雜記5-6月個月

2015年7月29日 星期三

去完旅行返黎

大家都要適應一下, 木子去足7日, 用左2-3日時間去適應返生活

返左香港第一個節目係參加同年同月同日BB 半歲PARTY

第一次參加呢d party

佢好新奇, 一開波就周圍望

之後訓足半場, 無乜時間同佢影相

影到呢張已經好好架啦~

6月17日, 終於都半歲啦~

回望過去過得好快

但果係到諗覺得d時間好難捱

但估唔到咁快你就變左個識笑, 識比反應既bb啦~

見木子平時都好鐘意沖涼

咪帶下佢去游水囉~

點知...點知...一擺落水佢好驚

成個人硬晒呔~笑死我啦!!!

游左半個鐘左右, 佢就開始不安, 開始喊

當然拿拿淋上水走人啦!

上返屋企, 精神晒

訓上朋友仔張床仔到好搞笑

佢地2個配合得好好, 一個伸腳, 一個被擊倒

睇到張相真係忍唔住笑出黎, 哈哈

 又某日又去參加左第二個半歲PARTY

今次好好多啦~

可以影到相呀!

朋友個囡囡都有一齊去

好鐘意呢張相, 希望你地2個可以繼續做朋友

我地做媽媽既一定幫你地努力KEEP

木子超唔鐘意波波池

一擺佢上去勁驚~

跟住啲波開始埋沒左佢

佢個樣超驚, 我真係忍唔住影埋張相先救佢出黎

佢個樣真係向我求救緊架, 哈哈

我想買蒸爐好耐, 但因為太貴

所以一路無諗

但因為木子加固, 所以就買左

用左自己私心~去整佢既食物

不過依家用左一排

真係覺得太好用, 太方便啦~

我會好好利用佢整多啲餸

買左呢個美臀娃娃送比老公做父親節禮物

原本我覺得臀係唔洗按

但呢舊野可以按大腿

完全地岩晒老公用, 即刻買啦!

老公成日企, 好攰架

有人請左朋友黎屋企食飯

整左焗雞

蒸魚, 驚茄子

朋友整左焗菇

超豐富好好味呀~

小朋友呀小朋友

乜你訓覺訓到打風咁架~

依家佢成日都搶電話

我要影低你, 睇下你幾咁肉酸, 哈哈

可能準備出牙, 但KEEP左個幾月都未出到

成日都咪咪咀

佢呢個表情好得意呀!!!!

某日出左媽媽group 聚會

好可愛呀, 4個bb都睇中包糖

睇下, 4個都望到實一實

終於引到佢地齊齊望鏡頭

但你睇下木子

眼望鏡頭, 但手搶人包糖

好奸仔呀, 哈哈

沖繩Day 7

2015年5月30日 星期六

沖繩 Day 7

黎到最後一日

因為今日4點機走人, 所以無咩節目可以安排到

只係去左oulet shopping

但因為得個零鐘時間

所以只能夠分頭行事咁行~

終算買到啲野比自己啦!!!

因為實在太熱啦~

所以食左個刨冰

日本啲刨冰好好味

啲汁一啲都唔假, 食完涼浸浸太好了!

叫左個炒麵麵包

無咩特別, 食完就要去交車啦~

到左機場!

喂~小朋友你係咪知道可以返屋企所以咁開心?

因為帶住木子, 航空公司將我地升級左去business class

我同老公從來都無呢隻運

真係多謝阿囡帶比我地luck~

7日6夜既旅行終於完成

未去之前係好擔心

去完之後放心晒~

木子好乖, 好放心帶佢去旅行

但....帶細又帶大咁去真係好攰

我相信老公係最攰果個

佢要照顧我, 木子, 老爺同奶奶~

好, 又玩完一個trip!!!希望快d有第二個trip啦~

沖繩 Day 6

2015年5月29日 星期五

沖繩Day 6

今日天氣超好~

上返房木子自己又訓左

望住佢真係覺得佢好得意

請容許我戀囡吧!!!哈哈

第一站去睇個塔, 我已經唔記得左叫咩名啦~

天氣超好, 又曬又熱!

真係無得頂呀!!!!!

呢次旅程我練成一路揹住佢一路餵佢奶啦~

仲可以一隻手拎住把遮, 我真係好勁, 哈哈

買飛上去塔頂望下

係又熱又窄既環境揹住佢行咁多級樓梯

其實都幾吃力~

不過順利完成~

上到去都係睇下風景!!!!

我好想快d走呀~

好熱呀!!

下一站去美國村

首先梗係食午餐先啦~

有人介紹左旬魚旬菜比我

走去食!!!!食到我地4個超滿足~

呢盤我既, 好大份呀

右一果個係海胆魚, 好嫩, 好好味

老爺既天婦羅, 好香, d粉好薄

啲蝦好彈牙~

奶奶既壽司拼盤

反而無乜特別~~~

老公既鰻魚飯

好好味呀, 相比上次係京都食果個

呢個真係好味千百倍~

食完就走下美國村

無咩野岩行

都無咩岩睇, 好快走人lu~

出返去那霸

估唔到出返去那霸咁塞車

塞左好耐~

木子係車訓唔到, 係咁爆喊

咋咋淋餵佢食奶先~

食完先d安穩返d咋!

餵完奶先上房, 原來我book左間大房

架房大到有按摩椅架喎!

張床好大張, 睇下放左木子上去

佢變得幾細粒~

好可愛呀, 咁細粒

因為無bb床, 我自制左張床仔出黎

用佢地張梳化砌左張床仔出黎

不過, 唔知係咪玩得太多日

呢晚佢唔係好肯訓

係咁恰埋對眼係咁喊~

我地估可能晏就係車佢訓唔到

眼訓過龍所以係咁喊~

不過好彩抱佢一陣安撫下佢都訓到!

沖繩 Day 5

2015年5月28星期四

沖繩Day 5

呢間酒店有幾間早餐可以揀

今日我地揀左日式~

但其實食既野差唔多, 食黎食去都係果啲野

原本今日plan左係酒店玩水同玩水上活動

但食早餐時見到都幾大風同陰陰天

所以決定唔同木子落水住

返房, 木子又訓左

我地係房hea下先!食返尋晚買既布丁

好好味!

食完一陣佢起身, 因為用晒d尿片

要周圍搵, 搵左好耐先搵到咋, 不過真係好彩搵到

如果唔唔係都唔知點算啦~

點知落雨, 搞到水上活動要取消

唯有周圍去行下啦~

買左個黑糖餅夾腸仔食, 好味喎!!!!

咁大雨(大雨到好似黑色暴雨咁)

周圍都水水地浸

咁唯有去食個lunch先

食花笠, 沖繩料理

叫左4個set, 份量超多, 超飽呀!!!

但我覺得一般咋, 因為太過港式feel

唔太我胃口

去左紫薯專門店

買左2件甜品, 都算好味, 但唔算超好味!!!!

呢刻真係大雨到爆炸, 完全去唔到任何地方

咁岩木子又係車到訓訓訓

訓左成2粒幾鐘

晏啲見無雨

拿拿臨去萬座毛, 因為驚聽日都落雨嘛

大風到爆炸~

吹到個頭都甩, 睇完就閃啦!!!!

返到酒店同木子沖涼就出發搵野食啦~

搵到架西餐

見到餐牌話有夜光貝

即刻點黎試下, 佢分左2食

刺身同炒菇

嘩, 原來好好味架! 刺身超爽口

我自己鐘意刺身食!

已經唔記得左呢個係咩pizza, 但都幾好味架

仲叫左2碟意粉, 就失色lu~~~