橋~但可惜影完呢張相之後佢就熄左燈
我地亦都要走人lu~
好滿足既一天!!!!!