回顧 - Bingo當天

2014年4月27日 星期日

我地去完馬代返黎, 其實我都開始計劃下我地個plan

一路都諗住結婚後一年就準備啦~

但一返黎又準備搬屋, 真係超多野搞!

同埋我聽身邊朋友準備左好一段時間都唔中

所以我覺得我地又搬屋咁勞累

同埋呢d緣份唔係真係咁易有!!!!!

但係4月份, 我已經感覺唔同

唔係真係定係心理作用

果排成日勁易攰, 作嘔咁款!

所以我都估到自己應該bingo左

但一日未確實個心都羅羅攣

我平時m到係好準時

遲左一個星期, 買枝驗孕棒驗下先!

點知一試, 真係2條線

雖然話估到姐, 但確實左果下真係好忐忑架喎~

老公就好開心, 我就呆左咁!!哈哈

原本應該下一步係去睇醫生confirm

但我老公係醫護人士, 好理智

話依家根本太早睇醫生都無用

所以驗完就不了了之啦~哈哈

搞到我十五十六咁!