Maldives Day 1

2014年3月5日 星期三

Maldives Day 1 

Package 早於半年前book定

因為聽過機位都幾full~

今次坐mega airline, 本身已經知道無電視

我地已經特登買左個ipad上機睇~

但有感個飛機好似細左少少

好彩既係我坐緊急出口位, 個位好寬敞, 坐得算ok~

起飛好準時, 無delay~

經過6個半鐘頭機終於到左馬里, 真係坐到我patpat痛呀!

首先要搵返屬於自已酒店既counter

因為今次我地住Vadoo

一個好合理既價錢包晒早午晚三餐加飲品任飲

Vadoo距離馬里大約4個鐘快艇!

出碼頭等架快艇, 嘩~

超開心, 係碼頭d水都咁清

真係好期等我地個旅程呀~

好快好快就上到啦~就安排入main bar到坐下

有杯ice lemon tea飲下~

每間房都有一個管家, 黎緊幾日如果有咩需要都係搵返自已個管家~

我地個管家叫Vinloop

飲完杯野就帶我地環島一周

因為我地個島係細島, 所以基本7分零鐘就行完!

行完就返入房啦~

望見間房真係超興奮! 因為去旅行真係未住過咁大間房

一入去, 見到個泳池仔加海景

行入去就有張床

再入多間係個open既廁所, 仲有張梳化下面有個玻璃望海

最後就係係一個按摩浴池啦~

我地經Travel channel 訂房

話明係anniversary, 但佢話幫我地book hoenymoon

不過都係得2枝酒, 我地都唔多飲

所以唔想嘥野無開到

島上基本上可以免費借用浮潛用具

check in果日借, 一路都擺係自已房

到check out果日至還返

我地都未借浮潛用具就急不及待落水

d水好清, 又想試下相機

所以亂黎都唔知影左d咩~

見到呢個畫面原本都好新奇

覺得好靚~但原來好戲在後頭呀!

潛左一陣終於捨得出去借野!

見到藍天白雲, 心情真係格外開心~

開心到我忍唔住跳起呀!

我地個Package包左下午茶

梗係唔蝕啦~坐低食下先!

OH MY GOD~佢杯奶茶唔好飲

D餅唔好味, 咁我地知道下午茶係可以唔洗食架啦~

hea下hea下又到左晚餐時間

每晚晚餐係由7:30-9pm上下~

佢會有頭盤, 湯, 主菜同甜品

如果叫晒真係超飽!

但第一日真係乜都想食~

叫左個牛扒沙律, 加勁好飲蘑菇湯

個餐包都好好味~~好軟熟

 

主菜多數都有4-5個揀

見到蟹好吸引就叫左, 仲叫左個牛扒

一黎到份量超多~~好彩我地2個都係大食之人!

咕嚕蟹, 勁中式仲要個汁好甜, 好一般

諗住個牛扒都幾好啦~但好un~食到個口超攰, haha

 

忍唔住叫左2個甜品

焦糖蛋糕同擰檬蛋糕

er~2份都超甜, 唔係我鐘意果d~

因為出黎晚飯果陣落雨
我覺得係馬代真係幾經常落雨~

咁去main bar 坐下啦~

老公叫左杯Vadoo Express

嘩~~大獲, 超難飲, 勁藥水味呀!

好彩我果杯正常姐, 哈哈~

飲完就返房訓lu~