我家木子長大了

2015年12月30 星期三

很久很久沒有打blog

時間永遠不夠用似的！

其實我很喜歡blog上的文字，可以紀錄更細膩！但奈何時間以光速的逝去！我追不上～希望來年我可以打密一點！

木子9個月

木子10個月

有著明顯的體重增長

她食固很好，食粥食麵從來不用我去擔心！我很樂意很用心為她研究更多美食

對於她的飲食，我有一份要求！因為她依家食不多，我盡可能買有機無激素食物比佢，仲會唔落調味！希望拖得幾耐得幾耐

10月同佢去左一轉台灣！唔知可唔可以出返一篇遊記紀錄返呢！

11個月的她

她已經一歲了！我會出返篇blog架！等我呀～

木子8個月

2015年9月18日 星期五

祝你8個月快樂

8月同左12月媽媽一齊聚會

我留意到木子係一個觀察型小朋友

去到陌生既地方要我抱一陣warm up下先可以放低佢

一擺低佢, 佢唔會周圍搞, 只會靜靜地坐同玩

唔會搶其他人既玩具

人地擺左佢既, 佢又拎過得2樣黎玩~

但如果遇到啲比較活潑 既小朋友, 佢會大喊!

但估唔到, 小朋友之間係可以影響咁深遠架

因為其他bb識爬識企

木子係聚會完後開始係咁un un un~

同百厭左, 呢啲行為真係令我好驚嘆

所以真係多啲同同年紀既朋友玩先得~

紅色暴雨警告表姨都由澳門黎探佢地

佢地真係好大面子~

木子好鐘意表妹~成日都去摸表妹

但表妹只係細木子一個月, 佢就成日扮大姊姊, 哈哈~

某日表妹又黎左我地到~

真係好鐘意表妹

表妹搶佢啲玩具讓比佢

扯佢啲頭髮扯到跌低左都係喊2聲

真係教我如何不鍚呢粒囡呢!!!!

將啲頭髮撥埋一邊, 好女仔呀!!!!

佢啲頭髮終於都唔係向上下

向返下成個感覺女仔好多~

去朋友屋企玩架烈火戰車~

但都唔係好識坐, 好危險

好鐘意呢張相~

以前一班少女喂喂喂!!!!

依家好多都有左我地既下一代

我相信呢張相一定會越黎越多人架~

8個月, 情感多左!

多左要求多左情緒

簡單啲黎講即係多左扭計~

佢好識扮野!

扭一下啲眼水大大粒咁滴出黎架囉!

同朋友去野餐

木子第一次亦都係我第一次

朋友們準備左好多食物

樣樣都好好味呀!

買左架單車比佢去片下車

但原來都未算坐得好好

好似搖搖慾墜咁~

但配上綠色既草地, 好靚呀!

好鐘意呢張相

影到好似影樓影咁呀, 好靚~

hello, 我地又見面啦~

佢個妹妹細木子個零月, 又可以做好朋友啦!

其實我好鐘意打blog, 因為我鐘意多啲文字睇

但可惜我太無時間

所以都幫木子開左個facebook

如果有興趣都可以去睇下架!

https://www.facebook.com/Hayleys-story-1453632024954030/timeline/?ref=hl

木子7個月

2015年9月18日 星期五

9個月先黎打返佢7個月真係有啲過份

但無計, 因為8月開始我轉左part time

只係返星期一至五9:00am-1:00pm

工作忙左, 返屋企唔得閒打~

但都想紀錄下, 遲左都照打啦~

7個月快樂呀木子

一到7個月感覺呢個人仔好似大左好多!

多左互動

比d finger food佢食, 佢會好enjoy

慢慢坐係high chair慢慢食

雖然佢無牙仔, 但佢啲牙肉都幾有力

可以咬斷啲食物架喎~

個衰囡包成日都擺埋不滿既樣~

呢個紙巾盒係佢最鐘意既玩具

成日都摟實佢唔放, 又鐘意係咁拍佢

呢張相就好似話比人聽唔好搶走佢

如果唔係同你死過咁款

佢食一餐粥仔, 食得幾好咁

所以佢都開始長肉

feel到佢變肥豬仔

小朋友真係大得好快

之前仲係唔肯企

突然有一日, 擺佢埋床邊可以自己企到一陣

我地好驚訝隻腳突然咁有力

第一次著tee, 嘩~

成個感覺勁大個女咁

加埋對鞋仔(不過對鞋太大未岩著)

成個大人仔咁呀!!!!

同媽咪出街影相好開心~

佢係一個開心bb黎架

好鐘意笑~但當然都好鐘意扭計, 哈哈

出街食飯都會準備d finger food比佢

咁樣我地成餐飯都可以好安樂咁食架啦~

呢日去左間韓國餐廳

佢揸住自己既野食

係咁望住個韓國男仔, 但個男仔好專心咁做緊野

呢個衰女就用呢個眼神望住咁耐

真係笑大人個口啦~

elements無乜人我地又方便去

所以我地經常去! 見無乜人放低佢影下相

好可愛呀!!!(容許我戀囡一下吧~)

雜記5-6月個月

2015年7月29日 星期三

去完旅行返黎

大家都要適應一下, 木子去足7日, 用左2-3日時間去適應返生活

返左香港第一個節目係參加同年同月同日BB 半歲PARTY

第一次參加呢d party

佢好新奇, 一開波就周圍望

之後訓足半場, 無乜時間同佢影相

影到呢張已經好好架啦~

6月17日, 終於都半歲啦~

回望過去過得好快

但果係到諗覺得d時間好難捱

但估唔到咁快你就變左個識笑, 識比反應既bb啦~

見木子平時都好鐘意沖涼

咪帶下佢去游水囉~

點知...點知...一擺落水佢好驚

成個人硬晒呔~笑死我啦!!!

游左半個鐘左右, 佢就開始不安, 開始喊

當然拿拿淋上水走人啦!

上返屋企, 精神晒

訓上朋友仔張床仔到好搞笑

佢地2個配合得好好, 一個伸腳, 一個被擊倒

睇到張相真係忍唔住笑出黎, 哈哈

 又某日又去參加左第二個半歲PARTY

今次好好多啦~

可以影到相呀!

朋友個囡囡都有一齊去

好鐘意呢張相, 希望你地2個可以繼續做朋友

我地做媽媽既一定幫你地努力KEEP

木子超唔鐘意波波池

一擺佢上去勁驚~

跟住啲波開始埋沒左佢

佢個樣超驚, 我真係忍唔住影埋張相先救佢出黎

佢個樣真係向我求救緊架, 哈哈

我想買蒸爐好耐, 但因為太貴

所以一路無諗

但因為木子加固, 所以就買左

用左自己私心~去整佢既食物

不過依家用左一排

真係覺得太好用, 太方便啦~

我會好好利用佢整多啲餸

買左呢個美臀娃娃送比老公做父親節禮物

原本我覺得臀係唔洗按

但呢舊野可以按大腿

完全地岩晒老公用, 即刻買啦!

老公成日企, 好攰架

有人請左朋友黎屋企食飯

整左焗雞

蒸魚, 驚茄子

朋友整左焗菇

超豐富好好味呀~

小朋友呀小朋友

乜你訓覺訓到打風咁架~

依家佢成日都搶電話

我要影低你, 睇下你幾咁肉酸, 哈哈

可能準備出牙, 但KEEP左個幾月都未出到

成日都咪咪咀

佢呢個表情好得意呀!!!!

某日出左媽媽group 聚會

好可愛呀, 4個bb都睇中包糖

睇下, 4個都望到實一實

終於引到佢地齊齊望鏡頭

但你睇下木子

眼望鏡頭, 但手搶人包糖

好奸仔呀, 哈哈

沖繩Day 7

2015年5月30日 星期六

沖繩 Day 7

黎到最後一日

因為今日4點機走人, 所以無咩節目可以安排到

只係去左oulet shopping

但因為得個零鐘時間

所以只能夠分頭行事咁行~

終算買到啲野比自己啦!!!

因為實在太熱啦~

所以食左個刨冰

日本啲刨冰好好味

啲汁一啲都唔假, 食完涼浸浸太好了!

叫左個炒麵麵包

無咩特別, 食完就要去交車啦~

到左機場!

喂~小朋友你係咪知道可以返屋企所以咁開心?

因為帶住木子, 航空公司將我地升級左去business class

我同老公從來都無呢隻運

真係多謝阿囡帶比我地luck~

7日6夜既旅行終於完成

未去之前係好擔心

去完之後放心晒~

木子好乖, 好放心帶佢去旅行

但....帶細又帶大咁去真係好攰

我相信老公係最攰果個

佢要照顧我, 木子, 老爺同奶奶~

好, 又玩完一個trip!!!希望快d有第二個trip啦~

沖繩 Day 6

2015年5月29日 星期五

沖繩Day 6

今日天氣超好~

上返房木子自己又訓左

望住佢真係覺得佢好得意

請容許我戀囡吧!!!哈哈

第一站去睇個塔, 我已經唔記得左叫咩名啦~

天氣超好, 又曬又熱!

真係無得頂呀!!!!!

呢次旅程我練成一路揹住佢一路餵佢奶啦~

仲可以一隻手拎住把遮, 我真係好勁, 哈哈

買飛上去塔頂望下

係又熱又窄既環境揹住佢行咁多級樓梯

其實都幾吃力~

不過順利完成~

上到去都係睇下風景!!!!

我好想快d走呀~

好熱呀!!

下一站去美國村

首先梗係食午餐先啦~

有人介紹左旬魚旬菜比我

走去食!!!!食到我地4個超滿足~

呢盤我既, 好大份呀

右一果個係海胆魚, 好嫩, 好好味

老爺既天婦羅, 好香, d粉好薄

啲蝦好彈牙~

奶奶既壽司拼盤

反而無乜特別~~~

老公既鰻魚飯

好好味呀, 相比上次係京都食果個

呢個真係好味千百倍~

食完就走下美國村

無咩野岩行

都無咩岩睇, 好快走人lu~

出返去那霸

估唔到出返去那霸咁塞車

塞左好耐~

木子係車訓唔到, 係咁爆喊

咋咋淋餵佢食奶先~

食完先d安穩返d咋!

餵完奶先上房, 原來我book左間大房

架房大到有按摩椅架喎!

張床好大張, 睇下放左木子上去

佢變得幾細粒~

好可愛呀, 咁細粒

因為無bb床, 我自制左張床仔出黎

用佢地張梳化砌左張床仔出黎

不過, 唔知係咪玩得太多日

呢晚佢唔係好肯訓

係咁恰埋對眼係咁喊~

我地估可能晏就係車佢訓唔到

眼訓過龍所以係咁喊~

不過好彩抱佢一陣安撫下佢都訓到!