澳門Day 2

2014年2月26日 星期三

一訓醒就要check out啦~

想過去官也街食下野行一陣先!

要坐車去銀河再轉車去官也街

諗緊食乜時, 見到呢間野

大家都諗食唔食好, 因為尋晚先食完葡國餐~

但因為尋晚果餐太難食, 所以都決定入去食啦!

間餐廳叫公雞, 周圍佈置都係公雞圖案

我好想試下飲葡國汽水

叫左個橙汁, 一黎~嚇死人咩, 咁大枝既!

但3個人share都唔過份!

佢寫明係橙味, 但飲落都唔似橙~但又唔知係咩味喎!

我真係死心不息, 依然都叫馬介休球

一食落口, 嘩~好味呀, d馬介休一絲絲架~

d薯好鬆, 好好味呀, 淨係食左一啖就完全無後悔入黎呀!

叫左個豬手沙律, 哈哈

一食落口我同家姐都覺得陣酸叔味(因為有醋嘛~)

但又唔難食架, 夠特別!

再叫左個炒飯, 馬介休炒飯

超好味呀, 炒得好乾身, d馬介休好滑架~

最後叫左個燒牛仔骨, 超香好好味!!!!!!

我地3母女真係覺得好好味

真係慶幸入黎食, 可以彌補尋日果餐! haha

食完周圍行下~消化一下

澳門d建築特真係好多色彩

呢幢係我好鐘意既Tiffany blue~

成幢都係好出好靚呀!

企係佢隔離有再sharp d既黃色, 超醒目

條巷仲叫買賣巷, 好特別!!!!

行完, 返去買返我好想試既莫義記

其實我都唔知佢出名d咩

問職員,佢話木糠布丁同榴槤雪糕都出名

咁我地就決定試下先~

叫左2個木糠布丁, 一個榴槤

但其實我覺得2樣都唔好!

 

食完就返酒店拎行李

準備返香港, 咁就完結左呢次超hea遊澳門啦~