澳門Day 1

2014年2月25日 星期二

其實我身為澳門人, 但我對澳門好少認識

我同老公拍拖咁耐, 未試過去澳門玩

淨係返去探親only~

襯住今次同家姐一齊過澳門陪媽咪覆診

(感恩, 一切都好好~希望keep住)

book間酒店住下, hea下

第一次係澳門住酒店, book左sheraton~

陪完媽咪覆診就過海拎房

搞掂已經5點幾, 好肚餓呀~
去左food court食, 要左3個豬扒包同2個葡tart

好貴呀, 豬扒包要$28一個!!!!!

食飽就周圍行下~

好淨誇呀!!!個噴水池係咁變色, 感覺超唔真實!

間唔中仲會一柱擘天~

配埋燈光效果, 又真係幾靚架!

其實入面真係無咩岩我地行

因為全部都係貴野~

約左表弟食飯, 諗住同我地去船屋

點知逢星期二休息

但佢又知我超想食馬介休波波~

同我地去左呢間新口岸食葡國菜!

一坐低滿心期待咁等食

因為我未食過馬介休波

第一味就黎呢個

一見到個已經失落左一半, 因為同平時睇相都唔似相既!

呢條明明係馬介休腸並唔係馬介休波波

食落口, 唉~勁實既薯

其實我麻麻地薯仔, 所以我覺得唔好味!

呢間野十分唔推介, 因為d野食好濃味但唔好味

仲要得好少款揀, 樣樣都跟飯

好似想質飽你咁! 失望而回

 

食完就返酒店啦~