Maldives Day 5

2014年3月9日 星期日

Maldives Day 5

最後一日啦~幾大都起身睇日出至得!

又係超多雲, 以為無野睇~

但係突然, 見到個咸蛋王升左上黎, 超開心

慢慢咁, 由橙色變成金黃色

我真係第一次見呢個畫面

日落就睇得多但日出真係未見過~

跟住成個天就光晒!

我同老公都覺得好震憾, 永遠都唔會唔記得

love this so much~

影完就行去食早餐啦~

好早呀, 成間餐廳得2枱客

好寧靜!今朝我飲木瓜汁

食完又行下先

呢到就係報潛水既地方!

行行下又眼訓lu~快d訓一陣先得!

因為好快又要check out~

訓醒執好行李, 見有時間, 拿拿淋影下相先

我特登曬左張相出黎

今日就揸住張相係咁影啦~

今日天氣幾好喎, 有藍天白雲!

估唔到話咁快又帶左呢隻婚介一年啦~

婚禮事宜彷似昨日發生!

終於都check out左啦~

勁唔舒得, 但因為我地塔9點幾機, 佢地安排左6點船比我地出去

我地12pm-6pm就係島上hea

呢張相勁搞笑, 我地將個腳架擺到老遠

老公較左timer就要跑呀, 跑到佢話好攰, 哈哈

hea完一大輪就去食我地個late lunch~
今日有好味魚柳包同勁多肉丸意粉

好味呀, 完美的完結!!!

食完都係島上面周圍hea下

睇下戲, 影下相, 其實d 時間都過得幾快架~

呢個就係我地黎左幾次游水既地方

環境好靚~

成日都無人好好游架~

果日超大風, 睇下d樹吹得幾勁!

我地決定每年都揸返上年張相黎影

今年揸住上年結婚果張

下年揸返呢張, 唔知可以揸到幾耐

唔知若干年後睇返有咩感受呢~

真係好期待!

臨走, 個天開始黑, 仲有d雨

但好好彩咁比我地見到有彩虹

我好少見到彩虹

所以有得見真係好開心架~~

咁就完結左今次既trip~

一個開心又難忘既旅程

希望可以同你去更多既旅行!

Maldives Day 4

2014年3月8日 星期六

Maldives Day 4 

今朝又起到身睇早出, 可惜太多雲啦~

失望而回乜都睇唔到呀!

返到去今日request左早餐in villa~

好好feel呀咁樣食!

其實我地望海食早餐有個情意結

想當年, 係長洲華威酒店個露台食左個望海早餐

真係愛上左, 但香港根本搵唔返

所以今次住水上屋幾大都要試一次~

不過望見管家拎入黎, 我有少少於心不忍

好似要人地做多好多野咁! 試一次, 搵返個感覺就夠啦!

哈哈!

食完早餐又落雨, 落雨都出去泳池游水呀!

係咁游, 游到停水就返房~

今次旅行社話request係honeymoon(但人地明明慶祝一年架嘛)

心諗, 可以有d懶靚佈置係張床到啦

點知.......原來得呢個咋! 

咩幻想都無晒lu~~

梳洗完又出去食lunch~

今日有意粉食

好好味, 但好大兜, 食到好滯

仲有個咕嚕牛肉(佢地d咕嚕汁好甜)

落完雨, 但今日last day啦~

點都浮潛下呀!

雖然d水係濁左d, 但超多魚

勁想游埋去, 但老公比魚咬左幾次, 搞到我都怯怯地!

成日都會見到紫色珊瑚

我今次趟旅行見得唔多七彩既珊瑚

所以基本上見到少少色我都會好開心

有珊瑚既地方就會超多魚

細心d睇仲係一堆細魚仔黎架!

海洋真係好奇妙~

浮潛完返房休息下又去main bar飲野~

但今日等等等~要等到8點先食飯呀!

因為最後一次機會睇喂魚~

8點準時, 有職員拎個筒上去

望下海面, 有好多大大條既魚

問左人, 原來有鯊魚, 有大魚同有魔鬼魚

我地成日諗如果跌左落去真係慘~

職員一抛舊肉落去d魚即刻係咁撲~

係咁搶, 好勁呀!

睇到個個都嘩嘩聲呀~

最後一晚dinner啦~

今日叫左2個湯, 因為有龍蝦湯同冬陰功湯

2個都好好味!

主菜有牛扒同吞拿魚扒

2個都好好味~為我地last一晚留下一個好好既回憶!

 

佢地採用open kitchen~

每日早午晚三餐都見到入面好忙咁!

Maldives Day 3

2014年3月7日 星期五

Maldives Day 3

今日太眼訓, 唔願起身睇日出~

起身就去食早餐, 每日都食埋同一樣野!

同埋我地每日都飲一杯果汁~

好緊要呀今日, 報左參加肺潛

我真係超驚!

我都唔鐘意潛水, 但見未玩過就試下啦~

首先係岸上面教左基本工

點樣呼吸, 點樣將耳仔排壓

教左就係身上面縳石仔同咩氧氣樽啦!

係淺水地區要練習晒所有野, 確保你識先帶你潛落去

開頭我捉摸唔到耳壓果到, 個心超驚

我好想比左錢都唔玩~但我知老公好想玩, 頂硬上啦

 

教練一人拖一個就慢慢潛落去啦

個心卜卜咁跳, 好驚! 

一路驚, 一路排耳壓

一路周圍望, 見到海洋之大

好多珊瑚, 一望無際~超多魚!

唔知點解D魚係好難影~

同埋個教練要停留D唔係太靚既珊瑚到影相, 哈哈!

睇返D相, 唔算太多魚, 但眼見真係有好多!

捉住條繩係咁游, 一放手個人好驚呀!

因為我覺得好似控制唔到個人咁, 左飄下右浪下咁!

到後期, 個人好似成日反艇咁, 搞到我勁急

呼吸都變到好急好亂~好想上返岸

終於上返岸啦~有種如獲重生既感覺!

我聽人講過, 係水底入面感覺好寧靜

只會聽到自已既呼吸聲, 好平和

我完全感受到當中既感覺, 但我一D都唔enjoy

仲有種不安感, 哈哈~可能因為此終係第一次!

上返水, 超重!一除個氧氣樽, 我即刻嘔呀~

哈哈, 個人仲好似暈下暈下咁

教練話呼吸唔夠深所引致~

我地2個都超辛苦, 咋咋淋返房沖涼訓下

因為真係好似飲完酒咁, 迷下迷下行唔到直線, 哈哈!

又好彩潛完水先風雲變色~

馬爾代夫既天氣真係話變就變!

不過好彩我地今日水上活動夠晒啦

原本唔諗住食lunch

但都係2點起左身, 仲係lunch時間

可能岩岩嘔完又有d餓, 所以就出去食啦~

今日個炸雞好好味呀! 好彩有食姐~

食完又返房休息下~

差唔多日落時間, 就走出去睇日落啦!

呢款車, 就係負責車我地既行李

不過呢架係運餐飲架~

係main bar影既日落全景, 好靚~

唔知點解每逢一日落個天就變得好多雲

成日都遮住左個太陽喎! 

但睇到個天變橙都已經覺得好靚~

睇完日落就去食dinner~

基本上係島上既日子訓完就游, 游完就食

不停咁重覆呢幾個動作, 哈哈!

管家話比我地知今日呢到有活動

食完飯就過黎啦~

等左一陣就開始

原來係有人唱歌同跳舞

睇左一陣就返房LU~

唉~~蝕左蝕左~

尋日咁好天唔記得影星星

今日多雲, 影得唔多!

只有記係心入面啦~

Maldives Day 2

2014年3月6日 星期四

Maldives Day 2

因為Maldives比香港慢3個鐘

同埋我地住日出房, 訓到香港時間8點零醒左

行出房諗住睇日出啦~

由原本黑黑地坐到見到d光~

開始黃黃地, 我其實好期待

仲開始橙橙地, 成個天好多雲

但都感覺好靚好靚~但原來我地對面有d山會阻左個日出

但今日睇到呢個畫面都已經好滿足架啦~

朝日真係好寧靜! 好舒服呀~

睇完日出就出去食日餐~食完仲係好早

諗浮潛啦~原來朝日潮退, d水好淺

根本唔岩浮潛, 咁唯有周圍行下!

係呢幾日成日都見到呢隻野~但我又唔知佢係咩黎架喎~

朝早陽光又唔算好刺熱

周圍又無咁人, 真係好舒服!

我地帶左浮床過黎!

竟然潮退, 咁我地玩下浮床啦~

哈哈, 其實訓係上面都驚

因為又大浪喎, 又驚佢反艇!

一反艇就大獲啦~因為下面全部係珊瑚

企左落去真係會刮損架

所以其實我影完張相就拿拿臨上返岸啦~

因為尋晚落雨, 所以無玩到按摩池

今朝咁好天就拎出黎玩下啦~

買左個薰衣草泡泡浴!

老公仲帶左好多消毒藥水洗洗個缸我先敢浸

放水放左好耐~

太嘥水啦, 真係玩一次夠啦

但見到咁多泡真係超興奮呀~~

因為個水柱, 會越黎越多泡, 真係超開心, haha

玩完就去食lunch~

又叫左個中餐

炒飯, 唔係唔好味, 只不過我想食西餐多d!

我勁鐘意飲湯, 日日都要飲一碗至得

終於都潮脹返啦, 好開心, 可以浮潛

今日d水好清, 可以睇到好多野

可以見到好多熱帶魚

仲有紫色既珊瑚仲有仲有海蔘呀!

真係浮得好滿足, 真係見到好多靚野~

 

浮潛水插曲, 因為都幾大浪

基本上個人好難控制方向~我游游下突然見到一大群魚

我一望以為自已眼花, 再睇清d~

原來真係超大群魚係我身邊, 我勁驚呀!

因為真係好大班呀, 我拼命想游走

但事實係d浪係咁拍我埋去!

我真係出盡九牛二虎之力先走到咋~哈哈

 

hea下又影下相~

好鐘意細島, 因為人無咁多

好寧靜! 真真正正咁relax到!!!!

又到dinner time啦~

今日坐出outdoor, 超好feel呀!

但可惜意大利飯同個炸魚都一般~

好彩既係環境塔夠!